قصائد لها معنى

اول هذه القصائد للشيخ والشاعر البدوي شاهل بن هذلان يرثي فيها فلذة كبده الوحيد ذئب حينما قتل وهو في مرتع الشباب ويلوم عشيرته كيف سولت لهم انفسهم بدفن هذا الشاب الجميل والشجاع والكريم ذئب . الذي اخذه القدر منه في لحظة سريعه ، والقصة تبدا حين خرج ابنه مع مجموعة من اصدقائه في الصحراء يصطادون قطعان من المهاء ، واتت بالخطاء رصاصة قتلت ذئب . ويقال ان والده لم يعش بعده كثيرا .



ياربعنا ياللي على الفطر الشيب .. عز الله انه ضاع منكم وداعه
رحتوا على الطوعات مثل العياسيب .. وجيتوا وخليتوا لقلبي بضاعه
خليتوا النادر بدار الاجانيب .. وضاقت بي الافاق عقب اتساعه
تكدرن لي صافيات المشاريب .. وبالعون شفت الذل عقب الشجاعه
ياذيب انا بوصيك لا تاكل الذيب .. كم ليلة عشاك عقب المجاعه
كم ليلة عشاك حرش العراقيب .. وكم شيخ قوم كزته لك ذراعه
كفه بعدوانه شنيع المضاريب .. ويسقي عدوه بالوغى سم ساعه
ويضحك ليا صكت عليه المغاليب .. ويلكد على جمع العدو باندفاعه
وبيته لجيرانه يشيد على الطيب .. وللضيف يبنى في طويل الرفاعه
جرحي عطيب ولا بقى لي مقاضيب .. وافخت حبل الوصل عقب انقطاعه
كني بعد فقده بحامي لواهيب .. وكني غريب الدار مالي جماعه
من عقب ذيب الخيل عرج مهاليب .. ياهل الرمك معاد فيهن طماعه
قالوا تطيب وقلت وشلون اباطيب .. وطلبت من عند الكريم الشفاعه