قمر خالد

شيخه: ههههههههههههههههههههههههههههههههه
نورة: الا شخباركن بعد.. وشلونها لطيفه والعيال..
نوفه: ابخير اتسلم عليكم.. ماقدرت اتيي اليوم باجر ان شالله بتيي
نورة: يمكن ما نظل لباجر اليوم المغرب نرجع
نوفه: حلفي انتي بس.. الا بتقعدون وبتباتون بعد
شيخه: لا يمكن نرجع انا ونورة المغرب لان عندنا عرس ارفيجتي شمووووس.. اشرايكن اتيين ويانه؟؟
مروة: وناسه خلينا نروح نويف من زمان ما رحنا عروس.. خبري من ملجه مريم ..
نوفه: مادري يمكن ابوي ما يرضى
مروة: يااااه ابوي سهل امي اللي يمكن ما ترضى.. وعشان ترضى بنخلي طلال ياخذنه ويردنه
شيخه دق قلبها.. تموت على طاري طلال..
نورة: الا وينه المفعص
نوفه: طايح لنا في المزرعه من جم يوم.. هالموسم موسم فروووس وخبرج وياهم يدابج
البنات: هههههههههههههههههههههههههههههههههه
نورة: الله يخليه.. الا شخبار قمر ؟؟
نوفه: ما ندرى عنهم ولا شي.. بس انها من طلعت من المستشفى قبل 3 اسابيع راحت بيت يدي الكبير.. وما رجعت بيت عمها.. ولا تكلم احد.. لا امي وابوي ولا احد..
نورة: ااااااااه.. الله يهديهم ان شالله ويشوفون حل لمشاكلهم
مروة : امففففففففففف انتن ثنتيناتكن مثل بعض.. يعني دومكن جذي ما تحبن تشوفن احوال الناس وتسالن عنهم.. هذي اختها.. انا كنت حاسبة انج يا نورة لو انج ييتي بتحاولين انج تروحين وتسالين عن قمر.. لكن انتي ظهرتي العن من هذي..
نورة: يا مروة مو زين الناس تتدخل في شؤون الناس.. وخصوصا المتزوجين.. لان ان كان بينهم مشاكل.. فهم افهم في طريقة حلها وخصوصا الاهل لزم ما يتقربون ولا خطوة.. قمر عاجل والكل يعرف عنها انها عاجل يعني مالازم نكبر انفسنا عليها ونتدخل في قراراتها الخاصة والا ما راح تحس بالحريه ..
مروة: اييييييييييييييييييه .. على قولتج.. انزين انا بخليكن الحين..
شيخه: وين بتروحين..
مروة: بروح انام.. قعدتي من الصبح وبصراحة احس بالدوخه
نوفه: انزين قعدي ويانه ضيوف هذيلا
مروة: لا ضيوف ولا شي.. صارن هالثنتين اقرب لي من اي احد ثاني.. اشوفهن اكثر من ماشوف لطفين ولا قموور.. خليهن متعودات.. صح ولا لاء..
شيخه: اي صح
نورة:هههههههههههههههههههههه نوم العوافي مسبقا
مروة: الله يعافيج..
ام ناصر قاعده ويا ام خليفة يسولفن عن الاحوال وام خليفة تشكي حال قمر بنتها..
ام خليفه: ومن طلعت من المستشفى واهي حاقرة الكل.. لا تكلم ريلها ولا اهل ريلها وحتى انا اللي امها مادري عنها شي.. هالبنيه ممسوسه ولا فيها شي
ام ناصر: لا يخويتي.. مافيها شي.. تلقين نفس الولادة عليها صعب.. ولكن قموووور لا ممسوسه ولا هالكلام الفاضي.. انتي انتظري عليها واهي اللي تجيج


ام خليفة: ماصبر عليها يا خويتي.. وحشتني هالبنيه.. انا غلطت يوم زوجتها قبل خواتها قمر صغيرة وما تقدر على مسؤولية الزواج.. واهي للحين ما طافت العشرين
ام ناصر: الحين بديتي تتحسفين.. يوم ان البنت ماكانت تبي تتزوج تبي تكمل دراستها ما خليتوها.. قلتو لها ان ولد عمها اولى منها.. والحين قاعدة اتحسفين
ام خليفة: اي والله.. اذكر دمعاتها يوم عرسها.. ليش انا يمه.. ليش مو نوفه ولا مروة.. حبيبتي بنتي.. (غطت ام خليفة عيونها وتمت تبجي على حظ بنتها(
ام ناصر تهدي فيا: ياخويتي لا تبجين ولا شي.. قل لن يصيبكم الا ما كتبه الله عليكم..
هاي كتبه الله وان شالله تنحل الامور كلها .. وكل مشكله ولها حل..
ام خليفه: الله يسمع منج..
ام ناصر تغير الموضوع..: وهذي انا اللي يايتج اليوم اطلب منج يد بنتج نوفه واخرتها تسوين فيني جذي. .الله يسامج بس
ام خليفه: شنو... تطلبين يد نوفه
ام ناصر: هههههههههه اي.. اطلب يدها.. خبرج.. احب بنتج واموت فيها.. ومن زود غيرتي عليها مابي احد يسبقني ويطلبها منج قبلي.. لذا انا اليوم جايتج مخصوص اطلبها حق حبه عيني ناصر..تكون سند له وعوون في حياته كلها..
ام خليفه: هاذي الساعه المباركة اللي نوفة تاخذ ناصر.. بس ياخويتي.. لا تنسين مروة اللي اكبر عنها للحين ما انخطبت
ام ناصر: وشفيها.. بجيها نصيبها .. مروة مزيووونه وما بضيع نصيبها..
ام خليفه اي ادري.. بس انا سبق وجدمت قمر على مروة ونوفه.. والحين اجدم نوفه على مروة.. اخاف الثانيه تزعل.. وتحس انها مو مرغوبه ولا انها مالها حظ
ام ناصر: ياخويتي علامج انتي مخج مرة مسكر.. بناتج يدرسن بالجامعة يعني كبار وفاهمات.. ما عندهن خرابيط زمن اول.. ان تجدمت الصغيرة ظلت الجبيرة.. واظن مريوي اكبر من افكارج هذي..
ام خليفة: تهقين؟
ام ناصر: بناتج وتقولين لي تهقين..
ام خليفة: عيل خلاص.. انا عن نفسي هذي الساعة المباركة يوم اننا نقربكم لنا وناصر ماهوبغريب.. ولدي مثله مثل طلال.. وماظن ان احد بيعترض بس لازم اسال ابوها..
ام ناصر: اظن ان بو ناصر ما راح يخليه .. اهو وياه الحين واكيد قاله..
ام خليفه: يارب يصير خير ونبدي افراح يديده.. ترانا طقت جبودنا من هالحزن والغم..
ام ناصر: اي والله.. الله يسهل على الجميع.. يارب
___________
الدكتور راح لجاسم وخليل اللي كانو قاعدين بعيد..
الدكتور: المريض محتاج حق تبرع بدم.. من فيكم بيتبرع
خليل: اثنينا بنتبرع ان كان لازم..
الدكتور: تعالو انسوي فحص لدمكم عشان التبرع..
قمر شافت ان الدكتور ويا جاسم و خليل.. واهي قاعده ويا ولدها وعمتها اللي كانت مفوضه امرها لله واهي تدعي ربها .. يقوم خالد بالسلامة..
قمر كانت تعبانة وعلامات التعب باديه في عيونها ..
قمر: مريم.. تعالي شوي
مريم كانت قاعدة يم ابوها وحاطه راسها على جتفه ويوم نادتها قمر راحت لها بسرعه
مريم: لبيه قمر.
قمر: الولد.. انا تعبانة ومادري شسوي فيه..
مريم: تبين تردين البيت
قمر: لا ما بي ارد.. بس ابي احد يرد البيت ويحط باله على الولد..
ام خليل: يا بنتي ردي ويا مريم وان شالله يصير خير
قمر: يمه.. انتي ردي البيت ورديه وياج.. تحملي فيه.. انا ماقدر اوطي رجلي بره المستشفى وخالد مو ياي..
ام خليل: يا بنتي مو زين اللي تسوينه في روحج.. تصبري .. فوضي امرج لله
قمر: ونعم بالله يمه بس .. ابي اقعد وياه .. الله يخليج.. تحملي فيه..
ام خليل: .. ان شالله يابنتي.. وانتي بعد.. حطي بالج على نفسج.. جوفي روحج شغاديتن له.. انا ما صبر على مصاب وش اللي يجيبني لمصاب ثاني يا قمر..
قمر: الله لا يجيب المصايب.. انتي بس روحي البيت الله يخليج ارتاحي وخذي الولد معاج..
ام خليل: برايج يا بنتي.. بو خليل
بو خليل واهو منكس الراس: للبيه
ام خليل: لبيت حاج.. بس خلنا نرجع ونرجع الولد معانا
بو خليل: خلي خليل يرجعج ولا جاسم.. انا بظل هني..
ام خليل: لزم تروح البيت ترتاح لك شوي.. نشتك من الصبح
بو خليل: لا تحنين.. انا ما بروح مكان.. خلي خليل ولا جاسم ياخذج
خليل واهو جاي: يمه انا باخذج.. مرة وحده اشوف العيال
مريم: بي صج.. العنود وابراهيم محد يدري عنهم
ام خليل: انا حاطه الخدامه عليهم ان صاحو ولا اذوها تتصل..
خليل: يالله يمه.. عشان مرة ثانية ارجع هني
التفتت ام خليل لقمر: يمه ديري بالج على عمرج.. ولا تنسينا لين صحى خالد ولا سمعتو عنه شي..
قمر: كل الخير ان شالله
قمر باست ولدها وحطته في السله وعطته لخليل.. وراحت ام خليل ويا ولدها وحفيدها.. اوهي ترتقب الاخبار.. سواء كانت زينه ولا شينه
****
في غرفة العناية الفائقة.. واجهزة متعددة موصلة بخالد.. تراقب تحركات اعضائه الحيوية المشوشة..
كانت حالته الصحية مرة تعبانة.. ان الدكتور اللي يراقب حالته متعكر مزاجه بسبب هالتشوش والخلل الصحي فيه.. شلون انسان تتجمع فيه كل هالامراض وهالتشوشات النفسية الله يعينه صراحة.. اكثر شي كان عال صحة خالد اهي معدته.. قرحة مع نزيف.. الضغوط النفسية اللي مر فيها خالد طول الفترة الاخيرة قدرت انها

