 |
 |
 |
|
|
|
|
 |
 |
|
|||||||
| شعر و أدب واحة من الخيال والحقيقة ونشر المشاعر النبيلة الهـادفة من شعر وخواطر وروايات |
 |
|
|
خيارات الموضوع | ابحث بهذا الموضوع | طريقة العرض |
|
|
|
#1
09/09/2007, 07:29 AM
|
||||
|
||||
مدري (تفو ) هي مدح ولا شتيمه
مدري (تفو ) هي مدح ولا شتيمه
البارحة جاني مـن الحـب مرسـال > من عقب ما بينـي وبينـه خصيمـة وانا ترى في الحـب مانيـب فعّـال > ولا بعـد ولّـع بقلبـي هشيـمـه ولا بعد غنّيت فـي ساعـة وصـال >ولا بعد ذقـت الفـراق وجحيمـه ولا جرى دمعي على الخـد همّـال >ولابعـد جربـت مــرّ الهزيـمـة حتى وردنـي تالـي الليـل جـوال >وانا على شاهي وبسكـوت ديمـة الرقم بايخ لكـن الصـوت قتـال >كنه مثل صـوت المذيعـة حليمـة قالت مساء الخير يـا طيّـب الفـال >قلـت ارحبـي ترحيبـةٍ مستديمـة بالعود والصفـري ودلـة وفنجـال >واجبك يا بنت الأصـول الكريمـة ردت بضحكة ثم قالت وش الحـال؟ >قلت اشهد إن الحال عقبك سقيمـة قالت وهي تضحك بعد مثل الأطفال >وانـا بعـد كنـي بدونـك يتيمـة من يـوم قالتهـا تزلزلـت زلـزال >من فجعتي كنـي مسـوي جريمـة قلت ارفعي صوتك ترى مابه ارسال >كـذاب لكـنّ المصيبـة>عظيمـة قالت أقول اسمع ترى هرجنـا طـال >ممكـن تصاحبنـي ترانـي وسيمـة واسمي الحقيقي أول حروفـه الـدال >لكـن يسمّونـي البنـات الزعيمـة صحيح أحب الفخفخة واعشق المال >لكـن ترانـي طاهـرة مستقيـمـة ما عندي امغازل ولا (لعب يهّـال) >ما عندي إلا في الشرف والحشيمـة بس الصراحة قلبي لشوفتـك مـال >واصبحت وحدك جالسٍ في صميمه فكّر بعقلك واترك القيـل والقـال >واحذر تطيع اهل العقـول العقيمـة وارسل علي الحين خمسميـة ريـال >أشحن بهـا جـوال أختـي غنيمـة أو طقم غالي فيه خاتـم وسلسـال >أروح بـه فـي عـر س ولاّ عزيمـة قلت الحقيقة مانيب رجـل أعمـال >ولانـي بتاجـر والمـوارد عديـمـة أنا الصراحة شبـه عطّـال بطّـال >وعلاقتـي بالفقـر جـداً حميـمـة والراتب الله يرحم الحـال مـا زال >محـدود والمصـروف ربـي عليمـه والدين بـالآلاف والبنـك شغّـال >ياكـل فلوسـي بالربـا والظليمـة والسوق طايح والغلا ضيّـق البـال >والموت والله صايـر اكبـر غنيمـة قالت تحمّل بـس والحمـل ينشـال >خلك شديد الباس صلـب العزيمـة ياخي تصرّف جعلك اتصيـر نشّـال >أهـم شـي إن النوايـا سليـمـة لابد تفهمني علـى كـل الأحـوال >ما دمت من أهل العقـول الفهيمـة قلت إيه والله فاهم اللي على البـال >لكن تـرى هـذي علينـا قديمـة يا بنت هـذا صايـر اليـوم مـوال >للي تبي تلعب علـى ابـن اللئيمـة يا بنت ما تدرين كـم فيـه محتـال >يلعب على الحبلين وانتـي غشيمـة يا بنت كم من جاهلة دمعها سـال >من عقب ما جات العواقب وخيمـة والبنت لا اقفى عرضها بيد الأنـذال >والله مـا يبقـى لهـا أي قيـمـة قالت تبي ولاّ فخلّك علـى جـال >مهوب ناقصـي نصايـح حكيمـة عز الله إنك للأسف منـت رجّـال >وانك قليل الذوق ما فيـك شيمـة يا لعنبو اللي مـا يسطّـرك بنعـال >حتـى يعلمـك الغـزل يـا بهيمـة ( تفو ) عليك وصكّت الخط في الحال >مدري ( تفو ) هي مدح ولاّ شتيمـة آخر تعديل بواسطة الفارس الاخير ، 10/09/2007 الساعة 10:01 AM 
|
|
#2
09/09/2007, 08:40 AM
|
||||
|
||||
|
رد : مدري (تفو ) هي مدح ولا شتيمه
يا بنت ما تدرين كـم فيـه محتـال>يلعب على الحبلين وانتـي غشيمـة>>يا بنت كم من جاهلة دمعها سـال>من عقب ما جات العواقب وخيمـة>>والبنت لا اقفى عرضها بيد الأنـذال>والله مـا يبقـى لهـا أي قيـمـة>>
رولا كلمات جملية لها معاني كثيرو وتحكي قصة تتكرر باستمرار ولكن هل من منتصح لك كل الشكر والتقدير مع التحية
|
|
#3
10/09/2007, 10:02 AM
|
|||
|
|||
|
رد : مدري (تفو ) هي مدح ولا شتيمه
رولا مشاركه جميله اختي الكريمه...
|
|
#4
12/09/2007, 04:36 AM
|
||||
|
||||
|
رد : مدري (تفو ) هي مدح ولا شتيمه
شكرا اخوي الفارس الاخير على التعديل00
|
|
| مشاركة الموضوع: |
| خيارات الموضوع | ابحث بهذا الموضوع |
| طريقة العرض | |
|
عناوين مشابهه
|
||||
| الموضوع | الكاتب | القسم | ردود | آخر مشاركة |
| مجرد فأر | دعاء | قصص حقيقية | 2 | 05/12/2011 04:55 PM |
| لماذا اعتنقنا الإسلام ولماذا أحببناه حتى الشهادة فى سبيله | fatenfouad | إسلاميات | 2 | 16/09/2011 02:54 PM |
| هل هي مجرد قصة ؟؟ | دعاء | قصص حقيقية | 7 | 10/09/2011 06:08 PM |
| مجرد تجربة | meme.s.m.a | موضوعات عامة | 14 | 14/03/2011 07:46 PM |
| مجرد حلم | روح الليل | شعر و أدب | 18 | 01/04/2006 03:15 PM |
|
النمط التشعبي
