قصيدة ابن بار بوالديه

السلام عليكم
قصيدة إبن بار بوالده قالها وهو على فراش المرض

يابوي ليه تبكي كل ما شفتـك وعينـك لـي
تخاف أموت يابوي ... وقبل المـوت تبكينـي
تكفى يابوي لا تبكي وأنا موجود معـك وحـي
أجل بعد الرحيل أشلون فـي قبـري توطينـي
يابوي لو تموت الناس ماتسوى دموعـك ذي
وأنا يابوي ميت قبل أمـوت وأنـت محيينـي
قسم بالله يابوي لجـل عينـك شربـت الغـي
جرعت الهم والحرمان وبحر الويـل يسقينـي
تحملت السنين اللي طوتني في عذابـي طـي
وصار الجمر بكفوفي .. وتحت أقدام رجلينـي
يابوي ماعلى عمري حسافه ولا بقا بي شـي
ولكـن بطلبـك يابـوي تكفـى لا تخليـنـي
يابوي مابـي غيـرك يغسـل جثتـي بالمـي
وتكفى قبل لا أتكفن .. يابـوي فكلـي عينـي
بأمر الله يمكن ألمحك وأرحل في عيني ضـي
وودع وجهك الطاهـر مـع دنيـاي وسنينـي
وخل الناس تحملني وترفـع راسـي ورجلـي
وتأخذني على قبري وتكسـب أجرهـا فينـي
وأذا جيت القبر يا بوي نزلنـي شـوي شـوي
ووجهنـي لبيـت الله .. وقبلـة المصليـنـي
وحط الطين وأدفني وعـز اللـي يعـزي فـي
ثـلاث أيـام يابـوي .. يواسـوك المعزينـي
ورابع يوم يابوي تذكـر .. ضحكتـي وعنـي
تذكر وش كنـت أقـول يـوم أنـك تنادينـي
تذكر يوم كنت أنام فـي ظـل النخـل والفـي


تجي يمي تصب الماء .. على وجهي وتصحيني
تذكر جرة الموال وصـوتٍ فـي حبالـه كـي
تذكر يوم أغني لك قصيـدي وأنـت توحينـي
تذكر ضحكتك لا قلتلك يابـوي عشقـي هـي
تذكر كم قصيـدة خافيـه مـا بينـك وبينـي
تذكر كل شي كـان وأذكـر يـوم أنـا حـي
ولكـن أسـالـك بالله يـابـوي لا تبكيـنـي




تقبلوا تحياتي

منقووووووووووووووووووووووووووووووووووووووول