سالفة عمري

-*&سالفة عمري&*-

مسا الخيرات وإن طال البطا يالمنزل المهجور
ترى ما ابطابي الا حالة مثلك يقدرها

اذا عندك عتب لا مانع من معاتب المذكور
واذا عز الرضا تفداك الاعذار ومقابرها

انا اللي جيتك والريح تعوي والشتا مسعور
ولا به من دفا والمربعانيه بأواخرها

تغير وانطبع دربك بلون المسك والكافور
وهذي رعشة كفوفي ولابه من يدثرها

بعد ماكنت اجي بابك بدستور وبلا دستور
ولا ادري الا وذيك الدلفه اليمنى على اخرها

طموحي عارضته اللي معاها كل شيء يبور
وجا كسر الطموح اهون علي من كسر خاطرها

سنة ما اقبل نذير الشيب كانت بأول الطابور
وكنت احلامها ذيك السنه واول سرايرها

لقت قدامها فوضى وفلب وشاعر وجمهور
وجات ورتبتني من جديد وصرت شاعرها

لقييت لا همني لا وحشه ولا ديجور
اشيل احلامنا تحت النجوم وهي تفسرها

سقى الله يوم جابت لي قبل يومين من عاشور
هذاك العسجد اللي جابه الله من عشايرها

غلاها كان تحويشة عمر بشعور فوق اشعور
إلين اكتضت الاشواق والهاني تكاثرها

ربت ماهي تحت ريش النعام وفي بلاط اقصور
ولكن لا ترف له قيمة الا تحت اوامرها

يحملن امهات البيض تسع اشهور تسع اشهور
على رجوى بشايرها ولا لاحت بشايرها

تقل بدر ولا بأية بدر تقول بدر بدور
ولا بأية بدر بدور يعني ما انت خابرها

لو استقصوك عنها ما انت بمحتاج لشهادة زور
تحت سقفك سحايب ملحها وامواج سكرها

ما ارق المتحف اللي من ورى اضلوعك فدتك الدور
وانا ما اقوى نظر ما فيه بعد غياب ناظرها

حديقة بيت اهلها سورها العالي حمام السور


زخارف بابها شباك غرفتها ستايرها

ورق جدرانها سجادها تقسيمة الديكور
خزاينها هداياها رسايلها خواطرها

تحفها مزهريتها قصصها شعرها المكسور
صورها مكتبتها اقلامها لمة دفاترها

زمام السيف شال الليل حنى الكف كحل الحور
حلقها عطرها فستانها الابيض جواهرها

مرايتها فصوص الساعة البيضاء ام خمس اسيور
خواتمها قلايد جيدها نقشات اساورها

ملابسها بروق الوانها دولابها الممطور
من ازرقها الى احمرها الى اخضرها الى اصفرها

نسانيس الهوى اللي ترتشف يشمومه المنثور
صحيفات المناديل اللي احتضنت عبايرها

مصابيح المكان اللي خذا منها النهار النور
اسنون امشاطها اللي ما نست عشرة ظفايرها

بطاقات يطرزها صغار يحملون زهور
رحيل الدبله اللي ما تهنت في خناصرها

زوايا كنها بلور في بلور في بلور
مسا رزنامة غاب الحرير اللي يغيرها

وش اقول ليتاماها الكثير الممتلين كسور
وانا اشياها تحاصرني واحسب اني محاصرها

بكيت وصارت الدنيا قفص واستوحش العصفور
ضحكت وملت اشبوك القفص من كذب طايرها

عرفت شلون الارض تدور وايام الزمان تدور
والاعيان ان صفت كيف ومتى تذبح محاجرها

ومتى تصير القبور بيوت وتصير البيوت قبور
وكيف الذكريات يذوب ماضيها بحاضرها

على الله وانت ابيك المتحف اللي للعرب ماذور
اذا جتك العيون وصدت ابوابك نواظرها

تمر اجيال ويصدر سواليف وتعيش اعصور
وتروي سالفة عمري من اولها لأخرها

للشاعر ( ناصر القحطاني )

يعطيك العافية اخي الفارس الأخير
اختيار موفق لسالفة حلوة
رغم انو في كتير الفاظ ما فهمتها بصراحة

إقتباس   اقتباس من مشاركة فارس يعطيك العافية اخي الفارس الأخير اختيار موفق لسالفة حلوة رغم انو في كتير الفاظ ما فهمتها بصراحة

اهم شئ النيه وانها عجبتك ,, والالفاض اللي ماتعرفها طنشها

ههههههههه
اكيد عجبتني وطنشت ولا يهمك
شكرا مرة تانية

نقل موفق اخي لهذه الكلمات الشذيه

إقتباس   اقتباس من مشاركة فارس ههههههههه اكيد عجبتني وطنشت ولا يهمك شكرا مرة تانية

تسلم مره 2

إقتباس   اقتباس من مشاركة بحر الغضب نقل موفق اخي لهذه الكلمات الشذيه

تسلم بحر الغضب على المشاركه .. ربي ينور قلبك