ب500 ريال اعلمك اذا زوجك متزوج عليك والا لا

كخخخخخخخخخخخخخخخخ
والله يالمدرسات مخفات
اسمعو السالفه وعلمون هن مخفات والا انا قلطان
به الله مير يسلمكم هاكاالمديره الي تاخرعليه قطار الزواج
لانه تستلم راتب وماتبي رجل يعقده مثل هذا
المهم غابت عن المدرسه اسبوع والمدرسات مايدرن وش به
وبعد مارجعت رحبن به المدرسات والوكيله والمرشده وقالن له وين انتي هافتن له اسبوع ياكافي وماعلمتينا
قالت لهن باركولي تزوجت .
قالن مبروك ماشاء الله يا مديرتنا ......منهو رجلتس؟<---شفاحة حريم يبن يعرفن كل شي
قالت لهن بصراحة زوجي هو زوج وحدتن منكن!!!! .



يوم قلبت سحنة المدرسات وكل وحده دخله الخوف والي قامت تقول الحمد لله انا واثقه من روحي رجلي ماهو معرس علي؟
قامن يترجنه تقول منهي الي رجله اعرس عليه؟؟؟
قالت المديرة والله ما أعلمكن .
المهم لزمن عليها فقالت لهن أنا منيب متكلمة اللي تبي تعرف هل هو رجله الي تزوجت وإلا لا تجيب بكرا معها خمسمية ريال وإذا جت توقع تحط الخمسمية على الطاوله واللي آخذ خمسميته فهي مهو رجله واللي أخلي خمسميته على الطاولة ولا آخذها فهو رجله صار رجلي وانا ضرته علشان تقدم نقل من المدرسه
همن قالت عيب علي اتزوج زوجها وآخذ بعد منها خمسمية ريال .
وافقن المدرسات على الطريقة .
ويوم جاء بكرا وكل وحدة مزهبه معها الخمس مية ريال.


جت الأوله والثانية والثالثة والرابعة حتى العاشرة والمديرة تاخذ ال500 ريال.
يوم جت المدرسة ال 11 وبدت المديره تأفف المهم حطت ال500 على الطاولة وقالت لها تكفين خوذيه يالمديرة قالت المديرة اعذريني قالت المدرسة كانه شويه حطيت ألف بدال الخمسمية قالت المديرة مانتبهت انك ابله سعاد والله اني آسفه غلطت يوم تنفست المدرسة وقالت الحمد لله يعني بتاخذين الفلوس المهم اخذتها المديرة .
ودخلن بقية المدرسات حتى ال 23 والمديرة تلعب باعصاب كل وحده وفي النهاية تاخذ الخمسمية .
المهم بقي مدرسة وحدة فقط ماجت يوم اتصلن عليها المدرسات هاه وينك يا استاذه قالت والله اني تعبانه وماني جايه . قالت المدرسة الغايبة : هاه منهي الي طلع رجله متزوج المديره ؟؟؟
شكله واثقه من روحه هذي
قالن لين الحين مابين شي والمديرة عيت تاخذ الفلوس لين يجي كل المدرسات ( يلعبن عليها بس يبونها تجي عشان يتطمنون إنها هي لأنه مابقى إلا هي ) وقالن المدرسات لازم تجين تكفين .
المهم جت تسحب رجليها بالقوة ويوم جت تدخل المدرسات كل وحده مبسوطة انها مهي هي وبدن يسمن على المدرسة ال 24 عشان ماتنصدم .
ويقولن له كلامة تشجع والي تصيح راحمته

دخلت المدرسة الأخيرة غرفة المديرة وحطن باقي المدرسات ايديهن على قلوبهن وحطت المدرسة الخمسمية على الطاولة وضفتها المديرة .

يوم طلعت من عنده وهي مبسوطه لان المديره اخذت ال500 ريال
قالن يابنات فيه وحده منكن ماخذت المديرة قروشه؟

قالن لا والله كلنا اخذت خمسمياتنا .

ودخلن المدرسات على المديرة معصبات وقالن اخذتي الفلوس من كل المدرسات تلعبين علينا منهو رجلتس ؟

قالت المديرة قروشكن معي( 12000 ريال ) ماراح ترجع وأنا والله لا تزوجت ولا شي لين الحين عزوبية ووالله كنت مريضة هالسبوع. ولكني اطلبككن قبل شهر تدفعن على مية ريال نصلح المصلى ولا وحدة منكن دفعت قلت والله لأدفعكن 500 ريال نصلح المصلى ونشتري مصاحف وقف للمسجد .
قالن المدرسات بردها الله بالعافيه الخمسميه حلالك ولو تبين زود عطيناك بس اهم شي ان رجالنا ماتزوجوا علينا .
عاد من زين هالرجال لهن
ههههههههههههههههههه
<---رجل مدرسه شين ويحسب كل المدرسات رجالهن شينين