تعطل وظايف المعدة..
كان نايم وشكله بلا ملامج.. وكانه رسمه.. انرسمت بلا ملامح تعبر عن الحالة اللي اهو فيها.. ان عجز الوصف فكلمة وحده توصف شكل خالد.. ميت
الا ان نبضات قلبه اللي يطن بها الجهاز كل دقيقه تقول كلام ثاني.. ان خالد على قيد الحياة..
قمر كانت في غرفة الاستراحة تصلي ويا مريم بس قمر طالت صلاتها عن مريم لانها كانت قاعدة تقرى قران وتصلي ركعتين توسل لله.. كانت قمر منهمكة والتعب ظاهر عليها على الرغم ان المدة اللي تطلبت تعبها كانت قصيرة.. لكن كان الكفيل انها تتعب قمر تعب العمركله.. مريم طلعت من المصلى وراحت تشوف جاسم.. لكن ما كان موجود.. راح يتبرع بالدم لان دم خليل ما تناسب ويا فئه خالد.. وشافت بس ابوها قاعد واهو متكتف وراسه مرجعه لورى.. مغمض عيونه.. راحت وقعدت يمه وحطت راسها على ذراعه..
بوخليل حس لوجودها وبعد ما تحرك من مكانه.. كان راجع لورى قبل عشرين سنه.. او يمكن قبل 25 سنه.. يوم كان خالد صغير.. كان خالد الولد المتمرد على ابوه..لكن الغرور والكبرياء وحبه لرضى ابوه خلته يتنازل عن اشياء كثيرة اهو تمناها لكن ماتوافقت ويا مزاج ابوه.. كان ابراهيم دومه يوجه خالد وخليل كان سيد نفسه من غير محد يلجمه.. يمكن لانه كان الكبير وبو خليل كان حاط كل الثقه فيه انه يقدر يكون نفسه مثل ما اخوه عبد العزيز كون نفسه واهو اكبر عيال سبع.. كان حاط كل قوته على خالد لان موقع خالد في حياه بو خليل مثل موقعه في حياه يده.. كان سبع دومه يقول الكبير يكبر نفسه.. الصغير امسكه من رقبته.. لان الصبعين .. ما يتساوون..
ومن جذي بو خليل كان دايما يوجه خالد وخليل كان يوجه نفسه بنفسه.. ويمكن هذا اكثر شي كان يزعج خالد بالحق ويا ابوه.. لكن .. ابوه اكبرمنه.. وافهم منه لمصلحته.. وكان يجرع الصمت وكانه كاس الحلاه..
ليمن كبر خالد.. وتغيرت مفاهيم الصغر عنده.. وصارت افكاره تطوفه وتطوف اللي حواليه.. وهني زادت سيطره بو خليل عليه وقوته وجبروته عليه.. واجبر خالد يدخل مدرسه خاصه في لبنان.. ويوم رجع منها خالد في امل انه يقدر يدرس في الكويت.. دزه ابوه لندن يكمل دراسته بشهادة من جامعات لندن العريقة.. حاول انه يحكر خالد في قبضته وفي صندوق العادات والتقاليد.. لكن هيهات خالد تغلب على ابوه في نقطه وحده.. يوم وقف له ورفض زواجه من قمر اللي اهو قرره عنه.. وطاح بو خليل في المستشفى وهالاحداث كلكم تعرفونها .
السبب لكن الخفي الي محد عرفه ان بو خليل حاول انه يحط عياله كلهم في نطاق واحد محد يتفرع ويطل بره ويجيب المصايب لللعايلة.. لان العايلة واسم العايلة كان الاهم.. ما كان يبي تتكرر الماساه اللي صارت من قبل.. وادت الى موت اخوه الكبير عبد العزيز والقطيعه اللي دامت 15 سنة بين العايلات الثلاث..
سمعنا القطيعة والقطيعة والقطيعة.. لكن القطيعة كانت شنو اسبابها... هذا اللي ما عرفناه..
جاسم رجع من بعد التبرع بالدم .. وكان يبين عليه انه منهك وتعبان..
واهو يقعد: ااااااااه.. مافي اخبار
مريم وراسها على ذراع ابوها: لاء.. شخبارك
جاسم واهو مصكر عيونه: دايخ شوي..
مريم: كلنا دايخين.. مو بس انت..
بو خليل: بس عيل يبا روحي البيت ومرة وحده تحملي في عيال اخوانج
مريم: يبا مابي اروح ابي اطمن على خالد
بو خليل: احنه بنخبرج بكل شي.. وبسج دلع ياام الجميع..
مريم: يبا
بو خليل: يالله حبيبتي روحي قعدي ويا امج حاولي انج تنسينها هالبلاوي كلها.. مفهوم
مريم هزت راسها وفي قلبها الرفض لكن ما تجرأت تقوله لابوها..: ان شالله يبا.. اخذ قمر وياي؟
جاسم : ولو اني ابيج تاخذينها بس انا عارف شنو ردها .. خليها هني.. يمكن تكون حالتها احسن من قعده البيت..
مريم: بس عيل.. خبرونا باقل التطورات.. لازم انعرف كل شي..
جاسم: ان شالله
بوخليل: يالله تحملي في روحج وسلمي على امج.. وهالله هالله يا مريم.. نفس ما قلت لج امج مالازم اتعرف الاشياء بالضبط.. ان اضطريتي تجذبين اجذبي..
مريم: ان شالله يبا..
------------------------
بو ناصر اللي قال لبو خليفة كل شي فرح ..لان بو خليفه ما رفض بالعكس.. قربهم اكثر وكثر.. وعلى حسب كلام نورة بنته امس له ان البنت بعد موافقة.. بس الشكليات لازمة.. تنسل البنت ويتقدمون لها رسمي لابراهيم وسعد . وعيال عمومتها.. واخوانها..
وعلى صلاه العصر وصل طلال البيت ويا ناصر اللي ما رضى انه يخليه يقعد في المزرعة لحاله وحلف عليه انه يروح البيت وياه مع ان طلال ماكان طايق يروح البيت.. ناصر ما قال له ان البيت كلهم وياه حسباله انه بروحه جاي له.. واهو مو طايق البيت لان هناك هزأ شيخة الحريم.. اااه يا شيخه.. ما هقيت انج تصيرين في قلبي مثل العوق.. لا انتي يمي.. ويم انا اقرب منج.. تبعديني.. شكلها ما تحبني.. بس كان اعجاب ووهم في مخي انها تحبني..
يوم وصلو البيت.. شاف طلال خالته واستغرب
طلال: هلا والله خالتي.. ما قال لي ناصر انكم هني..
ام ناصر: شدراني فيه يمكن مستحي ولا مو عاجبته جيتنا وياه
ناصر: انا يمه افا عليييج بس كنت حاب اخليها مفاجاة.. انا اعرف طلال شكثر يحبنا ويحب شوفتنا
طلال لكزه.. اشكره نغزة وفهمتها ام خليفة..
ام خليفه: ههههههههه اصلا طلال من روحتو ياناصر واهو مخلنا وهاجرنا.. رايح للمزرعه يطفي نار جويته في برد ليلها.
ناصر: ههههههههههههههههههههههههههههههههه اثريه يحترق ابن الخالة
طلال: يعني تتغشمرون.. خلاص انا راجع المزرعة..
هيلة المكان واهم يقعدونه ويتحايلون عليه يقعد.. اخيرا قعد طلال.. اللي كان مبين عليه انه حالته حاله.. شعره طويل ولحيته واصله لركبته (صوري مو حقيقي) وكانة روميو زمانه ولا احد حب غيره.. صج ان طلال انسان عاطفي وحساس لدليل ان هيئته تبين على شكله واهم شي.. على حالته الشخصية
ام خليفة: ما سمعت؟؟
طلال: عن شنو؟
ام خلية: ناصر خطب اختك نوفة..
طلال واهو يلتفت لناصر: لا لا ..
ناصر: اي اليوم خطبتها ( واهو شاق الحلج(
طلال: وياي لي وانت طام هالثم ليش ان شالله مو ارفيجك ولا ولد خالتك.. والا العروس ما تقرب لي طبعا؟؟
ناصر: لا مو جذي بس انا ما اهتميت اني القنك اخباري اكثر من حالتك هذي اللي كاسر خاطري بها..
طلال: انا مافيني شي بس اهناك في المزرعة ما عندك وقت انك تتزقرت ولا انك تتعدل.. هناك اصحى على الفروس وانا في الاسطبلات ساعات..
ناصر: الله يعينك على بلواك..
طلال يلتقت لامه: وشنورديتو؟؟ اكيد يعني رفضتوا
ام ناصر: وليش ترفضون
طلال: بعد.. ما نبي المصابيح.. قاصرين مصابيح احنه.. لا ما نبي مصابيح ترى الكهربا بيصير على ضغط وينقطع التيار.. مافينا على الحر
ام ناصر: ويييييييييييه عاد.. وشلكم بالكهربا الشتا جاي والبروده ما تخلي احد يشره على الكهربا..
طلال يبتسم: الا هذا اكبر فخر لنا يا خالتي.. والله انا تمنيت هالشي يصير.. بس.. الحمد لله يوم انه صار ويا ناصر..
ام ناصر لطلال: ومن يدري يمكن بعد يصير لك انت..
طلال: شلون؟؟
ام ناصر سيده: بنت سلفي.. اسمها اعتدال.. واحلى منها ماكوو.. شفتيها انتي يا خويتي.. يوم كانت صغيرة شيطانه وحبوبه والحين صارت ملكة جمال..
طلال كان يحسب ان خالته تعني حبيبه قلبه شيخه.. لكن حتى خالته ما تفكر انها تقرب وحد من بناتها له.. صج انه مقروووود..
ام خليفة: واحنه عاد وشلنا بالغرب.. يا خويتي مالنا الا الدم وما يحن العرج الا للدم..
طلال: يالله اخليكم الحين..
ناصر: لا تنسى تنزل بعدين ومرة وحده اتصل في عيال عمك عشان ايووون بنخطب رسمي..
طلال: امتى؟
ناصر: بعد صلاه المغرب..
طلال: الحين بتصل في خليل اقول له.. واقول لعمي جاسم..
ام ناصر: اليوم تخطبون رسمي؟؟ وعمامكم.. ما يدرون بشي..
ناصر: ابوي بيخبرهم واليوم بييوونا.. من زودهم عاد الحين ماكو الا عمي ضاري وعمي سعود..
ام ناصر: بعد هذا الواجب.. ولازم عمامك كلهم ايحضرون عشان يوم اللي اعيالهم يخطبون ماينسون ابوك..
ناصر: اهااا.. جذي يعني.. يعزمون ابوي لو يعزمونج انتي بعد..
ام ناصر: نصووور.. ايا الشقردي.. الحين انا جذي..
ناصر: مادري انتي قوليلي..


