غاز و عنتوز

قبل الغاز:-
كنا بنذاكر على لمبة جاز
و كانت الدنيا زى اللوز
و بنلعب و بنجرى و فرحانين
وما كانش فيه لوية بوز
حتى لو أبويا حدفنى بكوز
او جدى طار ورايا بعكوز
كانت دنيتنا كتفاح لذيذ
و ايامنا كلها نيروز
مش نت و زمر و ألغاز
و تصلى وتتنكر و تتنقب
و تعمل لى باتعة ياد يا باز
2
و العصاية تخلى الهايف يفوز
و ياكل ظفر و زبدة ويحلى بموز
و يبقى ملك مهاب زى قمبيز
و لو غلطان تتربط على نخلة
و الخرزانة تنزل تسلخ ال....
و العايط يسمعه اهواز و دروز
بس حتبقي عفريت الانجليز

3
علمونا الادب و الخير و الحب
بقينا احنا النهاردة أسياد الشعب.
فهمت يا معزة من الجلد للعصب.
عايشة على مصاصة القصب
عايز التكييف و التشريف
طب ادفع تمن الرغيف
اشتغل و اعرق يا خنتوف
4
و حس شوية بالظروف
مش حصلت البت زبداتوف
و برقوقتوف و منجاتوف
اللى بتحارب اوكرانيا الصبح
و تيجي ترقص لى شهر ع الروف
و اب تبذل مجهود خرافي
و ابتكاراً ليلياً إضافي
خلانى اسد ياد يا خروف

5
دى لوقتى الحرب فى كل حتة
و لا سفينة بتعدى و لا حتى قطة
و لا دولار جاى و لا ريشة فرخة
والكهربا بترتاح شوية الساعة ستة
خلاص حتخرب الدنيا و للا حنموت بالزغطة
عايز تاكل طن لحمة على أنجر فتة؟
يا تمساح مزيف أنت أصلا بطة

6
هات لك مكنة توليد كهربا بترضع
شغلها ساعتين او لحد ما تشبع
الحرب حوالينا و كل بلد بتولع


خليك شكور و اشتغل و اخشع
7
نرتاح من النت تلت ساعات
احنا مش راقدين على بيض نعام
كله ليل نهار يا عم هات و ينام
يا عم اشتغل و لو حتي شوية
و ابعد عن مواقع جهنمية
8
النت مش بيأكل عيش حاف
و لا حيسقيك مية ولا يأكلك طقات
ده انت عريان قدام الامريكان
بيسجلوا لك حتى الهمسات
و حيفضحوك فى يوم في القارات.
عبداللطيف