طيحاتكم (طراخ طريخ) فشيلة قدام الناس

السلام عليكم
بما اني عضوة جديدة فبليز تفاعلو معي لاتفشلوني، كثير منا مر بموقف يفشل الا وهو طيحة معتبرة قدام الناس، بمدرسة او سوق او حتى عزيمة، مطلوب تكتبو موقف زي كذا، ونتبادل الخبرات والتجارب ببدأ بنفسي

أنا كنت طالعة من محل وكنت شارية بخور محترم في علب زجاجية


المهم وانا طالعة مسرعه :bs005: فرحانة بالأغراض وقدامي درج، والا بطرف العباية يمسك بالباب
تخيلتو الموقف بغيت اطيح لقدام والمشكلة درج مباشرة وبعده شارع
وحسيت عمري كله مر قدامي بلحظة قلت اكيد الطيحة بتكون قوية
وكنت خايفة من الاغراض لاتتكسر فوقي، وكنت خايفة اكثر من الفشيلة!!
تتوقعو ايش صار؟؟

بآخر لحظة جريت العباية وفلتت بس قفزت قفزة محترمة من أعلى الدرج لآخره
وربي ماتكرفست ولا حاجة كان شكلي زي الرجل العنكبوت لما يقفز من العمارة للأرض تخيلتو معي اللقطة( متأثرة بالأفلام)، ربي ستر وماتعورت، بس اكيد كل اللي بالشارع قالو وش هالبنت العنكبوت، و صارت عيونهم طالعه من القفزة العنكبوتية

صح شكلي ثقه بس جلست ساعة ارجف بالسيارة

يالله لا تحرمونا من طيحاتكم

هلا والله و مرحبا بيج ..

و انا اقرأ تذكرت مواقف حلوووة ..

و تسلمي على الموضوع و الموقف الحلوو الي صار معاج !!



و احلى شي بهالمواقف الذكرى !!

المهم غلاتي لي عودة ان شاء الله مع موقف من حياتي !!

و السمووحة ..

ههههه سلامات غناتي ماتشوفين شر ,,



انا اذكر مرة كنت بدخل محل البيتزا انا واختي كنا بنطلب وبنروح البيت المهم المحل كان يديد ونطيف مرة والزجاج مب مبين اي واحد الباب او مدخل المطعم المهم وانا امشي شفت الزجاج واتراوالي ان هذا هو الباب اتحريته مفتوح وإلا ادعم لكم الزجاج وآآآآآآآآآآآآآآي ياخشمي وياراسي ماقدر اتحمل الموقف تميييت اصيييييييييح من الفشله مب من العواااااار كنت في موقف لااحسد عليه الصراحه ,,

هلا بالبنات شرفتو وفرحتوني بمرروركم


نبع العسل لاتتأخرين ننتظرك
اماراتيه آخ آخ ياخشمي شكلها الدعمة مرة تعور سلامات خخخخخخخخخخ (وحده نذله)

تذكرت وحده من الطيحات الجهنمية، كلما اتذكرها يحمر وجهي من الفشيلة ، هاذي الطيحة صارت ايام الجامعة وطبعا مختلطة (لزوم الاكشن)، كنت انا وزميلتي بلاب الكومبيوتر وكان زحمة فجلسنا نشتغل على الكومبيوتر اللي قدام المخصص للمحاضر اللي يشرح (بالله هذا وصف!)، وكنا مضغوطين بالوقت ورايحين رادين على الكومبيوتر والبرنتر، وكنت اكتب وانا واقفة عشان السرعة وتعبت وبغيت اجلس الا زميلتي بدون قصد تجر الكرسي من وراي عشان تجلس عليه بنفس الوقت!! ومرت لحظة من الصمت المدقع (احسها غلط) وانا اهوى الى الارض، و اقول في نفسي وانا اقع وين الكرسي بعده ماوصل؟ وحسيت نفسي طايرة في السما (حشا مش لحظة، تذكرت كابتن ماجد تخلص الحلقة كلها وهو بس في لحظة التسديد >>> ياشين التشبيه)
طبعا وقعت على الأرض بكل ثقة وشموخ (ونفسي تقول اخيرا جربت احساس القفز بالبراشوت)، وربيعتي رغم تعاطفها مع الضعيفة الهاويه الى القاع (اللي هي انا) جلست تضحك علي
وانا قمت ولا كأن شي صار وكملت شغل على الكومبيوتر والبرنتر (اخ منك يالدحاحة) وربيعتي مستغربه مني وكأن لسان حالها يقول عظمة على عظمة ياست!