ام خليفة: ههههههههههههههههههههههههه يحليلك والله يا ولد اختي .. صدت اختي في عوقها..
ناصر: اعجبج خالتي.. كفج بس كفج..
شيخه وطلال؟.. راح يتصالحون.. ولا خلاص... طلال راح يتعب منها ويطلقها بالثلاث؟؟
قمر لها مواجهه مع عمها على خالد.. ولا راح تسكت ... وترجع بيتها عن خالد.. وعن الالااام خالد تحاول تبتعد..
محد يعرف.. كل هذا راح يصير ولالاء

الجزء ال 27
اول ما صعد طلال الطابق الفوقي حس لحشرة احد هناك.. يمكن نوفو بروح اشوفها اطفر بعمرها شوي..
كانت الشرفة مفتوحة وهوى بارد ينسم منها.. كان الشتي قريب.. والجو يبرد في المسى.. كانت البنت قاعدة وما عطته ظهرها.. طلال عرفها من هي.. ووقف مكانه.. يمكن تحس بوجوده في المكان ..ولكن شيخة ما حست بوجود طلال.. كانت قاعده وهي تطالع في الصور اللي على الطاولة اللي عند الزاوية.. كانت صورة طلال وقمر واهم عيال في سن المراهقه.. كانت الصورة اسرة نظرا لوجود طلال فيها واهو يضحك بمل ثمه.. وقمر بعد كانت صغيرة ولكن شكلها كان جنان.. قمر وطلال تقريبا من اوسم اعيال بو خليفة.. واحلاهم.. في الضحك..
شيخة كانت تبتسم والدمعة طافرة بعينها.. وما اوتعت لطلال اللي ياها وقعد جدامها يتامل ملامحها.. وانتبهت له ولكن من غير صدمة او شي ثاني.. وابتسمت له..
طلال: كان من الممكن انج تملكين كل هذا.. لكن انتي.. ما تبين..
غضنت حواجبها شيخة من كلام طلال:... شنو؟
طلال ما رد عليها ولكن حسها فرصة سنعة انه يطلب منها السماح على اللي بدر منه في اخر زيارة لها ..
طلال وعيونه على يدينه المتشابكة: انا اسف ..على اخر مرة.. تناجرت معاج من غير سبب وانتي ما تستاهلين.. بس انا ما كنت قادر اتقبل فكرة.. فكرة انج ما تبيني.. وحاولت اني احط الحرة فيج بس.. هذا نصيبنا من الله
شيخة كانت قاعدة تسمعه واهي مو مصدقه.. كان يفكر بطريقه غريبة عليها.. يظن انها ما تبيه.. صج انه غبي
طلال: انا اسف.. وان شاء الله اكون عند حسن ظنج.. وآنا مو خسران.. انتي ان ما كنتي زوجتي بتظلين قريبتي.. بنت خالتي العزيزة والنعم فيها..
وراح طلال عنها..
وقفت له: طلال..
طلال تنهد يوم سمع اسمه في لسانها: .. لبيه
التفت لها وكانت واقفة مكانها بهدوء.. على عكس اللي قالته:: .. احبك..
عواصف في قلب طلال من هالكلمة المخملية الي ظهرت من لسانها العذب.. كلمة.. قدرت انها تهز شعوره وكيانه والارض اللي يمشي عليها.. قعد يفكر.. شلون شيخه جريئة جذي.. ياربي على الجرأة
شيخه: ما عندك شي تقوله
طلال:... لا
شيخه ياست : اهاا....
وراحت عنه توها بتدخل الغرفه اللي بطريق طلال ويمسك ذراعها
تصدقون انها تمنت انه يمسك ذراعها وياخذها عنده ولا يرده الا بعد ما تموت..
طلال: شوفي.. انا بعود وبطلبج من خالتي.. وان رفضتي يا شيخو.. (التفت لها ولفها) والله يا شيخو ان رفضتي.. لا ذبحج بهاليد.. بذبحج واذبح روحي وراج..
شيخه ببسمه عذبه: خلصت؟
طلال بصمود واهو يفك يدها:.. اي.. خلصت..
شيخه تقرب راسها منه واهي تهمس: .. احبك..
وشردت عنه لغرفة نوفه وطلال واقف مكانه.. لا اراديا ابتسم ابتسامة شقت حلجه كله وعصر روحه ونقز من مكانه : هياااااااااااااااااااااااااااا
الا ونوفه تطلع من الغرفة واهي مرتبكة: طلال.. الحق علي..
طلال يلتفت لها والابتسامة للحين على شفاته بس الخوف اللي على وجه نوفة اربكه: علامج نويف..
نوفه: طلال خالد في المستشفى خذوه بالاسعاف من شقته وقمرهناك.. يقولون حالته الصحية متضعضعه ..
طلال: لالا.. ووين قمر؟
نوفه: مريم اللي اتصلت لي.. قمر معاه بالمستشفى ويا عمي جاسم وعمي ابراهيم .
طلال: انزين انا رايح الحين..بس لا تخبرين امي ولا شي.. خليني اشوف الوضع كله .. سمعيني نويف.. لاتقولين لامي .. سامعة
نوفه واهي خايفة: ان شاء الله.. ان شاء الله ..
راح طلال يبدل هدومه على السريع لبس بنطلون وقميص وراح يشوف ولد عمه.. حاول انه يطلع من غير ما تحس امه بطلعته ..
نزل تحت واشوى انها كانت مختفية.. يمكن رايحة المطبخ ولا شي
وقبل لا يطلع ناداه ناصر: طلال وين رايح؟
طلال: تعال معاي .. ولا كلمة ..
ناصر سكت وليما طلعو راحو عند سيارة ناصر
ناصر واهو يشغل السيارة: علامك طلال.. شصاير؟
طلال: خالد ولد عمي في المستشفى خذوه بالاسعاف .. حالته الصحية متازمة شوي..
ناصر: اعوذ بالله.. وشخباره الحين
طلال واهو يلبس النظارة: مادري.. الحين خلنا نروح نشوفه


