 |
 |
 |
|
|
|
|
 |
 |
|
|||||||
| شعر و أدب واحة من الخيال والحقيقة ونشر المشاعر النبيلة الهـادفة من شعر وخواطر وروايات |
 |
 |
|
|
خيارات الموضوع | ابحث بهذا الموضوع | طريقة العرض |
|
#1
15/11/2006, 10:27 AM
|
||||
|
||||
|
@قصيدة عجيــــــــبه @
قصيده وااايد حلوه للشاعر الرائع طارق المحياس عجبتني وااايد
وحبيت تشاركوني قراتها اتمنى تعجبكم اترككم ويا القصيده وابي رايكم !!! كفاية صارلك شهرين غايب عني يالغالي كفاية يا أعز الناس تراه والله ما أجدر... دخيلك لا تخيب فيك هجواتي وأمالي واذ إنها عالصبر؟!والله..وغلاتك عندي راح أصبر... أبى أتحمل عنى فرجاك وحالي يرثي لحالي مع أني والله لين اليوم مدري ليش بستهجر؟؟ّ! أبى أعرف شالسبب أرجووووووك وشللي بس يجرالي؟!؟ أنا شسويت يا ربي عشان تثور وتتفجر؟!؟ أنا والله ما أستاهل أبد كل اللي يجرالي أقل ما فيها بس جللي سبب خلاك تتغير؟!؟ أبى أعرف بس شالموضوع علامك صرت ما تبالي؟!؟ بذمت كل أهلك فيوم شفتني بشئ أنا مجصر؟!؟ عطيتك جلبي وروحي,, وهبتك حالي ومالي حملت أحساس هالدنيا وعطيته لك وأنا أفخر.... عشجتك عشج لا جبله ولا بعده انعشج تالي هويتك موووت وتخيل الين الموت وتصور!!! وإذا جاني مسج منك مخزن رقمك الغالي ولا أمسح رسالاتك أتم أجراها وأفكر... وأحلل كل كلمه بالمسج ,,الله يا غربالي!!! وأجول بخاطري معقوله حاسس فيني ويشعر؟!؟ وأرد أجول’’لا’’ يمكن تذكرني وهو سالي لأني توني مطرش مسج طرش مسج يشكر... وأرد أجول ’’لا’’ أدري يبيني وحاسس بحالي وأرد أجول’’لا’’ ماظن على باله أنا أخطر... إلين أني أنا تأكدت,, جلبه بالفعل خالي ولا غيري أنا بجلبه يحبني موووت ويجدر... لأني مره من المرات طرت فكره على بالي نويت أزعل بدون أسباب ,اشوفه لو بيتأثر... أبى أعرف جدري بجلبه بيهمه وضعي الحالي؟!؟ أو أنه راح يطنشني ولا يسأل ويستفسر؟!؟ وفعلا دج ما جاوبت,, حرجلي والله جوالي ثلت ألاف مرة دج وأنا مطنش ولا معبر... كتبلي بالمسج,,اطلع,, أنا عند بابك الحالي قسم بالله ما تطلع لخربها أنا وأحدر ... ومشكلتي,, أعرفه زين يسويها ولا يبالي نزلت وخاطره مكسور يجول اشفيك متغير؟!؟ جلت له بس أبي أتأكد اذا جدري معك عالي؟!؟؟ ضحكلي وجاللي تأكدت؟!! ودمعه بلل المحجر... "وطارت فيني الدنيا".. طارت فيني الدنيا لمكاني صاحبي جالي تعذرلي وأنا الغلطان وأنا اللي لازم أتعذر... بعدها عشنا أحلى أيام في جربه هنيالي "بعدها عشت أحلى أيام في جربه هنيالي" وصلنا لمرحله ما نفترج عن بضنا وأكثر... "بعدها فجأه خلاني ولا يسأل عن احوالي" بعدها فجأه خلاني ولا يسأل عن احوالي وأنا في خاطري أدري محال فيوم يتغير أدجله ما يجاوبني بديت أشك في حالي أخاف أنه حصله شئ أخافه بس متكدر؟!؟ لعب في جلبي الوسواس خياله ما تهيالي حوالي ألف مسج طرشت,,حبيبي يا عسى ما شر؟!؟ ولا جاوب وأنا جاعد على أعصابي وغربالي حبيبي صارله اسبوع فيني حتى ما فكر... إلين عرفت شلون أخلي خلي الغالي يكلمني وجت فكرة بعد ما مت وأنا أفكر!!! وفعلا اتصل فيني وبدت أحزاني واهوالي وكانت صدمتي كبيرة علي الغالي يتكدر؟!؟؟؟؟ وكانت صدمتي كبيرة علي الغالي يتكدر؟!؟؟!؟ سألته جلتله وشفيك ما من شر يالغالي؟!؟؟؟ وشاللي صار بالدنيا علامك ليش متبعثر؟!؟ أو أنك يعني ما تدري بدونك صرت أنا لحالي؟!؟؟ ولا لي خلج أي إنسان كثر ما فيك أنا أفكر؟؟!!؟ وجاوبني وجال,, أرجووك أبي هالدنيا تصفالي أنا مليت من وضعي وأشوف الكل متغير... أنا ضاجتبي الدنيا وأبي أبجى أنا لحالي خلاص اتركني لا تسأل وأنا برجع عجب أشهر... وجلتله مو علي تكذب أعرفك تضعف جبالي تكلم جول شالموضوع؟؟!!