إن كيدهن عظيم

كان يا ما كان في قديم الزمان ………كان فيه أمراة عيوز قاعدة بروحها


وفجأة طلع لها ابليس ………(لقافه ….يبي يتحرش ) العيوز خافت وسمت بالرحمن …قالها ابليس :أنتي يا عيوز هل تعتبرين نفسك داهيه؟؟؟؟
العجوز: نعم أنا داهيه ……….. والنساء عموما كيدهم عظيم
أبليس: أنا أتحداج……..وبنشوف منو كيده أعظم …..المرأة ولا أبليس
العيوز :خلاص أنا بسوي مشكله وأنت راح تحلها واذا ما قدرت أنا راح أحلها
وراح أفوز برهان.
أبليس:Ok راحت العيوز حق واحد من هالبطاليه اللي ما عندهم شغل ويا كثرهم
وقالت أنا بشغلك عندي فترة معينه بس……. اذا تبي فلوس لا تتدخل ولا
تتكلم .(وافق الشاب لأنه طفش من البطاله ويبي فلوس ).
راحت العيوز ومعاها الشاب لمحل قماش وقالت له أنتظرني عند باب المحل …دخلت المحل وخذت قماش غالي وراحت تكاسر تاجر القماش
العيوز: رخص يا بن الحلال …
التاجر :اذا أنتي ما عندج فلوس أخذي شيء أرخص
العجيوز : ما أقدر ….لازم ولا يصير شيء ما صار
التاجر :ليش ؟؟ …..لهالدرجه …..شسالفه؟؟
العيوز:شفت الشاب اللي واقف عند باب المحل ..هذا ولدي ..يحب له وحده متزوجه وهي تحبه ولما تتطلق من زوجها …ولدي بيتزوجها
وهو قالي أن عارضتي الزواج بأطردك من البيت وأمرني أني أشتري قماش
غالي عشان يعطيها حبيبته ولا راح يطردني من البيت مع أن البيت بالأساس
بيتي ولكني غلطت وكتبته بأسمه(العيوز تبجي)
التاجر: خلاص هونيها وتهون والله كسرتي خاطري ….خلاص أنا بأعطيك القماش ببلاش….وعسى الله يواجرني
العيوز طلعت مستانسه وقالت حق الشاب روح البيت بعدها راحت العيوز لبيت زوجة تاجر القماش وطقت الباب وطلعت الزوجة
العجوز:آه بابنيتي أنا تعبت بالطريج و ما أقدر أكمل ممكن أقعد عندج أرتاح
خمس دقايق .
رحبت الزوجة ودخلتها وأكرمتها وجابتلها شاي
العيوز:مشكوووووورة ما تقصرين ان شاءالله أردها لك (تعمدت تنسى القماش ) وطلعت.
الزوجة:حرااام نست قطعة القماش …أكيد بترجع بعد شوي وتاخذها
بروح أحطها بالدولاب..
تاجر القماش رد لبيته وتغدى هذاك الغدا السنع ونام شوي .قام العصر وفتح الدولاب بغير ملابسه عشان يروح محله ……فجأة شاف قطعة القماش
وعرف أن المرأة اللي يبيها ولد العيوز زوجته يعني تخونه
قام عليها وطقها وطردها بالشارع بالهدوم اللي عليها.
العيوز كانت تنتظر هاللحظه في أخر الشارع فراحت لها تركض
العجوز: شنو فيج يا بنيتي ليش تبجين؟؟؟
الزوجه : زوجي طردني …وما عطاني فرصه أتكلم .
العيوز: خلاص أنا بأوديج بيتي وأنا بروح أحل المشكله
راحت العيوز لبيتها ودخلت الزوجه في غرفة بينما الشاب كان في غرفه ثانيه وأمرته أنه ما يطلع منها . راحت العيوز للشرطه تبجي وتقول :كنت قاعدة في بيتي وفجأة دخل
رجل ومعه مرأة وقعدوا ببيتي حاولت أطلعهم ما قدرت (أحتلوا بيتي )
ذهبت الشرطه وقبضت على الشاب والزوجه ….وقطوهم بالسجن.
العيوز: ها ها شرايك يا أبليس ؟؟ دورك اللحين حل المشكله
أبليس : لا لا ما أقدر أحلها السالفه تشربكت عدددددددددل
العيوز: أنا راح أحلها وكأن شيء لم يكن . وراح أربح الرهان
راحت العيوز تزور الزوجه بالسجن وقالت لها :أنتي ساعدتيني مرة
وأنا اللحين بأساعدج …..يلا لبسي عباتي وغطي نفس وطلعي من السجن كأنج أنا وأنا بأقعد مكانج.
الزوجة:مشكووورة ….لكن أنتي ؟؟؟
العيوز: مالك شغل مثل ما طلعتج بطلع نفسي.
تمت عملية الهروب بنجاح….
القاضي أمر الحراس يحضرون المسجونين عشان يحكم عليهم
حضرت العيوز والشاب وقال لهم القاضي :ليش قابضين عليكم شنو مسوين؟؟
ردت العيوز:احنا ما سوينا شيء كنا قاعدين ببيتنا أنا وولدي ولا الشرطه
طابه علينا وماخذينا السجن .
عصب القاضي وهزأ الشرطه وما عطاهم فرصه يتكلمون ويقول:غلطانين وتبون تتكلمون.فوق شينكم و قوات عينكم
طلعت العيوز من القاضي مستانسه وعطت الشاب فلوس وأنهت خدمته عندها.
راحت العيوز لتاجر القماش وقالت له أنها تعبت بالطريق وأن زوجته أصيله وأكرمتها وهي من كثر التعب نست القماش عندها وأن زوجته بريئه
وقالت أخذ قماشك لأن ولدي سافر مع زوجته اليديدة.
رجع التاجر زوجته وتأسف منها و راضاها بعد.
العيوز : أشرايك يا أبليس أنا فككت السالفه سهله
أبليس :أنتي ربحتي .....يما.....يما.....يما أن كيدهن عظيم
(إنحاش وهو خايف)