ناصر: مافيه الا العافية
طلال: اللله يسمع منك
***
قمر قاعدة عند باب الغرفة ويا جاسم واهي ساكتة.. خليل اللي راح للحين ما رجع.. كان قاعد في البيت ويا امه ومريم ..وبعد شوي بيرجع المستشفى..
خالد حالته للحين متازمة.. وبو خليل ماقدر يقعد اكثر
بو خليل: جاسم روح لهم شوفهم يمكن يخلونا ندخل عليه
جاسم: ماظن ياخوي.. للحين اهو حالته متازمة وما ظن يخلونا ندخل عليه
قمر كانت ساكته وتطالع الفراغ
بو خليل :ان كان مو عشاني عشان هالمسكينة روح واسالهم..
جاسم: ان شاء الله.. بروح
وراح جاسم.. بو خليل ظل واقف يطالعه واهو رايح ويوم غاب جاسم التفت لقمر اللي كانت قاعدة وشكلها يكسر القلب.. معقوله.. قمر البشوشه دايما الابتساااام.. يصير معاها جذي.. ياويلي لو اني ظلمتج يا قمر.. يا ويلي لو اني ظلمتج.. وعذبتج بهالزواج.. وانا اللي كنت اظن اني صاج به..
قعد يمها ومسك يدها..قمر كانت سرحانه ودليل السرحان اهي النفضه اللي سرت فيها يوم لمستها يد عمها الدافية الحنون.. التفتت له وابتسمت.. وبو خليل ما تغيرت ملامحه.. كان في عيونه بريق.. ما قط شافته بعيونه .. وكانها دمعة مغصوبه مذلوله.. ما يطيع ينزلها..
بو خليل: .. يا بوج... انا مادري.. وبسالج.. يمكن اطلع غلطان
قمر استعجبت: شنو عمي.. امرني ..
بو خليل: .. انا ظلمتج.. بهالزواج يا قمر؟
قمر هاجت مشاعرها... سؤااااال عمها جاها متاخر.. توه يسال.. ان كان ظالمها بهالزواج ولا لاء..
ما سالها يوم كانت تجر الدمعة في عيونها بزفه العرس..
ما سالها قبل لا تسافر وتتجدد حياتها ويا خالد..
ما سالها يوم جاهم بيتهم بهذاك اليوم طالب يدها .. وما عطوها فرصة ترفض ولا توافق..
لسبب ما.. انقهرت قمر من عمها.. لان مثل ما يقولون.. يمشي الكل على هواه..
بو خليل : قمر.. انا سالتج سؤال.. جاوبيني يابوج.. حاير في امري
قمر: يبا.. ماعليك من هالكلام.. انت لا ظلمتني ولا ظلمت احد.. هذا شي مقدر.. مقدر ومكتوب.. والواحد لو يجري جري الوحوش.. غير نصيبه ما يحوش..
بو خليل ما تطمن من جواب قمر.. لانه كان مبطن.. حس انه ضايع اكثر.. ولسبب عجيب تاكد هالشك عنده..
بو خليل: .. انا ما غلطت.. لكن .. انا خطيت باختياري..
قمر: شلون؟؟
بو خليل : انتي ما تستاهلين خالد.. ولا خالد يستاهلج.. خالد.. طول عمره كان متمرد.. طول عمره كان.. متفرد بتصرفاته.. الظاهر اني ماعرفت ااربيه
تجمدت يد قمر اللي كانت مخفية في يد عمها.. كان الغضب فيها يتاجج من هالكلام
بو خليل: .. انتي ما ينفعج واحد .. واحد متحرر مثل خالد.. انتي كان لازم ياخذج واحد.. يحترم اهله.. ومربى على يد رياجيل..
قمر تصلب الحين جسمها كله.. وتمت تتمنى من ربها انها ما تطلع من طورها..
بو خليل:... وانتي اذا تبين انج تفضين هالزواج..
قمر سحبت يدها ووقفت في وجه عمها:... شنو؟؟؟؟؟؟؟؟؟؟؟
بو خليل انصدم لها.. علامج يبا
قمر.. : عيد الكلام اللي قلته؟؟
بو خليل: .... علامج
قمر: ابيك تعيد الكلام يبا.. عشان اسمعك عدل.. ما سمعت..
بوخليل:.. انتي اذا تبين تفضين هالزواج.. ما عندي مانع
قمر: .. وليش.. انا متزوجه منك.. ولا من خالد؟
بو خليل: شنو؟؟
قمر تحاول تتمالك نفسها: .. انا ... ماقدر اجاوب عليك.. لاني بصراحة...
سكتت قمر واهي تتمالك نفسها.. ما تبي تغلط .. ما تبي تغلط على عمها العود وتقلل من قيمته.. وهدأت نفسها وصلت على النبي..
قمر: عمي.. اذا تحبني.. وتعزني.. وانا صج.. حبيبتك.. لا تجيب لي الطاري.. اني افض زواجي من خالد.. لان

هذا موضوع مافيه اي نقاش.. ولا فيه اي.. تفكير.. انا مستحيل.. مستحيل (تهدج صوتها) مستحيل ابتعد عن خالد.. حتى الموت.. مايقدر يفرق بيني وبين خالد.. وارجووك عمي.. ارجوووك..
تتوسل له قمر بدموعها الللي هلت: لا تتدخل في مصيرنا انا وخالد.. انت زوجتنا.. ولا ترجع وتقول.. ان خالد محد رباه.. ترى انت اللي ربيته وانت اللي تحكمت في مصيره..
بو خليل ظل ساكت وصاخ مكانه.. مو مصدق اللي يسمعه.. وينقال له.. قمر اللي تتكلم.. وكان خالد اللي يتكلم له.. صج انه قدر يستفحل فيها ويعلمها من اسلوبه
قمر: انه ارجوك.. بس.. كل هذا اللي ابيه منك..
ما تكلم بو خليل.. ماقدر ينطق بولا كلمة .. وقمر توها بتقعد الا وجاسم وراها
قمر: شصار..
جاسم: الدكتور سمح لواحد بس يدخل عليه.. دخلي انتي..
شاف هدوء غريب في المكان وقمر كانت واقفه..
