يمه فديتك

يمه فديتك من هموم اليالـي
يمـه عسـى مـا شـر شفتـك تونيـن
يمه خذي مالـي واخـذي حلالي
يفـداك يـا يمـه وأنتـي تعرفيـن
يمه ترى منسى خيالـك قبالي
يمـه خيالـك مسكنـه داخـل العيـن
إليا سمعت الصوت ينسر بالي
وانسى هموم الوقت وانسـى الدواويـن


يمه ترى الجنه معك والمعالي
يمه قدم رجلـك أحطـه علـى العيـن
أذكر زمان اول وانـا فالدَلالي
أذكـر تعبتـي معـي وانتـي تربيـن
من كثر ما ركض من يمين وشمالي
واتعبك ما همي سوى اللعب تدرين
وتقولي اجلس يا وليدي ومالي
وانا مـع الشـارع ولعـب الوراعيـن
احيان اقول إني صغيرٍ وسالي
العب مـع الجهـال لعـب الشياطيـن
يوم اتذكر وش جرى في خيالي
مدري عـن الأيـام وشلـون تمشيـن
يوم إني اكسر خاطرك ما ابالي
مـا همنـي يمـه صغيـر ومسكيـن
واذكر زماني يوم اشق الريالي
يوم الهلل والقـرش يسـوى الملاييـن
يا حسرتي يا وقتي اللي مضالي
يوم(ن) اشوفك طـول الأيـام تبكيـن
مدري مرض ولا هموم تصالي
مدري تعب مدري كثر مـا تحسيـن
يمه عسى روحي وحالي ومالي
فـدوه لدمعـك يـوم للدمـع تخفيـن
يمه لو الأيام تشرح سؤالي
سألـت أنـا الأيـام وينـك وانـا ويـن
وسألت دمعك يوم بل الشيالي
يـا دمعـة تسـوى كنـوز السلاطيـن
وسألت حر الشمس وين الظلالي
وسألت قمرى الليل ما نـورت زيـن
يمه أبي منك السموحه ولا لي
مطلب سوى تعفيـن عنـي وترضيـن
واخذي من الدنيا ودوك العيالي
أنتـي لنـا الراعـي وحنـا رعييـن
وستأذنك وقتى ترى ما صفالي
ادعي لمـن ضاقـت عليـه الفلاتيـن
ادعي لمنهـو بيدتـه الليالي
عسـى زمـان راح يرجـع وترضيـن
وصلاة ربي عد رمـي النبالي
علـى نبـيٍ وضـح الحـق والديـن