قصيدة أصدق أصحابي - غزل

قصيدة : ~~ أصدق أصحابي ..! ~~ - غزل


.

.


.







ياعمّر ..!! ليه انتظاري تمطر دروبه
خلني أشوف الفرح .. ليلة على بابي


كلٍ مع فرحته .. واحضان محبوبه
وآنا بـ شباك شوقي ... ناطر احبابي


أرقا سحاب المسا .. وآهيم بجنوبه
وارجع .. وغيم السؤال يبلل ترابي


أسأل عن عيون عيني وين مسلوبه؟؟
هو ليه عيني جناح وحلمي اسرابي ؟؟


وأسأل عن اللي غلاهم ناسي التوبه
هم وين قفوا ؟؟ وانا مشدود باهدابي


يلعن أبو هـ الغياب .. ويلعن حروبه
ماشاف غيري .. وانا بلشان بغيابي


لاقلت ويني ..؟؟ سؤالي ينكسر كوبه
وفي كل ليلة أجبّر .. خاطر خـطابي


يذوب شمع ٍ سقاه الهم .. وآذوبه
وآخيله .. أقرب حروفٍ تسكن كتابي


الريح طافت بصدري.. لابسه ثوبه
وآضم كمّي ... واشمّ العـطر بثيابي


مجنون ليلى ..حكاية عشق مكتوبه
لكن أنا حيّ .. مـيت مـ الوّله رابي


سيلٍ سقى الروح والوديان مغلوبه
وش حيلة الما إذاهو(أصدق أصحابي)


الكل غايب .. وانا والقلب وذنوبه
نغيب فينا .. ونلعب .. شوفي العابي


همٍّ على همّ .. والأيـام محسوبه
والعمّر ما ينتظر .. توضيحي أسبابي


العمّر خنجر رفعه الشوق بدروبه
وآآآآنا رفعت السحـاب آدوّر احـبابي ..!

.

.



الشاعر عبدالله بن زنان
ديوان : ربـــ ماااء