جاسم: شصاير
بو خليل: ما صاير شي.. بس.. انا بروح البيت.. وانتو خبروني باللي يصير..
ما خلى احد يقدر يتكلم ..وراح عنهم كلهم..
قمر واقفة تطالع روحه عمها بخوف.. متلومه من موقفها معاه.. ياربي.. شصار.. شسوييت.. لكن.. ماله حق.. ماله حق..
جاسم: قمر علامج.. شصار ويا اخوي؟؟
قمر واهي تخفي الخوف من على ويهها.. : ما صار شي.. متى اقدر ادخل على خالد؟
جاسم: الحين.. نادي على الممرضة واهي تلبسج اللي لازم تلبسينة..
قمر دخلت للممرضة.. ولبستها غطى على الثم والخشم.. ونوع من الردى..
الممرضة: المريض في حالة صعبة.. اطلب منج انج ما تكلمينه ولا تخلينه يتكلم.. يحتاج لاقصى الراحه الممكنة..
قمر هزت راسها موافقة على كلام النرس.. ودخلت اكثر لعند خالد.. واول ما وصلت لعنده هلت دموووعها.. كان شكله تعبان.. وحواجبه متغضنة.. يبين عليه انه في الم..
قعدت قمر يمه.. مسحت على جبينه بيدها.. مسكت يده اللي كان فيها نوع الجهاز اللي يوصل نبضات القلب للجهاز ويخليها في مراقبة مستمرة.. وكان ثمه مغطى بقناع الاوكسيجين.. مسكت قمر يده وحطتها على خدها تحس ببرودتها اللي تصقع قلب اي احد.. وتمت ماسكه يده تمسح عليها تحاول انها تبردها بقوتها... وتمت تتكلم معاه بقلبها .. وتناجيه..
خالد لا تتركني.. احبك.. وابيك معاي طول عمري.. لا تروح عني.. ولا خطوة..ماقدر على بعادك.. ماقدر..
حبيبي.. ارجع لي.. انا مالي احد غيرك.. ارجع وعذبني مثل ما كانت تعذبني.. عذبني وخلني ارثي حالي.. واكرهك ونفس الوقت اعرف اني اموت فيك.. احبك خالد احبك..
خالد كان مسكر عيونه لكن عارف ان قمر معاه.. لان اول ما دخلت قمر تكلمت مع الدكتورة وخالد اللي كان مسكر عيونه سمع صوتها واهي تتكلم بشكل خفيف.. بس ما فتح عيونه لانه دايخ.. ويوم قعدت قمر مسحت على جبينه حس لدفى يدينها اللي انحرم منه في الفترة الاخيرة.. احبها.. احبها يا ناس..
قمر تمت تبوس يده واهي تمسح عليها.. رفعت نفسها عشان تطالع وجهه.. وراحت لعنده اتامل في ملامحه واهي في قلبها تصميم ان خالد لازم يرجع للحياه.. انا ما كان لاحد.. فيكون لها.. بكت قمر.. بكت قمر على نصيبها ومجرى حياتها.. وسالت دمعاتها على خدودها وطفر منها على يد خالد.. اهو كان تعبان ومسترخي ما يقدر يحرك اي شي في جسمه.. لكن من وين جاب الطاقه انه يضغط على يدها.. ما يدري..
يوم ضغط خالد على يد قمر مسحت دموعها.. واتفاجات.. خالد صاحي.. صاحي معاي.. راحت عند راسها وشافته يفتح عيونه.. وتمت تناظره وتناظره واهو يفتح عيونه..
قمر: حمد لله على سلامتك حبيبي..
شال كمامه الاكسجين يبي يتكلم لكن قمر ما خلته وحطت صبعها على حلجه واهي تهز راسها نفي..
قمر: لا.. لا تتكلم.. الكلام يتعبك..
خالد سمع كلامها.. وتموا يناظرن بعض.. وشوي شوي تزيد ضغط يد خالد على اصابع قمر.. خالد رسم ابتسامة ولا اروع على ويهه خلت ويه قمر يشرق منها.. باسته على خشمه.. ولمت بكل قوتها.. وبكل حبها له.. وعرفت من ذيج اللحظه.. ان الحب يتجدد.. في ابسط اللحظات.. يمكن تكون غير ملاحظه.. اوانها تكون غير مفهومه.. لكن.. تتصير..
*****************
ومرت الالام.. وانكمشت غيوم الاحزان اللي ابعدت نور الشمس انه يلامس الارض ويطهر الشرور كلها..
مرت سحايب الاحزان المحملة بالدموع المالحة الحارقة.. واشرقت.. شمس الامل.. تنشر الفرح والرونق والعبير.. تفتح الورود وتنعشها.. تبعد الكوابيس وتنشر صباح جميل.. وتفتح باب الافراح على كل الناس
ومن اول هالافراح.. زواج مريم وسعود..
كان ولا احلى.. زواج من سالف الزمان.. حتى ان مريم ما صدقت ان الزواج اللي اهي كانت تمشي فيه بجناح السرعة.. صار مثل هالزواج الجميل..
كانت الحفلة في حديقة بيتهم..والاناقة كانت عنوان يحمله الزواج..واللون الابيض الكلاسيكي كان اهو اللي ملك الجو.. حتى ان مريم وصلت فيها انها خبرت الكل انه لازم يلبس اللون الابيض من البنات..
كان فراقها صعب.. فراق اهلها وفراق احبابها.. وفراق بيتها صعب عليها.. لكن تحملت.. تحملت وتجرعت الالم بفرحة انها راح تكون بين عائلة يديده.. عائلة حبيبها وزوجها الغالي.. اللي عمرها ما تخيلت انها تلقى مثله.. لان سعود شالها فوق راسه وتحمل فيها اكبر تحمل.. والا من اللي بيتحمل معافى 7 شهووور من بدايه الخطوبه غيره.. فديته سعود.. يحبني.. وعلمني شلون احبه.. وشلون اعشقه..



