كيف ترفع ضغط مشرف المنتدى ؟؟

كيف ترفع ضغط مشرف المنتدى؟؟ بدون زعل!!

--------------------------------------------------------------------------------

أسعد الله أيامكم بكل خير أعزائي

عزيزي العضو اللي مخربها وخاطره يرفع ضغط المشرفين.. يتبع التعليمات التاليه..
وسيجد نفسه مطرود مع التحيه!!

ما عليك إلا انك تفتح أذناك وتسمعني عدل..
وأنا أضمن لك كل شيء مع قطع الغيار

وكل شيء موضح بالأمثله لتسهيل استخدامها
>>نحن في خدمة الشعب<<
__________________________________
1)ادخل أي منتدى واكتب موضوع ماله دخل بالمنتدى،،
الموضوع في وادي والمنتدى في وادي

مثال>>اكتب موضوع رياضي في منتدى إسلامي

ويفضل لو تكتب عليه((أرجو التثبيت))>> يصير لها طعم أحلى

2) خذ لك موضوع توه جديد في المنتدى انسخه واكتبه باسمك مره ثانيه بنفس المنتدى

ويفضل لو تكتب عليه((فكره جديده))

هنا المشرف يدوخ مايدري وين المكرر علشان يحذفه

3)لا تشارك في أي منتدى ولا ترد على حد..
وبعدين اطلب من الاداره تحطك عضو فعال ،،
وكل يوم أرسل تظلم اذا ماعطوك وجه


4)اكتب موضوع في مجلس الشكاوي والاقتراحات((الفزعه ياشباب))>> طبعا بيجيك المشرف طااااااااير

واكتب في الموضوع ((واحد صفر)) وجنبها صورة واحد يضحك

>>في هذي أضمن لك البوز يجي لخشتك وانت توك تكتب الموضوع<<

5) شكك في أي موضوع يطرح في المنتدى..
في كل موضوع قول ((كاني شايفه بمنتدى ثاني))

>خل العالم يفهم انه مسروق<

6)ادخل على أي موضوع مثبت،،
ورد عليه واكتب.....للرفع

>وفي هذي بتطلع بكرامتك من المنتدى < )

7-حاول ترد على المواضيع القديمه
>>>>>يعني طلع الغبار
والجديده خلها تنزل...........
كذا تقلب القسم حقه فوق تحت

8) شوف لك مشرف أومشرفه وتلزق فيه........
كل يوم أرسل له رسايل خاصه تقول له:


وش رايك في ذاك الموضوع احس انه ماوصل احذفه تكفى.........
والا ذاك الموضوع رهيب ثبته تكفى
>>هني المشرف يكره اليوم اللي صار فيه مشرف على هالمنتدى<<


9) يوم بيعينون أي مشرف جديد..ابدأ تكلم عن الواسطه وانه مايستاهل ولمح ان الاداره ماعندها
سالفه

>> وهذي تغنيك عن كل الوسائل اللي راحت<<