وننتظر بقية الطيحات

ههههههههههه


فضايح والله ^_^


بصراحه صار لي موقف محرج ويييه مادريت وين اودي وجهي من السكيرتي اللي بالمستشفى الحمدلله والشكر




كان وقت الظهر والمستفى فاضي المهم



وانا ادش المستشفى مدري شفيها نعالي سبقتني بقياس مدري كم متر المهم سارت تمشي بروحها عني


ويييييه استحيت مشيت تقريبا متر قدام السكيرتي رجلي وحده فيها نعال والثانيه اجيب نعالي


اللي راحت المهم ويييه عاد ماموقف كل يوم اتذكره وهلي يضحكون علي لما اذكرهم ^__^

إقتباس   اقتباس من مشاركة أحزان البنفسج ههههههههههه فضايح والله ^_^ بصراحه صار لي موقف محرج ويييه مادريت وين اودي وجهي من السكيرتي اللي بالمستشفى الحمدلله والشكر كان وقت الظهر والمستفى فاضي المهم وانا ادش المستشفى مدري شفيها نعالي سبقتني بقياس مدري كم متر المهم سارت تمشي بروحها عني ويييييه استحيت مشيت تقريبا متر قدام السكيرتي رجلي وحده فيها نعال والثانيه اجيب نعالي اللي راحت المهم ويييه عاد ماموقف كل يوم اتذكره وهلي يضحكون علي لما اذكرهم ^__^

هههههههههههه موتيني من الضحك يلست اتخيل الموقف

هههههههههههههههههههههههههههههههههه


بنات ما يشوف زين
هذا الي يمشي وراسة فوق

هههههههههههههههههههههههههههههههههه

عاد جاء


فارس بلا جواد


اوف منك


انت شرير مب اليف ..!!

هههههههههههههههههه

ابصراحة ومسوين عبايات مال سبيدر مان يعني اذا مشيت وراهم في الزحمة

لزمن 5 او6 بنات يطيحو مثل الحمام لانهم عباياتهم طول


ههههههههههههههههههه

شرده الان احزاب البنات راح يتولفو فيني


احسن اشرد عاد احزان النفسج رازه نفسها
هههههههههههههههههههه

انت تستاهل شنق فارس بلا جواد


باختصار كلامي ^__^

^__^ ^__^ ^__^ ^__^ ^__^
^__^ ^__^ ^__^ ^__^ ^__^
^__^ ^__^ ^__^ ^__^ ^__^

ليش حرام كلام الحق يقال

انت قلت كلهم عممت ..


الحمدلله والشكر عباياتي مب مال سبيدر مان ^__^


هذا الحق وليس ماقلت ^__^


احترم تعليقاتك بالنهايه ^_^

لزمن تحترمي
انا عارفك انك خيفانه

وانا ما عممت على الكل
الي يعرف نفسه بس


شرده

ما اتذكر مواقف طحت فيها
لكن اذا تذكرت برجع اخبركم ^__^

أحزان البنفسج
حكاية النعال حكاية، انا دائما في حالة تنافر دائم مع نعالي، ودائم يطيح مني على الدرج (ما اعرف ايش حكاية الدرج)، من كثر هالمواقف صرت ما احس بالفشيلة (اقول المشكلة مش فيني الا في نعالي!)

فارس بلا جواد هلا بالشباب، وين موقفك؟ يعني الشباب مايطيحون؟ وايش عباية السبايدر مان ماجالي سمعت عنها (الحين تركض الخياط تسأل عنها عشان القفزات العنكبوتية)انا اعرف العباية الفراشة والجرادة والخنفساء وعباية الجمل ابو سنامين (هاذي من عندي)، أقول فارس وين جوادك ما كأنك طايح من على ظهره؟ عادي خبرنا القصة، حتى ولو من وحي الخيال! ننتظرك.



الفراشة وانا بعد اذا تذكرت من هالمواقف بخبركم (والله شكلهم كثير بس مستحية تقولي)