فرااااغ كبير تركته مريم في قلب الكل بروحتها بعيد .. ما ظل احد ما بكى.. حتى اخوانها.. خالد وخليل وجاسم.. بكوا على غياب القلب الكبير.. القلب اللي يسع لهم ويزيد للغير بعد.. وخصوصا خليل اللي ما تحمل غيابها ولا العيال بعد.. لكن قمر قدرت انها تتحمل فيهم وتنسيهم هالغياب الكبير.. وجودها مرة ثانية في البيت احياه.. وخلاه ينبض ويتنفس من جديد..
ظلت ويا خالد اللي كان يتحسن تدريجيا.. لكن ظل يتعب على اقل شي.. بس مثل ما نعرف خالد وايد قوي.. وقدر انه يقوم من النكسه بصحة تامة وبخير.. وبدوا الاثنين يبنون هالحياة خطوة خطوة الا ان الفرق انهم بنوها واهم عاشقين لبعض.. وبينهم احلى شي في هالدنيا.. ثمرة حبهم ..الوليد.. اللي كان ينمو بطريقة عجيبة .. وكل ما له يكبر اكثر واكثر..

مرت الاياااام على سريع ليمن انتشر خبر خطوبه نوفة.. تقدم لها ناصر رسمي من اهلها وطلب يدها للزواج.. وطبعا وافق ابوها والكل وافق وهلل على هالنسب والقرب.. نوفة من زود فرحتها ما صدقت الخبر.. وظلت مو مصدقه الى يوم الزواج.. يوم لبسها ناصر الدبله هلت دموع التصديق.. ان الحلم صار حقيقه.. وان الحب اكتمل.. الحلقه المفقودة من حياتها اكتملت بوجود ناصر في حياتها.. ناصر ما لامها على الدموع ولا شي.. لان اهو الثاني من الزين انه تحمل دموعه ما تهل من فرحة قلبه على هالزواج.. ما وافق على خطوبه وبعدها زواج.. مباشرة يتزوجها وياخذها

ومروة على عكس توقعات الكل.. انها تزعل ولا شي.. بالعكس اكثر وحده فرحت لاختها لان نوفة محبوبة وتستاهل كل الخير اللي يجيها في هالدنيا.. واحسن من ناصر ما بتلقى.. لكن اهي قلبها كان شايج على ناس.. ما كانت حتى العين تشوفهم.. الله يصبر قلبي عليك يا مطلق.. الله يصبره..

شيخة ونورة ظلن مثل ما هن.. الاختين الحبوبتين.. العازبتين..شيخة وطلال تفاهموا الاثنين ان زواجهم امر غير وارد في حال ان نورة ما تزوجت.. لان شيخة تغلي نورة في قلبها.. كثير ما حاولت نورة تقنعها وتقنع طلال معاها لكن هذا كان شي غير محقق.. طلال يعز نورة وكان دايما يقول لها ابي ولدج اهو اللي يدخل وياي الصاله.. عز اله بتشيب يا طلال وانت ما عرست.. خخخخخخخخخخخخخخ

لكن اليوم..
كان له نكهه ثانية
اليوم انفرج وفيه فرحة ثانية
اليوم كان.. التحام .. كان اندماج للارواح..
روحين عزيزتين علينا كلنا..
جاسم ولولوة..
أي نعم..
ما ظل لنا الا جاسم ولولوة عشان يتزوجووون.. واخيرا حقق الحلم جاسم.. وحدد يوم الزواج من لولوة.. وكل شي تزهب وما بقى الا الحفلة اللليلة..
قمر اللي من 3 ايام طالعة من بيتها ورايحة بيت يدها سبع ترتب الاغراض عشان عروس عمها واللي تصير افضل صديقاتها.. كانت تمشي واهي تبخر المكان.. بخرت تحت لكن فوق كان لازم تبخرة بعد.. والعصابة الثلاثيه معاها
ابراهيم والعنود والوليد ماكانووو يخلونها بحالها وراها وراها في كل شي.. ووليد يجر جلابيتها جرر يالله تنتبه له قمر..
قمر: حبيبي الجمر ضاوي شلون تبيني اشلك.. اخاف تحترق..
الوليد كان يطالع امه واهو يبتسم ويقول لها : .. مامي مامي.. توته مامي..
(توته.. زبادي على توت يحب ياكله(
قمر: هههههههههههههههههه الحين بابا يجيك بالتوته بس اصبر.. هذا عاجز الحيل وينه.. خلني اتصل فيه..
عاجز الحيل اهو خالد وقمر مباشرة اتصلت فيه
خالد: نعم..