بدا جلبي يدج أكثر "سكت لحظه وجال أرجوووووك ابعد عني يالغالي" سكت لحظه وجال أرجوووووك ابعد عني يالغالي وخلني أذكرك بالخير وانت مثلي تتذكر... ولا تطرش مسج واحد ولا تدجلي أبد تالي واذا لي خاطر(ن) عندك لا تتكلم أبد سكر... "وجلتله والله ما أسكر إالين تجول وتصفالي " وجلتله,,والله,,ما أسكر إالين تجول وتصفالي وجاللي,,والله,,ما أتكلم ولو تبكي دمع أحمر... ولكن شوف ربعك وانت تعرف بس وشجالي خلاص افهمها عالطاير لا تحرجني بعد أكثر... "وسكر,,والدمع فيني على الخدين همالي" وسكر,,والدمع فيني على الخدين همالي وقسم بالله ما أدري علامه جلبه اتحجر؟!؟!! فؤادي انهار وأنا حملي يهد جبالي وجبالي في لحظة صارت الدنيا في عيني هالكبر وأصغر.. حسافه ما توقعته يصدقي فيني عذالي حسافه ما هجيته يوم يصد عني ويتغير... بعدها صارلي ما صار وربي يعلم بحالي فؤادي باجي بس شوي وأحسه من الجسم يظهر.... بديت أعرج مدري ليش؟؟!!وخابت كل أمالي أنا اتوقعت كل الناس ولا توقعت اهو ينكر... وجلت بخاطري خله مصيره يرجع الغالي أكيد أنه سمع أي شئ وجوّه صار متعكر... ولكن طول غيابه وزادت فيني علالي مرض جلبي،،تعب فكري،،وأحسه جسمي متخدر... وجلت خلني أطرشله مسج وأشكيله أحوالي وطرشت المسج وشوي دجلي ودون ما أفكر.. "هلا والله يا أغلا الناس هلا،،والله،،يالغالي" ألووو...طارق ما جلتلك لا تذكرني ولا أذكر؟!!!؟؟ أبى بس أذكرك بالخير ياخي خلني فحالي وجلت له وخاطري مكسور أنا أسف وما أكرر... قسم بالله الين اليوم وحالي يرثي لحالي.. قسم بالله الين اليوم ولا أدري ليش هو تغير؟!؟ قسم بالله ما غضت عيوني ولا هدى بالي... قسم بالله ما مر يوم الا وفيه أنا أفكر... قسم بالله جلت بنساه بس طيفه يتهيالي.. قسم بالله لو حاولت أنا أنساه أتذكر... الين اليوم أنا عندي أمل يرجع ويصفالي أجول الشوج بيرده على فرجاي ما يجدر... الين اليوم وضحكاته وبسماته على بالي الين اليوم ما أرجد كثر ما فيه أنا أفكر... أبعرف شالسبب أرجووووك وشاللي بس يجرالي؟؟!!؟ أنا شسويت يا ربي عشان تثور وتتفجر؟!؟ أنا والله ما أستاهل أبد كل اللي يجرالي أقل ما فيها بس جللي سبب خلاك تتغير؟!؟ أبى أعرف بس شالموضوع علامك صرت ما تبالي؟!؟ بذمت كل أهلك فيوم شفتني بشئ أنا مجصر؟!؟ "أنا راح أنتظر ردك ولو حتى بمسج خالي" أنا راح أنتظر ردك ولو حتى بمسج خالي واذا ما جاني منك الرد وغلاتك عندي راح أصبر... سنه سنتين اللي يهم أشوفك ثاني جبالي... ثلاث سنين أو أربع,,أبصبر يعني راح أصبر... ولكن حكم احساسك وجاوب يغلك الغالي بذمت والديك يهون تنساني ولا تذكر؟!؟؟ يهون انك تخليني ولا تسأل ولا تبالي؟!؟ يهون انك تنام الليل وتتركني أنا أسهر؟!؟؟ كفااايه...كفايه صارلك شهرين غايب عني يالغالي كفايه يا أعز الناس تراه والله ما أجدر... دخيلك لا تخيب فيك هجواتي وأمالي واذ إنها عالصبر؟!والله..وغلاتك عندي راح أصبر... واذا انها عالصبر؟؟ والله وغلاتك عندي راح أصبر...  وسلااااااااااااااااااااااااااامتكم*_* |
| مشاركة الموضوع: |
|
عناوين مشابهه
|
||||
| الموضوع | الكاتب | القسم | ردود | آخر مشاركة |
| ألف قصيدة حبٍ | همسة مشاعر | شعر و أدب | 0 | 10/12/2010 12:03 PM |
| قصيدة الأصمعي | طير الحمامي | شعر و أدب | 2 | 02/03/2007 09:47 PM |
| قصيدة ! | Brave+Heart! | شعر و أدب | 5 | 23/01/2006 02:39 PM |
| قصة قصيدة | بن مهنى | شعر و أدب | 2 | 24/12/2005 09:49 AM |
|
النمط الأُحادي
