للي يبي يرفع ضغط المشرفين (اتمنى ما تزعلون)

أعزائي .. اللي وده يرفع ضغط المشرفين
يتبـع التعليمات التالية وسيجد نفسه مطرود مع التحية

:: أولا ::
أدخل آي منتدى .. واكتب أو اكتبي أي موضوع ماليه دخل في هالمنتدى <-- الموضوع في وادي والمنتدى في وادي
مثال ---> اكتب موضوع رياضي في المنتدى الأدبي
ويفضل لو تكتـب عليه (( ارجوا التثبيـت )) يكون لها طعم أحسن
::
:: ثانياً ::
خذ أو خذي موضوع توه جـديد من أي منتدى ---> انسخه واكتبه باسمك مرة ثانية في نفس المنتدى
ويفضل تكتب عليه ((( فكـرة جديدة )))
(( هنا المشرف يدوخ.... ما يدري وين المكرر علشان يحذفه )) sh03

:: ثالثاً ::
لا تشارك في أي منتدى ولا ترد على أحد...
وبعدين أطلب أو أطلبي من الإدارة تحطك عضو فعال وكل يوم أرسل أو أرسلي تظلّم إذا ماعطوك وجه...
(( صدقني إذا ما قالوا لك اقلب وجهك ... أضمن لك برقونك إلى (عضو ما ينبلع) ))

:: رابعاً ::
اكتب موضوع في منتدى الشكاوي والاقتراحت (( الحقوني ياشباب )) --> طبعـا بجيك المشرف طاير
واكتب في الموضوع (( واحـد صفـر )) ويمها صورة واحـد يضحـك
(( وفي هذي أضمن لكم الطرد السريع ))

:: خامساً ::
شوف لك مشرف أو مشرفه وتلزق فيه ... كل يوم أرسله رسائل خاصة تقـول له:
"ويش رأيك في ذاك الموضوع .. أحـس انه باااايخ احذفه تكفى .. ولا ذاك الموضوع رهيـب ثبته تكفى"
((( هني المشـرف يكره اليوم اللي خلوه فيه مشـرف )))

:: سادساً ::
دقق في إملاءات المشرفين ... ورد عليهم فقط لتصحيح الإملاء ولا تجيب طاري الموضوع

:: سابعاً وأخيراً ::
عند تعيين أي مشرف جـديد ... أبدا تكلم عن الواسطة وأنه ما يستاهل ولمح أن الإدارة ما عندها سالفة
(( هـذي تغنيك عن كل الوسائل اللي راحـت ))



.. : تحياتــي :..
منقول