قمر: بسم الله.. وش جاك ويا هالنعم..
خالد: خير في شي.. مضيعة شي مدام .. تبيني اجيبه لج.. والا شرايج الم قشارج وارميهم في بيت يدي سبع
قمر: ااااااه زعلان حبيبي؟؟
خالد: لا مو زعلان الا متونس بالحيل.. احد يصفى له الجو ويرفض..
قمر: هاهاهاهاهاي... تقدر انت على الكلام اللي تقوله؟
خالد وقلبه يتحرقص: اكيد اقدر.. لا تظنين انج المزيونه الوحيده.. اويل قلبي القصر متروووس بنيات.. الحين اضوي لي وحده مثل الغزال.. ما تجيبين ظفر منها
قمر: الله.. جنك مو رجال بولد ولك واجب علي انك تاخذه وتفكني منه..
خالد: ليش شفيه عمج.. (الوليد(
قمر: عمي.. ما عليه.. تعال خذ العيال ماذيني انا مشغوله والجمر ضاوي عندي ويبوني اللا احملهم والا اوكلهم توته
خالد: من حقهم.. والا انا اللي محروم من التوته كل هالايام
قمر تنهدت.. ماقدر على خالد ليمن يكون رومانسي.. : زين زين اقطع هالهرج وقول لي وينك
خالد: في مجلس بيت جدي معج..
قمر: حلووو اجل تعال اخذ العيال مني ..
خالد: شرط
قمر: وشو؟
خالد: اشوفك يا قمر سماي ابعدت نورك عن لييلي..
قمر: فالك طيب يا بعد عمري.. تعال من الباب اللي ورى..
خالد: اوكييييي..
وتنزل قمر ويا العصابه الثلاثية والا مريم وصلت.. مريم حامل في الشهر السادس ومزاجها يعكر مزاج الفرحااااان.
مريم: وين رايحه ويا العيال
قمر: رايحه لخالد الحين جاي ياخذهم
مريم: ليش ما انتي تعابلينهم؟
قمر: قالولج فاضية يا ست الحسن انا وراي صالون ولولوة الحين بنمر عليها رايحين هناك..
مريم: وانا ان شالله ما حجزتولي معاكم.. ترى والله يا قمر
قمر اقطعت عليها: لا تخافين حجز العرس كله باسمج ولا تزعلين ولا تحلفين..
مريم: حسبالي بعد.. وينها نويف .. نويييييييييييييييييييف؟؟
نوفه ويا مروة وشيخة ونورة قاعدات في غرفه التشميس.. وتنتفض نوفة يوم تسمع صرخة مريم
نوفة: جاك الموت يا تارك الصلاه
شيخه: انا احلفج يا نويف ان صرتي مثل مريم في الحمال لا اخلي اخوووي يردج بيت هلج ليمن تولدين
نوفة: عساج ان شالله لا تدعين علي انا مابيصير فيني جذي.. قولي الا مسكين سعود شايلته سعودوو وسعودوو
مروة ونورة: وين ايام حبيبي وحياتي ونور عيوني هههههههههههههههههههه
نوفة: بس قموور ما صابها جذي؟
الكل سكت وتذكر ولاده قمر الصعبة.. والله وكانها شوكه في القلب
التفتت مروة: الحمد لله على كل حال.. يلله نروح للشيخة لا تعصب علينا الحين وتسوينا كباب

اتصل خالد بقمر وقالها انه وصل.. طلعت له قمر واهو كان طالع بره السيارة واقف ومتكتف.. الجو كان بارد شوي ..قمر طلعت واهي حامله الوليد والعنود وابراهيم يمشووون.. خالد كان يتمنظر فيها واهي تمشي.. لابسه جلابيه حمرا.. ياويل عمري من هالاحمر.. موتي على يده هالغزاال..
الا وطلع صوته لها باغنيه..
" اعذرني فيك..


تنزل راسها قمر
" لو قلت ابيك..
تمشي وتتقرب..
" اعذرني فيك.. لو قلت ابيك..
وصلت له قمر والعنود من شافته راحت له..
انت اختياري في العمر.. تامر على روحي امر.. انت اختياري في العمر.. تامر على روحي امر.. اشر لي بعيونك.. (ياشر على عيونها) اجيييك.. اجيك..
قمر: الله الله .. خالد ابراهيم..
خالد بعز: شكراااا قمر سعد..
قمر: والحين لو تتكرم تاخذ هالعفاريت
خالد وشعنه انتي ما تعابلينهم.. مو انتي الحرمة وانا الرجال؟
قمر: الله.. وش دخل كوني حرمه وكونك رجال في تربيه العيال..
خالد: بسيطه ما يبغيلها ام وابووو.. انتي حرمة الله خلقج لتربية الجيل الصالح وانا الابوو اللي لازم يكد ويعرق عشان مصاريف البيت..
قمر: الللله.. شهالقصة الحلوة
خالد بمرح: من تاليفي..
قمر: هههههههههههههههههههه بايخة
خالد: ها
قمر: طالع عليك..
خالد يسحب يدها ويقربها: الله قموووووووووور. الحين انا بايخ؟؟؟
قمر: ههههههههههههههههههههههه خل يدي امزح معاك ..
خالد يقوي مسكته: والله لا خلي هالصوابع تخرق متونج
قمر: هههههههههههههههههههههههههههه حرام عليك اعطف علي تراني بتشوه وانت اللي بتضرر
خالد: اصلا انتي متشوهه ومو متشوهه كلووو سيم سيم..
قمر بصوت جاذبي: صحيح عاد
خالد : آآآآه الا صحيح.. عين الصحة..
قمر: هههههههههههههههههههه
يلتفت للعنود اللي رسمت احلى رسمات تحت دشداشته..
قمر: العنووووووووود الله يهداج شسويتي..
خالد: خليها قمر.. هذي اصلا فيها لمسه الشفا.. فديت العنووووووووووودة انا..
رفع العنود وتم يحببها واهي تضحك.. ما عليكم منها هذي شقردية واهي ياهل تموت على الرياييل..
ويبوسها خالد: منو حبيبه عمها؟؟
والعنود تاشر على روحها..
يلمها بقوووووووووه خالد: فديت قممووور الوضيحي انا..
قمر: احم احم
خالد: وانتي علامج تحمحمين.. حرام اتفدى الجمال؟؟
قمر: لا مو حرام.. بس انا بعد تفداني ما بيصير فيك شي..
خالد: انتي... انتي تفدييج غير.. تفديج انتي يبيله سنه كاملة
قمر: ههههههههههههههههههههههه أي جذي.. اموت عليك وانت تهرج كذا..
خالد: تعالي زين بقول لج سر
الا ابراهيم يشد دشداش عمه
خالد يحمل الثاني: ها عمووو علامك؟؟
ابراهيم: لاهيم.. حواوة .. ما يعتوني..
خالد: مو بس انت المحروم من الحواوة حتى انا
يلتفت لقمر يمسكها من ذراعها: ها حبووو تعطيني حواواة
قمر: خل ايدي يالله عن اللقافه..
خالد يلمها اكثر: ماما اناابي احواوة.. مشتاق للحواواة.. 3 ايام بلى حواوا..
قمر: ههههههههههههه هذا اللي بيورطنا اليوم.. (تهمس) عيب جدام العيال عاد؟
خالد: مافيها شي.. اهم يبون اللي انا ابيه.. مو صح يا عيال..
العنود تهز راسها واهي تدفر الوليد اللي ما امداه يوقف..
خالد يقرب قمر اكثر: ... خفيفه.. والله طايرة في الهوا
قمر: خلني يا خالد ههههههه والله انت ما بتعديها اليوم
خالد: انا مشتاق وبي لوعه.. عطيني..
قمر: شتبي؟
خالد: حواوا..
قمر بهمس: الليله زين؟
خالد: لاااء.. الحين
قمر ما تدري شتسوي وياه.. تقربت منه وباسته على خده وشوي ان ابراهيم لكز خالد وخلاه يفج يده عن قمر.. وطارت عنه واهي تضحك
خالد بصدمه: لكن خير.. خير يا بعد عمري خير... اوريييج الليله
قمر تضحك له وراحت عنه.. وظل هو واقف مع العيال..
خالد: من منكم يبي يروح الطيارررررررررة.. هااا؟ منووو؟

