شلون اصير زين بالانجليزي !!

#1 29/05/2009, 09:00 PM

السلام عليكم ..

ياجماعة انا السنة القادمة رح اسجل بالجامعة وعندنا
النظام بـ قطـر كل الجامعات الدراسة بالانجليزي وام انك تقـدم توفل وتجيب فيه 5.5
او انك تدخل سنة تأسيسي وباقي دول العالم التأسيسي سنتين الا احنا
المهم اذا بعد نهاية هالسنة ماقدرت تطوف التوفل يتم طردك من الجامعة وماتقدر
تدخل اي جامعة ثانية واذا بتطلع تدرس برع المجلس الاعلى للتعليم مايعترف بشهادتك
يعني ترجع الدوحة تنسى انك تشتغل فيها !!

انا راسي يعورني ودي اصيييح ههه بس صدق والله مكتأب عالاَخـر مادري
شسوي انا ماعرف شي بالانجليزي نهائياً لاني من مدرسة حكومية يعني عندنا 9
مواد دسمين بالعربي و الانجليزي كلمتين ولما نروح الجامعة يصير كله انجليزي..

مابغي اعور راسكم شلون اقدر اطور اللغة عندي لاتقولون شوف برامج ومادري شنو
حاولت واييد بس ماقدر استوعب عقبها ودي ابكي من القهر حلولكم .. واشكركم
اسمحولي طولت وايد بالكلام <<شدعووه مصري

#2 29/05/2009, 11:33 PM

انا اكثر شي تعلمت انجليزي من افلام انجليزيه (( بس هااه بدون الترجمه))

اللي اعرفه انا مب لين هناك

بس زين يعني ^__^

والسموحه اخوي

#3 30/05/2009, 08:15 AM

شكرا على مرورج

#4 30/05/2009, 09:42 AM

المشاهدة والأستماع الى برامج باللغة الأنجليزية دون النظر الى الترجمة الا أذا أستدعت الحاجة

وأيضا معرفة القواعد والأساسيات واليك هذا الرابط لمعرفة الأساسيات أساسيات اللغة الأنجليزية

وأيضا توجد في المكاتب كتب للترجمة أو بالأصح ( الدكشنري ) وهذا الكتاب فيه الكثير من الكلمات ومعانيها تأخذ في اليوم ع الأقل 5 كلمات تحفظها جيدا وترددها طول اليوم وتحاول أن تنطقها بشكل صحيح

وأيضا الممارسة يعني تمارسها مع أخوانك في البيت وأصدقائك

وراح تصير ممتاز

#5 30/05/2009, 03:55 PM

إقتباس

اقتباس من مشاركة تيماء


	المشاهدة والأستماع الى برامج باللغة الأنجليزية دون النظر الى الترجمة الا أذا أستدعت الحاجة وأيضا معرفة القواعد والأساسيات واليك هذا الرابط لمعرفة الأساسيات أساسيات اللغة الأنجليزية وأيضا توجد في المكاتب كتب للترجمة أو بالأصح ( الدكشنري ) وهذا الكتاب فيه الكثير من الكلمات ومعانيها تأخذ في اليوم ع الأقل 5 كلمات تحفظها جيدا وترددها طول اليوم وتحاول أن تنطقها بشكل صحيح وأيضا الممارسة يعني تمارسها مع أخوانك في البيت وأصدقائك وراح تصير ممتاز

مشكورة اختي عالنصايح وعالرابط والله يسهل

#6 30/05/2009, 01:55 PM

سمعت ان المدارس الحكومية اللي بقطر عن قريب بيحذفوهم

وبتصير الدراسة أساسي والمواد العلمية بالانجليزي ...صحيح ..؟؟؟

أنا بروحي أعاني من مشكلة الانجليزي بس ما مجبورة أتعلمها
أما في ظرفكم انتوا اجباااااااااري بس ما أقول إلا الله بساعدكم

#7 30/05/2009, 03:54 PM

إقتباس

اقتباس من مشاركة شريره بنظرهم


	سمعت ان المدارس الحكومية اللي بقطر عن قريب بيحذفوهم وبتصير الدراسة أساسي والمواد العلمية بالانجليزي ...صحيح ..؟؟؟ أنا بروحي أعاني من مشكلة الانجليزي بس ما مجبورة أتعلمها أما في ظرفكم انتوا اجباااااااااري بس ما أقول إلا الله بساعدكم

اخوي هالكلام صحيح السنة القادمة رح يتم الغاءها والاكتفاء بالمدارس
المستقلة اللي دراستها بالانجليزي ..
طبعاً انا من الجيل اللي ماحطوهم بخطط التنمية وتم غفله

شكراً على مرورج

#8 30/05/2009, 04:21 PM

كم تدفع راح ادرسك ... ههههههههههههههه

اهم شئ العزيمه ياخوي ..

اذا عزيمتك ونيتك حاضرات وجاهزات لتعلم اللغه الانجليزيه فهي سهله وماصعبه ابدا..

