باركولي أنا نجحت!!!!!

العنوان يشد

ابي من كل واحد مننا احنا الاعضاء يكتب اي قصة او تجربة مر فيها وغيرت شي في حياته او غيرت نظرته للحياة , او يكتب قصة نجاح مر فيها



او نبي طريقة مارسها اي واحد مننا وغيرت حياته مية وثمانين درجة
او تجربة مازال الفرد يمر فيها ويبي نصيحتنا حولها واحنا نوقف معاه للنهاية لحد ما يرجع لموضوعه ويقول: باركولي أنا نجحت

أي شي أي شي
المهم يكون شي مر فيه الفرد في حياته يفيده وممكن يفيدنا



نبي الفائدة تعم ياجماعة

واتمنى الموضوع يثبت عشان كل اسبوع نعيش تجربة جديدة ممتعة ومفيدة

ولا يهمك يا احب الدنيا

انا احجز مكان لي هنا وان شاء الله من يجهز الموضوع لي عوده

طرح متميز..

اوكي أنا ببدأ واقولكم او تغيير بحياتي كان شلون
ابي اشرحلكم حالتي قبل التغيير

كنت وحدة اعيش يومي بمعنى الكلمة
لو ما معي إلا ريال اصرفه
منتهى الانبساط والحرية
وإذا زعلت احد ما يهمني لأني كنت فاهمة السعادة غلط
كنت فاهمة ان السعادة طعمها ما يحلى إلا إذا استفردت فيها لوحدي وبس
آكل لوحدي أِرب لوحدي
صحيح كان عندي صداقات لكنها سطحية إلى حد لا يمكن تصوره

حتى لما كنت اجيب درجات عالية بالدراسة مانت آخذها عن رغبة في التطور والتحسن لالا لا كنت ادور على هالدجات عشان اوضح لبنات المدرسة اني احسن منهم وإذا ما قدرت أجيب درجات عالية كثير أغلبهم بالجدل والكلام الفصيح وقوة القول



يعني ....
من هالحال
كنت اضحك كثير لكن مو سعيدة وكنت انام طول الليل بس ما كنت مرتاحة
لحد ما جا يوم قبل سنتين وسمعت دكتور نفسي سعودي قال ان في كلمة وحدة بس تخلي الانسان مرتاح وما راح يشعر بالسعادة ولا الراحة إلا إذا طبق هالكلمة حرف حرف

الكلمة هذي من أربع حروف وكل حرف منها يحمل مفهوم لا بد أن يطبقه الاسان

كلمة برفق

ب= بدن مرتاح ( لبدنك عليك حق ) وهذي الناحية الجسدية
ر= روح مطمئنة ( هذي الناحية الدينية )
ف= فكر كبير ( وهذي الناحية العقلية )
ق= قلب مخموم ( يعني قلب يتنظف كل يوم )
وبكذا قعدت اطبق هالكلمة حرف حرف
آخذ كفايتي من الاكل والشرب والنوم والنظافة وكل ما يحتاجه بدني
وأتقرب من الله بالشكل المناسب وهذا أخذ مني مجهود جدا كبير على الرغم من قلة عباداتي >>>> ادعولي
فكر كبير وهذا الجزء بالذات ساعدوني عليه دكاترة الجامعة وللحين يساعدوني وينصحوني بكتب مختلفة عشان أقرأها واتثقف منها ولسا ما وصلت للمرحلة الي ابيها من المعرفة
والقلب المخموم هذا هو الذي شعرت بتغيير كبير فيه فلم أكن انسى حقي فيي السابق مهما كان صغيرا ولم اكن اترفع عن صغار الامور بل كنت اقف عند خل عثرة بشرية
اما الحين قبل ما انام انظف اسناني واغسل وجهي (اغسل قلبي )مما فيه من غضب وكره وحقد على أي شخص مهما كان


