لكم مني وصفة السعادة ...........

اسمع ياسيدي وصفة السعادة ..........
** مبدئيا إنت انسان مكرم قدر نفسك .
** ومش عيب إنك تمشي ورى إحساسك .
** إيه رأيك تغير نظرتك للأمور اللي إنت مليت منها .
** وشغل عقلك واسأل عشان تفهم .
** ويسلام لو تدور على الناس اللي بتحبها وبيحبوك وتحافظ عليهم .
** واحلـــــــم ... وعيش لحلمك .
** وعلى فكرة هتحس بقيمتك جدا لو ساعدت غيرك .
** ودلع نفسك مش عيب .
** واجه مخاوفك وحطمها إنت شجاع .
** وجميل قوي إنك تجرب حياة جديدة عليك .
** وعلى فكرة ساعات التلفزيون مبيبقاش مفيد مضيعش وقتك .
** وبلاش تشيل هموم الدنيا وسيبها على الله .
** على فكرة النوم عبادة علشان تكمل سعيك .
** اقرأ واتعلم بإستمرار .
** وأوعى تقارن نفسك بحد كل واحد عنده الميزة الخاصة بيه .
** وخلي كلامك مع نفسك مشجع وبلاش سلبية .
** وافتح بيبان عقلك لكل فكرة جديدة وبلاش جمود .
** واوعى تركز على أفكار ترجعك لورى .
** وهوصي نفسي وهوصيك ركز حقق هدفك ماضيعش عمرك .
** وابقه استمتع بنعم ربنا عشان تعرف تشكره من قلبك .
** واتعلم إزاي تحب وتتحب .... أجمل حاجه الحب .
** واكتب لسته بنعم ربنا واشكره عليها وحده وحده .
** وأسعد شيء في الدنيا أنك تصلح وتكون من عمار الأرض .

منقولة عن الاستاذ مصطفى حسني .