اهم شئ يكون عندك القاموس المترجم انجليزي عربي وانجليزي انجليزي..

راح اعلمك طريقتي في تعلم اللغه الانجليزيه وبعدني مولهناك فيها لكن امشي الحال..

بالاول لازم تعرف اساسيات اللغه الانجليزيه والقواعد .. وكيف تستطيع انك تقرا الكلمات..

ثانيا روح السوق واشتري على الاقل قصه باللغه الانجليزيه..

وحاول انك تقراها وعندك طبعا الصيف بطوله للتعلم والمحاوله

في البدايه مالازم تترجم الكلمات الى اللغه العربيه..

حاول انك تقرا بس قصص ومجلات وجرائد.. يوميا..
واحتفظ بهالقصص والجرائد والمجلات..

وبعد ماتحس انك قادر على القراءه جيب القصه وحاول انك تترجم بعض الكلمات الصعبه والطويله في القصه..

وصدقني كذا انت راح تتعلم صح..

احفظ الافعال الصغيره والضمائر والصفات
والقواعد الاساسيه من فعل وفاعل وكيف تتكون الجمله في اللغه الانجليزيه..

ترى مافي شئ يجي بدون جهد وتعب..:www.almakan.net15:

حاول انك تكرس وقت كبير بهالصيف لاجل تتعلم ولو القليل ..

لاتقضي وقتك في حواطه مع الشلله ودواره في البر والمجمعات

تعلم شئ مفيد بهالصيف ..

#9 30/05/2009, 07:08 PM

العفو اخوي أنا بنت

#10 31/05/2009, 03:34 AM

إقتباس

اقتباس من مشاركة شريره بنظرهم


	العفو اخوي أنا بنت

اسمحيلي اختي انا انتبهت انج بنت بس اَخر شي
وبعدين اكيد انج بنت لانه مافي اولاد شريرين خخخ

<< عنصري

#11 04/06/2009, 12:10 AM

اخي اذا محتاج تويفل او ايلس معتمده وانا ارشحل ال ايلس اقدر اوفرهالكم 100 % اذا جاد خبرني

#12 31/05/2009, 03:32 AM

إقتباس

اقتباس من مشاركة الفارس الاخير


	كم تدفع راح ادرسك ... ههههههههههههههه اهم شئ العزيمه ياخوي .. اذا عزيمتك ونيتك حاضرات وجاهزات لتعلم اللغه الانجليزيه فهي سهله وماصعبه ابدا.. اهم شئ يكون عندك القاموس المترجم انجليزي عربي وانجليزي انجليزي.. راح اعلمك طريقتي في تعلم اللغه الانجليزيه وبعدني مولهناك فيها لكن امشي الحال.. بالاول لازم تعرف اساسيات اللغه الانجليزيه والقواعد .. وكيف تستطيع انك تقرا الكلمات.. ثانيا روح السوق واشتري على الاقل قصه باللغه الانجليزيه.. وحاول انك تقراها وعندك طبعا الصيف بطوله للتعلم والمحاوله في البدايه مالازم تترجم الكلمات الى اللغه العربيه.. حاول انك تقرا بس قصص ومجلات وجرائد.. يوميا.. واحتفظ بهالقصص والجرائد والمجلات.. وبعد ماتحس انك قادر على القراءه جيب القصه وحاول انك تترجم بعض الكلمات الصعبه والطويله في القصه.. وصدقني كذا انت راح تتعلم صح.. احفظ الافعال الصغيره والضمائر والصفات والقواعد الاساسيه من فعل وفاعل وكيف تتكون الجمله في اللغه الانجليزيه.. ترى مافي شئ يجي بدون جهد وتعب..:www.almakan.net15: حاول انك تكرس وقت كبير بهالصيف لاجل تتعلم ولو القليل .. لاتقضي وقتك في حواطه مع الشلله ودواره في البر والمجمعات تعلم شئ مفيد بهالصيف ..

لووول عقب كل هالتغب وانجليزيتك نص ونص

عاد انا هالصيف كان ودي ارقد 3شهور بعد تعب التوجيهي بس شكلي
مظطر اغير رايي

الله يعيني واشكرك عالمرور

عناوين مشابهه
الموضوع	الكاتب	القسم	ردود	آخر مشاركة
شوفوا شلون البنت تكرة المدرسة	سمائلي	طلبة وطالبات وانشطة تربوية	5	18/12/2010 09:46 AM
اسير ممكن حل المشكله الفوتوشوب الاصدار العاشر ~	بنسيانا~	كمبيوتر وانترنت	1	31/12/2009 03:48 AM
شلون اشيل الهم وانا توني صغيره	رينادا	شعر و أدب	3	07/02/2007 09:55 AM
رسالة اسير فلسطيني لطلاب استار اكاديمي	oliver	موضوعات عامة	2	23/02/2006 03:02 PM