..•°أيامٌ قد مضت°•..من كتاباتي

أيامٌ قد مضت ..

أذكر أيام أوّل وتزيد الضيقة في صدري
حبيت أسعِد أخواني وما حسبت حساب تاليها ...
راحوا وخلوني وحيد البيت من بدري
وما صرت أميزّ بين الأيام ولياليها ...
واليوم أنا أقضي أحزاني لوحدي
ذاب قلبي من الفرقا وطاريها ...
أمشي وأجلس وأسولف في سري
وأشيل الحزن من فكري وأخلي الفرح فيها ...
أخفي أهمومي من الناس لا تدري
وأصبّر الروح بغيبة الأحباب وداريها ..
ضاع الأمل مني وزادت أحزاني وقهري
قصر عمري من الوحدة ومآسيها ...
ما فاد يوم كذبت على نفسي وأنا عُذري
أخفي دموعٍ تجري من أمآقيها ...
يا زمن لا تقسى على قلب فيه خيري
خفّ عليّ من السنين وشقاويها ...
يظل مشتعل قلبي وناره تسري
وما في حل غير أشوف الأحباب وأطفِيها ...
حصل الفراق والوداع وكلنا ما ندري
متى تلتقي الأجساد بالأحضان وأياديها ؟؟؟
هذا عتابي يالأحباب وجرى على الورق حبري
وضاعت حروفي بين كلمة ومعانيها ...
باختصار كأني جالسٍ في قبري
وأناشد النفس على الفرقا وحاكيها ...
وأدري من طول الأيام إن هذا قدري
وسلامي يوصل إلى الأحباب وإلى من حواليها ...
وختامي إن الوصل شفا كسري
والحمد لله على الروح وباريها ...

ربي يعطيك الفرح وين ماكنتي .. ويبعد عنك الهموم والاحزان .. لماتنزف الجراح وتتكالب الهموم ..
يتبعثر حال الانسان .. ويتشتت .. ويرى كل فرح حزن وكل حلاوه مراره ..

كلمات جميله وبعثره راقيه..

إقتباس   اقتباس من مشاركة الفارس الاخير ربي يعطيك الفرح وين ماكنتي .. ويبعد عنك الهموم والاحزان .. لماتنزف الجراح وتتكالب الهموم .. يتبعثر حال الانسان .. ويتشتت .. ويرى كل فرح حزن وكل حلاوه مراره .. كلمات جميله وبعثره راقيه..

يا رب يجعل حياتك كلها فرح ومسرات

ويسعدك خيو وين ما تكون

كلمات ودعوة نابعة من قلب طيب

يسلمووو الغلاااا على المرور الأول والكشخة

ما شاء الله عليكـــي ..

ربــي يسـ ع ـدك و يجمــــــــع حبايبكـ حولك ..

شو أحلى من مشاعر ترفرف في قلوبــ تنبض بالحب و الوفــاء ..

ننتظر جديدكـ يالغلا ..

مشكورة اختي هلاا فيج تسلمين والله

مافي اجمل من الاحساس الجميل بالمحبه والراحه والسعاده
جميل ماكتبتي