ســامــحــيــنــي.

[frame="7 80"]سامحيني يالقصيدة كان خانتني الحروف ..

وسامحيني يالحبيبة كان طولت الغياب ..

واسمحيلي ياسحابة كان ماشفت الطيوف ..

وساعديني ياحروفي نرضي شموخ السحاب ..

ليلتي الليلة حزينة والسبب كثر الحسوف ..

عذب التأنيب قلبي بالملامه والعتاب ..

وحاربتني كل زوايا البيت برماح وسيوف ..

واطعنتني في ضمير به تعاسه واكتئاب ..

يالجليلة يالجليلة .. اطعني حتى الكتوف ..

كانها ترضي غرورك اطعني دون المهاب ..

اطعنيني واجرحيني مابحس بأي خوف ..

لانك القاضي وحكمك اقبله رغم الصعاب ..

ولانك اللي تجذبيني بالحلا واجمل وصوف ..

ولان قلبك كاس عشقي والمشاعر به شراب ..

ولانك اللي تسرقين القلب من صدر وجوف ..

ايه حلالك اطعنيني واهلكيني بالعذاب..

بس تعالي وعانقيني دامني كلي كسوف ..



جيت لك شخص قد اذنب في حقوقك ثم تاب ..

جيت اشيل القلب لعيونك على راحة كفوف ..

والامل انك تداوي قلب من حبك مصاب ..

وآه لو تدري بحبك كان بحالي تروف ..

وماتخليني في ليلي اطرد احلام السراب ..

و آه لو تسأل عيوني او تحلفها حلوف ..

كان تلقى موت احبك في نظر عيني جواب ..

و آه لو صوتك يجيني لاقريتي هالحرووف ..

لاجل اعاهد قلبك اني ما أكرر .. ذا الغياب ..[/frame]