تـوادعنــــا !!

بــــــــدر القمشوعي

الله ما أصعب وداعك ومقساه..


كني صريع الموت لحظة وداعك..
لا وا عذابي منك ,يا قلب عزاه..
من صاحبٍ تشريه واليوم باعك..
وين العهود اللي نطقها ويمناه..
على الوفا بالعهد تلمس ذراعك..
حطم مع الأحلام قلبٍ تمناه..
يا قسوته قلبك على الهجر طاعك..
وين الغرام اللي تقول ما انساه..
وين الغلا و الشوق وين انطباعك..
وين التلاقي وين بسمة محياه..
وين الكلام العذب وينه سماعك..
أبكيك بالحسرات واتجرع الاّه..
وشلون هالدنيا تغير طباعك..
لحظة فراق ودمعة العين تنعاه..
معذوره عيونٍ تفارق شعاعك..
ليتك دريت بحاله وكل ما جاه..
انته قتلت انسان لحظة وداعك..