|
الشاعر حامد زيد "غرام أحباب "
الشاعر حامد زيد
غرام أحباب على ذاك الطريق اللي يسمونه غرام أحباب وطت رجلي على دربه و لا أدري وش نوى فيني تبعته لآخر دروبه ألين أن القمر قد غاب تعب قلبي و لا تعبت مسافاتٍ توديني لقيت الليلة الجردا هدب ظل و سما و اعشاب بعد ذاك الظلام اللي يتوهني عناويني صدفتك معجبه فيني و ياليت الغرام اعجاب و تراك انتي الهنوف اللي هقيتك تستحقيني عطيتك عشق من قلبي وسلمت لغلاك رقاب و غيرك يحترق قلبه و لا يقدر يحاكيني أنا قبلك صدفت عيون لكن ويش جاب لجاب؟ ترى كل العيون اللي لقتني ما تكفيني رماني حظي العاثر عليك وجيت لك طلاب و لا أنتي اللي عشقتيني و لا انتي اللي عتقتيني تعالي و اعتقي ذاك الخفوق المولع المرتاب مهب لاجلي عشان الله يجازيك و يجازيني تعدي في سما عشقي و لو عشقي خراب أصحاب و صوني بالهوى نفسك قبل لا انتي تصونيني و شيليني على متنك خفوقٍ باريٍ منصاب و من فوق الغرام العذب شيليني و حطيني و لا منك هقيتيني شجاع و ما يطيق يهاب أنا لك بالهوى و الله مثل ما انتي هقيتيني أنا ما أمشي ورا غيرك و لو أنه يطق الباب و ترى عيبٍ عليّ أطعن و لو كثرت سكاكيني زهودٍ ما يطيق الدم لا داين و لا طلاب شجاع و عارفٍ نفسي و أظن أنك تعرفيني غيورٍ ما عرفت أضحك مع الغدر ببّرود أعصاب أبيع عيوني الثنتين قبل أنك تخونيني إذا شد الغرام اترك خفوقي بين ناب و ناب لفرقى تكسر ضلوعي و لا عشقٍ يوطّيني أنا رجلٍ و لي غيره و إذا شفت الهوى كذاب تثور بقلبي الفزعه و لا تهدى شياطيني سؤالك لو يزعزع بي كياني ما قبلت عتاب اجي لك و أسالك نفس السؤال اللي سألتيني عن العشق القديم أبواب تقفيها كثير أبواب بعد ذاك الحبيب اللي خدعني و انخدع فيني أبي عشق تحسب له كل نظرات العيون حساب و ابي قلبٍ علي قلبي و ابى دينٍ على ديني و ابي نظرة عطا توفي و لا تخلف بدون أسباب و ابي منك قبل لا نتي تصديني توديني و ابي دربٍ على العذال صعبٍ و متعبٍ و غلاب و ابي نفس الطريق الصعب يبعدهم و يدنيني ترى لو للقلوب عيون و لدموع العيون أهداب حشى ما تنزل الدمعه لغيرك لو تركتيني أنا أول من عرف قدرك و أنا توي صغير و شاب و ابي منك ما دام أنك عرفتيني تحبيني ما دام أني لقيتك في طريق أسمه غرام أحباب دخيل الله و بعد الله دخيلك لا تخليني ما دام أن كل من يحيا على وجه التراب تراب عسى تنساني الدنيا مادام أنتي ذكرتيني كلمات الشاعر حامد زيد |
: الشاعر حامد زيد "غرام أحباب "
عاد انا كل اشاعر حامد يزد عندي
روعه اشعاره والله خاطري اعرف اكتب مثله ^_^ مشكور اخوي عىل القصيدة الجميلة جدا |
: الشاعر حامد زيد "غرام أحباب "
إقتباس:
كلماته لها صدى بمسعي ..احب اقرأ له كثير واستمع لاشعاره.. دمت بخير زهرة الشوق.. |
: الشاعر حامد زيد "غرام أحباب "
نقل رائع اخي الفارس .. تسلم..
|
: الشاعر حامد زيد "غرام أحباب "
تسلم بحر الغضب .. مداخله جميله .. ربي يعطيك العافيه ..
|
: الشاعر حامد زيد "غرام أحباب "
نقل رااائع
لكلمات شاعر الإبداع يشع من كلماته ومنه هو شـاعر الكلمات لا تكفي لوصف كلماته راقي في أحاسيسه وأحيانا يكون قاسي وفي كلا الحالتين هو رائع |
تسلمي اميرة الورد
إقتباس:
|
: الشاعر حامد زيد "غرام أحباب "
يااااااااااااااااااااي احلى شي كلمات هالشاعر ..
تسلم يالفارس ع نقل احلى كلمات الشعر بالنسبة لي ^^ |
: الشاعر حامد زيد "غرام أحباب "
إقتباس:
|
| الساعة الآن: 08:39 PM |
vBulletin ©2000 - 2025