وإذا طبقنا الكلم تطبيقا حرفيا سننال حظا وفيرا من الرفق

والراحـــــــــــــــــــــــــــــة اللي كلنا مفتقرين إليها

وهذا كان أول تغيير إيجابي في حياتي وفي مرة أخرى راح اذكرلكم تغيير سلبي حصل معاي وان شاء الله تساعدوني فيه

عجبتني قصة اول تغيير إيجابي في حياتك كثيييير اختي احب الدنيا
وعجبني موضوعك الجميل هذا، الذي يشد فعلاً وفيه الفائدة ومتعة القراءة والمشاركة
بانتظار قصة التغيير السلبي على أحر من الجمر

ياااي موضوع وااايد حلووو وشيق وجميل جدا جدا


بس حتى احينه ما اذكر شي



وبرد مره ثااانيه^^

موضوع حلوو احب الدنيا

وتجربتك احلى

انا عندي كثير تجارب من خلالها تغيرت حياتي وكل مرة رح اذكر لكم تجربة وحدة

هذي تجربة لما كنت صغيرة تقريبا وانا عندي 8 سنين

كنا بعد صلاة العصر نطلع برا البيت ونلعب وكل البنات عندهم درجات هوائية وانا ما كان عندي

لاني ما كنت اعرف كيف اقود الدراجة واستحي اقول للبنات اني ما اعرف

صار اخوي الكبير يضحك علي انتي ما تعرفي وانتي ما تعرفي وكل ما يشوفني يتفشر بدراجته

لين اخر شي قررت اني اخبر ابوي اريد دراجة وبالفعل ابوي اشترالي دراجة بس فيها عجلتين صغار

عشان يثبتوني وما اطيح ، لعبت بالدراجة فترة بعدين رجع اخوي يضحك علي مرة لان دراجتي فيها 4 عجلات

وكل مرة اتحمل لين في النهاية طفشت ورحت وقلعت العجلتين الصغار وخذيت الدراجة وقدتها خط مستقيم



لما بغيت الف طحت على شكلي هههههههههه بعدين قم لفيت يمين يسار محد شافني رجعت البيت بسرعة وانا

فرحاااانة لاني فزت على اخوي وصرت اعرف اسوق الدراااجة

هذي التجربة علمتي كثير اني قبل ما اقول اني ما اقدر اسوي هالشي اجرب اسويه واكيد ف النهاية رح اقدر اسويه

وهذي اول قصة من قصص التحديات والنجاح عندي

ننتظر البقية

اشكر الاعضاء اللي مرو على الموضوع وأشادوا به

وبالنسبة لبينكي موضوع جدا رااااااائع



وتغيير حلو
وبالفعل في ناس كثير يقولوا ما نقدر نسوي كذا مع انهم ما جربوا
وكأنه رهاب التجربة

لكن تغيير جدا راائع

رائـــــــــــــــــــــــع أحب الدنيا موضوع مب عادي
.................................................. ...........

مؤقتا بقولكم بأختصار



كنت وايد عصبيه ,,,بس سويت وايد أشياء مثل تعلمت طريقة
التنفس العميق والاسترخاء وبديت اطبقها يوميا

واليوغا درست في مجموعه وبعدين جبت مدرسه البيت

ومع الوقت فهمت اني ما أستفيد من هذي العاده السلبيه
بالعكس تعقد الامور..اذا تضايقت أحاول مااتسرع أما أطلع

أمشي أو أشغل سورة الرحمن(تأثيرها علي كبير)

و بكمل لكم عقب.......

احب الدنيا موضوع اكثر من رائع

ولي عودة مرة اخرى مع تجربة انشالله

حياكم الله انتو كلكم نورتوا الموضوع
زهرة الخزامى متى عقب
ترا شوقتينا

وانتظر عودتك اختي مضاوي


أما اول تغيير سلبي في حياتي بقولكم عليه بعدين !!!!!!!!

موضوع مميز

وقصص جميله و تغيير إيجابي راااائع

أنا ألحين مو مذكرة شيء ......... لي عودة إذا أراد الله

موضوع حلو بس ما عندي نقطة تحول في حياتي وحسيت انها يعني...........................
فهموها عاد