..هذا ما نتعلمه في المدرسة..! >>رايكمــ ايهمنـــا

[mark=FF0000]السلام عليكم انا عيبني موضوع وحبيت انااقش فيه



بنقل لكم بعض الأراء...اوكي وانتو قولوا رايكمــ اوكي[/mark]


[mark=FF0000]الرأي الأول:[/mark]


[mark=000000]وكل نفيس في الممات يهون
حنيني إلى وجه الحبيب جنون
جنون يهيج القلب وهو شجون
أحبك لا حبي عليك بسبة
ولا أن وجدي في هواك شجون
وكم قبلنا خلى حبيب حبيبه
وكم من قرين بان عنه قرين
غدا يستدل الموت منا ومنكم
وكل نفيس في الممات يهون
فنصبح موتى لا نحس افتقادكم
وأي دفين يستبيه دفين


هذا مقتطفات من قصيدة عبد الرحمن شكري(وكل نفيس في الممات يهون)
انزين يا حلوة الإحساس الشطورة شو تقصدي؟؟
شو الغرض انك كاتبه القصيدة؟؟
انزين لحظة صبروا بخبكم شو أقصد


المساء

السحب تركض في الفضاء الرحب ركض الخائفين
والشمس تبدو خلفها صفراء عاصبة الجبين
والبحر ساج صامت فيه خشوع الزاهدين
لكنما عيناك باهتتان في الأفق البعيد
سلمى...بماذا تفكرين؟
سلمى...بماذا تحلمين؟


خلاص انزين خلصنا
والحين بخبركم
هذه دروسنا
وهذا اللي نتعلمه
الحب ومعانات العاشقين!!
وكيف أن حياتهم من دون محبوبتهم
مساكين يعانيوا!!
انزين
ليش هذه الدروووس؟؟!


بخبركم حال بنات صفنا لما نأخذ شي من هذا القبيل:
وحدة بو منفتقة من الضحك!
والثانية بو سرحاااانه ما مع الأستاذة ابدا
والغيرها وهي الطامة الكبرى تقول للأستاذة
أستاذة شكلي أنعدي ورح أحب
يعني بكل جرأة تقولها
ووحدة ترد وتقول شكلهم واااجد يعانيوا
يعني ماخذات الحصة حصة تفاهه وحصة ما منها فايدة
هي صح ما منها فايدة



ليش
احنا شو بنستفيد لما نعرف عن حياتهم الرومانسية اللي قبل


عادي نآخذ حياتهم
بس ما شعر
والله انه محد ينتبه ابدا ابدا ابدا
كل وحدة سرحانه
ووحدة تضحك
عشان كذا لو احد يخبرنا
ما الإفادة اللي نجنيها لمعرفة هذه الأشعار؟؟!
يعني أنا مثلا أنا الحمدلله عادي رلكس ليش
لأني حاطة في بالي اني جاية أتعلم
مو جاية أتمسخر أو ألعب
جاية أتعلم


بس شو اللي نتعلم؟؟!
هذه المصيبة
تو السنة الجاية عاد محد ما عارف انه بناخذ درس اسمه:
علامات الحب

نعم هن ما يبين احد يعلمهن شو هي علامات الحب
عارفات ودارسات زين ما زين
هذا بالنسبة للغة العربية


أما في التربية الإسلامية:

وحدة كامله عن الزواج
هو صحيح احنا لازم عرف
ونتعرف
بس مو الحين
يعني البنات ما مع الاستاذة ابدا
بس ضحك والله مخطفاتنه ضحك
ليش؟؟!
ما اعرف بصراحة

قلت يمكن الأستاذة فديتها ربي يحفظها جالسة تقول نكته وانا ما عندي بخبر
لا وفي المهارات نفس الشي

وحدة كاملة عن الزواج والرابطة الزوجية
واللي ضاربني غم انه يخلينا احنا نشرح
بصراحة احس انه المناهج اللي نتعلمها تراها ما رلكس
الحين بكل صراحة وأقولها
انه زميلتي جتني بكل حواسها العقلية
تقولي والله يا حلوة الإحساس
اذا جاني مرض الحب
مامني
لأنه هذا احنا ندرس
وماشي ما نعرفه عن الحب
قلت الله يهديك
وهذا ما نتعلمه في المدرسة!!
والحين أجعل النقاش لكم اخوتي
وبارك الله فيكم[/mark]


[mark=FF0000]
الرأي الثاني:[/mark]

[mark=000000]
والله أنا أخذ الحصة بكل ارتياح

"الإسلامية"
وحدة الزواج مافيها شي
ولا تنسي إنه من سنن الحياة
وعادي مافيه شي عن الحب

"المهارات"
الوحدة سطحية بدون حب وخرابيط
يعني حتى عادية

"العربي"
وما ادراك مالعربي
"قصيدة كل نفيس في الممات يهون"
حلوة وما فيها شي لأنه أصلا متشائمة
يقصد الموت ما المحبوبة

"المساء"
قصيدة ولا أروع
أحلى درس في المنهج
وبعد ما قصد المحبوبة
قصد إنسان متشائم وكان الشاعر يحاول يخليه مبتسم
وخيالية لأبعد الحدود "وهذا اللي زايدنها حلاوة"

"منهج ال12 "
هذا الي فيه العجب العجاب
والمسخ وعلامات الحب
يعني فيه بنت تقول
أولا علمونا الحب
وبعدها علاماته
وبعدها الهروب مع الحبيب "في درس مجنون ليلى"

أنا أشوف إن البنت لو غلطت في هذه القضية
فالمسؤؤلية تقع على الوزارة

وبنت ثانية تقول:
أخاف أذاكر أمام الوالد لا يذبحني


يعني بصراحة
المناهج هي السبب لو تورطت البنت في الحب أو الشردة ...[/mark]


[mark=FF0000]الرأي الثالث:[/mark]

[mark=000000]
انا لما اخذ الدرس ما افكر كيف يعانوا والحب وهذه الأشياء
انا افكر في الدرس نفسه
وشو طبيعة الأسئلة
وبعدين اعرف انه الحب فطرة
لكن لحدود
ما في المدرسة اللي يريد الحب

اسمها وزارة التربية والتعليم[/mark]



[mark=FF0000]الرأي الثالث:[/mark][mark=000000]


هذا هو الغزو الخارجي


يخلونا نغير المناهج على كيفهم


وفالثاني عشر بتشوفي الخير


زين منهم انهم حذفو درس (( علامات الحب ))


لكن ما بس هذا الدرس بو فيه حب


راح تشوفي الخير في قصيدة (( سلوتم وبقينا نحن عشاقا ))


وتذكري زين هالبيت :
والروض عن مائه الفضي مبتسم • كمـا شققت عن اللبـات أطواقــا


وتذكري كلامي بعدين


ايضا درس ( مجنون ليلى )


الله يعين على هالمناهج


وعلى طاري كيف نحن الاولاد ندرس هالدروس


هع هع هع


خليها مستورة


لانه الصف ينقلب ضحك وهرج ومرج [/mark]




[mark=FF0000]هذا الموضوع حبيت انقله للفاائده والأراء كذلك منقووله

عشاان اشووف وجهة نضركمــ...زشاركوني رايكمــ^^[/mark]