صينية لحمه بالخضارلمشرفتنا الغاليه سماء بلادي

لمشرفتنا القديره سماء بلادي
أتمنى تقبلي هذا الطبق وتقوليلنا رايج

:::::: المقادير :::::::36_1_51[1]:
حبه بصل
حبتين بطاطس
حبتين جزر
حبتين باذنجان
حبتين كوسا
حبتين فلفل رومي
4 حبات طماطم
نصف كيلو فاصوليا
لحمة مفرومه واحده

:::::: الطريقة ::::::

تقطع جميع الخضار مكعبات مثل مكعبات السلطه يعني 2/1سم في 2/1سم
1- حطي الطماطم في قدر كبير بعد ما تقطعيها طبعا..
2- اولا تقلين البطاطس في الزيت لوحدها..
3- وبعدين اقلي الجزر والكوسا والفلفل لوحدهم..
4- وبعدين الباذنجان تقلينه مع الفاصوليا..
((لأن الفاصوليا تعدم أبو الزيت))
5- وبعدين اطبخي اللحمه مع البصل كأنك تسويها للسمبوسك ..
6- وحطي كل الخضار المقليه واللحمه اللي طبختيها على الطماطم اللي في القدر ورشي فوقها ملح وفلفل أسود وكمون بس ((لا تحطين بهارات مشكله تخربها))
7- قلبيها زين وبعدين افرديها في صينيه كبيره ورشي فوقها فنجان قهوه مويه وغطيها بالقصدير وخليها بس ربع ساعه في الفرن.
ممكن تغمسيها بالعيش وممكن تحطيها فوق رز ابو بنت الابيض الساده المطبوخ بالزبده والملح بس..
وانتبهي على اصابعك لا تاكليها..:36_1_51[1]:
و بالهناء و الشفاء.

يمي يمي يمي

محد زاد وزني غيرك

لاني كل ما اشوف وصفة اروح واجربها

تسلمين يالغالية على الوصفة الحلوة

ويلا يا سمهااء تهني بيها ولا تنسينا

زهرة الخزامى .... تسلم هاليد الحلوه على هالوجبة الشهيه يالغاليه
إسمحي لي ماشفت الوجبة الا الحين .. بس دامها من زهرة الخزامى
فأكيد بتكون بنفس جمال وعبق الزهرة ... والوجبة شهيـــــــــه

وأنا بالمقابل أهديك هالزهور .. إيش رايك

بنكي ..تسلمين ع المرور العذب يا الغاليه

سماء بلادي ..تستاهلين اكثر يا الغلا
و الزهوووووووور تهبل أحلا شي بالدنيا
مشكوره ويعطيج العافيه.

الله على الوجبه الطيبه منك يا اختي زاهرة الخوامى

واختنا سماء بلادي تستاهل كل الخير

تسلم أخي العزيز فارس ...لك وحشه وين رحت؟؟