محتاجه بايدينك تدفيني

محتاجة بيدينك تدفيني..

محتاجه لك بأدفّي يديني من ملامس يديك
.................هـ الثانية بالضبط ما أظن الشعور يفوتها



عندي قصيدة ودّها من خالص إحساسي تجيك
.................حتى معانيها تبي تاصلك.. قبل بيوتها


قصيدةٍ يرجع سبب تركيبها منّك وإليك
.................وأنت تعرفها من ملامحها وبحّة صوتها

ياللي بديتك شوق كيف أشواق قلبي تنتهيك
.................وأحلام عمري لا فقدتك ترجع لتابوتها



إي والله أحبّك وما زلت أعشق وصالك وأبيك
.................وفي خاطري لك هيبة ملوك العرب ببشوتها


لا جيت أبشكي لك رجعت وقلت وشلون أشتكيك!
.................وأسكت لو إن جروح قلبي ما تطيق سكوتها


كم لي وأنا أنادي عليك آمال عمري وأحتريك
.................وكم لك تجيب أعذار من زرق البحور وحوتها


مع كل هذا.. والله إني مشتريتك وباشتريك
.................وأحسد عليك أهل بريدة وجوّها وبيوتها


لا تكثر ظنوني عليّ.. وتكثر ظنونك عليك
.................نفسي فراقك ضيم حالتها.. وقربك قوتها

أموت لك \ أموت منك \ أموت معك \ أموت فيك

.................ضع خط.. تحت الموتة اللي تعجبك وأموتها











مما راق لي