إرتعاشة روح !!!

آنا نديمك .. لا جفاك .. آخر صحاب الروح

كلّـي معاك .. وفكري .. وزيتي ومصباحي



قلبي مدينة حالمة .. لك بابها مفتـوح

صدري قبيلة من دفا ما تقبل طياحي



عندي لك الهمس الشفيف الناعم المبحوح

وش تطلبين أعزف عشانك لجل ترتاحي ؟!



ما إنتي اللي بك جروح كل المدينه جروح



ياما حوالينا جريح .. مطنش وصاحــي



إحكي لي .. وكلّي إذن .. كلّي ظلال ودوح

إرمي لي حمول العنا بأكتافي وراحي



باكر على باب الحزن .. ما تلمحين صروح

وآطيّر أسراب الفرح وأفرد لك جناحي



يكفي دوا للي نعانيه إرتعاشة بوح

وآنا لجل بوحـك ترا زيّـت مصباحي