امــيه الغاليه

بسم الله الرحمن الرحيم


السلام عليكم ورحمة الله وبركاته


يا اعضاء بغيت منكم مساعده لمشكلتي

ها الشيء وااااايد يضايجني واااااااااااااااااايد

هم اثنين من خواتي



اختي اللي اكبر مني بسنه

ما تسمع كلام امي واذا امي طلبت منها طلب او مساعده تقول انا اذاكر انتي تخربين علي ما تخليني اذاكر ..
انا قلت لها انتي تحصلين وقت تيسلين على الكمبيوتر
ولما ماما تبي منج مساعده تقولين حقها انا اذاكر


ردت علي تقول : ماما تعطيني ادعيه وتقول ادعيها دووم بيفيدج في الدراسه
ارد عليها: انزين بيفيدج ما بيضرج
ترد: كل شيء ما يصير من الادعيه الدعاء مب مفيد حق كل شيء
رديت عليها: طيب تذكرين هذاك القصه هذاك الشخص اللي قال انه الذباب مافي منه فايده ..
وعقب جاله مرض وما لقى الدواء الا من جناح الذباب وعقب ندم.. انتي تسوين مثله

ترد علي : انتي جب لا تكلميني ما ابي اسمع نصايحج
((ادري انا اصغر منها لكن معاملتها ويا امي ما تعجبني ما اقدر اسكت لو اهي جيه ترد على امي))
قلت لها انتي تذكرين الآية ((لا تقل لهما اف ولا تنهرهما))

قالت انا ما قلت حق ماما اف
قلت لها طيب هاي تصرفاتج مثل اف ...
اف مب معناته انج بس تقولين ها الكلمه .. انه تصرفاتج يكون مثل اف

قلت لها تذكرين هذاك القصه اللي قلتيلي اياه عن بنيه ما قدرت تذاكر لانها كانت تساعد امها طول اليوم
وفي وقت الامتحان حلت كل شيء صح وهي مب مذاكره ..
قالت : انا مب هذاك البنت

قلت لها انتي بتندمين يوم تزوجين وتجيبين عيال .. عقب راح تعرفين شو معنى الام
عقب يهالج بيسون فيج مثلما انتي تسوين في ماما (كما تدين تدان)



.................................................. .....................



واختي الثانيه اللي اصغر مني بـ سنتين
تصرخ على اميه ما تسكت مب بس تصرخ
كلامها ما تعجبني
ردها وطريقة كلامها ويا امي ترد على امي مثلما ابوي يصرخ علينا وينازعنا
ولما حاولت افهم اختي موول ما تسمعني تقول انتي ما يخصج جب


..................................

شو اسويلهم كيف افهمهم

شو ما سويت كم مرة فهمتهم


بس هم مايفهموني


بليييز ساعدوني

اختي الفراشه تصرفج وايا اختج الي اكبر منج حلو بس ابي اقولج شيء حاول تتقربين من اختج العوده اكثر يمكن تفهمج و تسمع كلامج



اما اختج الاصغيره الي تقولين عنها يمكن عسب هي صغيره فهي ما تفهم انتي حاولي تكلمينا باسلوب وحده صغيره وتفهمينها ان الي تسويه مب زين


جزاج الله الف خير يا اختي لانج استشرتينا لان في ناس سوو مثل ما سويتي لكن يوم كان رده الفعل شرات ما استوالج ياسو وخلو الامور على طبعها والي مبين فيج اختي انج تبين تفهمين اختج باي طريقه لكنج ما قدرتي وبعد حاولتي وحاولتي وما وقفتي وكتفتي ايج والله انج صج طيبه واتمنى لج حياه سعيده في حياتج واتمنى بعد الله يهدي خواتج ويهديهم الى الطريق الصحيح الي يرضي الله والرسول صلى الله عليه وسلم .

حبوبة الفراشة

أختج الكبيرة

زين ما سويتي تصرفج عين العقل

لكن مثل ما قالت زهرة

حاولي تتقربي منها أكثر عسب تفهمج وتفهميها

يمكن هي فيها شئ ولا عندها شئ

حاولي تجعدي وياها وتسولفوا وتضحكوا وتكلموا بهالأمر شوي لكن بإسلوب مش مباشر

أما أختج الصغيرة

والله انا عندي خوات صغار ونفس الشئ ما عندهم إحترام

لكن السبب هو إنهم ما يفهمون واايد ولا زالوا صغار

لكن حاولي تآخذيهم بإسلوب حلو وطفولي وكلميها

حسسيها إنها مهمة بالنسبة لج وحاولي تخليها تقولج كل شئ وتوثق فيج وبعدين راح تسمع كلامج

طريقة مجربه هاذي ونفعت ويايه ^^

وشئ جميل طلبج المساعدة



والله يعينج ويعين الوالده والجميع

وبالتوفيق في حياتج فديتج

اميرة الورد وزهرة الشوق

شكرا عـ ردودكم

لكن اختي الصغيرة ما اقدر اتعامل وياها مثل صغار وانتي تعرفين ها الشيء يا زهرة الشوق


اختي مثلي احنا مثل توأم
يعني اعتربها مثل عمري

لكن كيف افهمها ما ادري



...
اما اختي الاولى اشوفها شوي تحسنت عن قبل ^_____^

العفو الغاليه

وإن شاء الأيام اليايه تتحسن أكثر وأكثر


أما الصغيرة

فإن شـاء الله مع الأيام بتفهم هالأشياء وبتكون واعية لأخطاءها

جميل منك روحك الرائعه تجاه امك

ومافي بالدنيا اغلى من الام بنظري

حاولي تتقربي من اخواتك اكثر وكونوا صديقات

ولوقدمتي تنازلات تجاهم

لانك انتي الافظل بعملك الخير

وحاولي تجيبيلها قصص وتحطينها في وسط كتبها دوري بالنت

عن القصص الي تحتوي على تعامل الابناء مع الاباء والعواقب



في قصص كثيره بالاسلام

وذكريها بحبنا للنبي الكريم ووتوصياته تجاه الاباء

وذكريه بقوله تعالى وقصة لقمان وابنه وقصص الانبياء الاخري

حببيها في امك اكثر

لان مايحس بالشئ الا اللي يفقده حفظ الله تعالى والدتك

والام زي سقف البيت اذا راحت يرتج كل شئ وتتزحزح الحياه الاسريه وبعض الاحيان تتفكك وتخرج مشاكل كثير
الام قدرها عالى

وذكريه بالحديث الشريف اللي فيه قال الرسول امك ثم امك

ما اتذكر الحديث بالضبط بس دوري عليه

وحاولي تعملي برنت للقصص والاحاديث وحطيها بوسط كتبها المدرسيه او القصص الي تحبه

وادعيلها بالهدايه بكل صلاه

وان شاء الله تغير هالطبع

وطبعا هذا ما لانها ماتحب امها بس شقاوة ابناء وضغوطات اخرى لايعلمها سوى الله وكل انسان يخطئ فطبيعة البشر خطاؤون

شكرا لك الفراشه

وربنا يساعدك ويقويك على فعل الخير واتحملي على عمرك

جزاك الله الخير