تعال مثل الغيم لا ساقته ريح

اهنيكم على هذا الصرح الجميل واتمنى للخ بدرالقمشوعي الفوز
كما اني تابعت شعره حقيقة ٍ كان مبهرإلى حد الدهشه اتمنى له التوفيق
اخوكم خلف محمد المهيلان الحربي من السعوديه اتمنى اني اكون عند
حسن ضن الجميع واقدم بين يديكم هالمتواضعه امل ٍان تحوز على رضاكم
وكل عام وعمان بخير
[poem=font="Tahoma,5,blue,normal,normal" bkcolor="white" bkimage="" border="none,4,gray" type=2 line=0 align=center use=ex num="0,black"]

تـعـال مـثـل الغـيـم لا ساقـتـه ريــح=وذوب صـبـاهـا مـدلـهـم السـحـايـب
يامذوب احجار الشقاء بالصدر سيـح=الله ولا عيـشـة هـمـوم وغــلايــب
خـل الغـلا مـن بيـن فصـح ٍ وتلميـح=وأقهر مساي بلـون سـود الـذوايـب
واقهر بعطرك نفحـت الروض والشيـح=ياحاضـر ٍ بالقـلـب لو كـنـت غــايــب
ما بي عن غموض الوفاء كثر توضيح=وش فيك كنّك من لقاء الـود هـايـب
معـانـق الاحبـاب طـب المجـاريـح=وكثر الجفاء ضيق وهموم ومصـايـب
وإن كـان تنشـد يالغـلا مانـي مريـح=جور الزمن سـوّى بقلبـي عجـايـب
ولولا الشعر لا ضاقت النفـس ترويـح=غديـت بأول زهـرة العمـر شــايــب
آقــف واطـيـح ولازم اقــف لـو اطـيـح=لو يعتـري صـفـا زمـانـي شــوا يــب
وذود الهمـوم الـلي بصـدري مطاييـح=رعى فرح عمـري عسـاه الـذهايـب
متى الزمن يفسح من الضيق ويتيح=فرصة لقاء وارجع وأنـا البـال طـايـب؟
القـلـب طـيـر ٍ والـمـوده مـــلاويـــح=والبعـد حـزن ٍ والقطاعـه مـصـايــب
لا جيـت كـل اللي يبـا يـروح بقـريـح=مليـت أنـا الغربـه بـوقـت الـغـرايــب
ياشمـس عمـري لو تجـاب المماليـح=ماعوضـت شوفـك بعـيـد وقــرايــب
خلـي ضلوعـي لـك مـلاذ ومراجيـح=وإنفاس صدري لك نسيم وهبـايـب
تـعـال مـثـل الغـيـم لا ساقـتـه ريــح=ومثل الخشوع إلى إعترى صدر تايب


لا تتركـيـن أهــل النمـايـم مـفـاريـح=الــروح ذابــت والصبرمـنـك ذايـــب [/poem]