الكل رفع يده وخالد ضحك لهم :تدرون عاد.. ولا واحد..هههههههههههههههههه
***************
بدخله قمر القصر كانت ماسكه على قلبها.. يا رب.. يارب لا تفرحني هالكثر.. ياما فرحت وياما حزنت اكثر من ما فرحت.. لكن الحمد لك يا ربي.. على هالنعمة.. نعمة وجود خالد معاي.. احبه يا رب.. احبه..
مدت يدها لبطنه.. وين ما يتغلل باحشائها روح جديده.. روح صنعتها اهي وخالد ويا بعض.. بالحب.. والعشق.. والتفهم.. والوعد بحياة جديدة..خالد للحين ما يعرف بهالشي.. لكن قريب ان شالله بخبره.. مسكت يدينها وهي تمشي وتتحس دبلتها في يدها.. لمت يدينها لبعض واهي رافعه راسها.. تناظر ربها.. اشكرك يا ربي.. أشكرك.. مدت يدينها.. وركبت الدري.. تعابل باقي الاغراض عشان يروحون الصالووووون..
*****
العرس.. ومن بعده.. راح تنتهي القصه؟؟؟ ولا لها شويه نهاية..



الجزء 28 والاخير (1)



---------------------------
في مجلس الرجاجيل.. كانو الشبيبه كلهم هناك.. ناصر وجاسم ومطلق وسعود وضاري وطلال وخالد خليل خليفة كلهم هناك قاعدين.. يونسووون جاسم.. الا وتتصل مريم على سعود
انتفض سعود يوم اتصلت فيه مريم الا ومطلق يضحك عليه
جاسم: ما لومك تتنافض.. مريم هالايام مزاجها شوي حامض ..
مطلق: الا حامض.. هذا للا فاجعه هالمزاج..
سعود: تتطنز حظرتك.. تراك منت بعيد عن العرس وبتعرس وبتشوف الحريم على حقيقتهن من بعده..
جاسم: بس مثل مريم ماكوو.. خلتك تتنافض.. صج يعني.. ههههههههههههههههههههههه
وضحك الكل على سعود اللي من القهر راح في زاويه لحاله يرد على مريم
مريم بعصبية: وشعنه ما ترد علي من اول رنه؟
سعود: ما سمعته حياتي كنت مع الرجاجيل.. امريني بعد عمري ؟
مريم: الحين؟؟ نسيت انا شبي اقول لك.. أي أي ذكرت.. شوف صبحة اختك ان جان تبي اتيي معانا الصالووون؟
سعود: صالون شنو حياتي.. انتي ما يحتاج تروحين أي صالون.. انتي جميله بطبيعتج؟؟


وياريته ما عطاها هالاطراااء..
مريم: هاااااااااااااا؟؟ عيد الكلام اللي قلته.. ماالعنه هرج.. ادري فيك تبيني اروح جدامهم جذي محلحسه وجهي مافيه شي.. جني درام ويا هالدبة اللي بلشتني فيها
سعود يوطي صوته: أي بلشتج يا عمري.. اذكري ربج انتي بس.. (بصوت حزين) والله ماستاهل منج هالكلام كله..
مريم رق قلبها لسعود.. بس مشكله.. تنسيها كله صار عليه اهي مو مسؤوله اهو اللي حملني اهو اللي يستحمل: يالله انا بسكر عنك باي..
سكرته مريم في ويه سعود اللي من حبه لمريم متحمل منها كل هذا واكثر.. لكن شالحل.. ااه يا ربي ااه منج لو ما احبج جان من زمان لختج بهالعقال.. بس وين يا مريووووووم وين؟؟

وتحركن الحرمات للصالون.. كلهم حاجزات في صالوون بالكويت (العاصمة( اسمه لمسه حواء.. (موصجي تراه المكان من خيالي) قالت لهن شيخة انه يمكيج بطريقه فنية ولا نانسي عجرم..
طبعا عبالهن ان نانسي عجرم حلووة فراحو هالصالوون..لولوة كان لها عنايه خاصة فيها من قبل الموظفات هناك لان حجزها خاص.. في غرفة لحالها.. كانت هادئة على عكس الانطباعات اللي انعطت لها.. كان الكل متوقعها تكون متوترة.. وتكون منثارة لكن لا.. لولوة كانت ضابطه اعصابها وهادئة كل الهدووء الملائكي.. حتى ان قمر استغربت منها بس هي تعرف ان رفيجتها ما تهدي جذي الا وان في بالها سوالف كثيرة.. وكلام تعده.. تعده لحبيب عمرها اللي راح تجتمع معاه.. وفي هاللحظه قمر تذكرت موقف مرة مع لولوة في المدرسة بوقت الفسحة..
قمر: لولوة.. هاتي علبه المايوونيز
لولوة: انا ابي اعرف انتي شلون تاكلين كل هالاكل وكل هالمايونيز ولا ياثر فيج مناعة اختي؟
قمر: ههههههههههههههه لا شراهه.. تصدقين لولوة انا مستغربة من نفسي.. بس اكتشفت الحل
لولوة: شنو؟؟
قمر: لاني يوم اكل وعشرة ما طيب شي في حلجي..
لولوة وقمر: هههههههههههههههههههههههههههههههههههههههههه
سكتت قمر وتمت تاكل في الجبس اللي جدامها.. الا ولولة تطالعها بحيرة؟
لولوة: قمور.. بسالج؟
قمر: هممم...
لولوة واهي تتبسم:.. شرايج في العرس؟؟
قمر رفعت راسها بابتسامة: اناسة.. ليش؟
لولوة واهي مغتبطه:.. مووو انا دومي اقول حق امي تقول لي الزواج مسؤوليه وسجن..
قمر: افا عليها ام زايد تقول هالحجي.. واهي متزوجه بوزايد الله يرحمه ويغمد روحه الجنه
لولوة: ساعات احس ان امي ما تبي تشجعني على الزواج
قمر: لابد لنا ان كان لنا نصيب نتزوج يوم من الايام ما راح نظل عزبيه جذي..
لولوة بحمااسيه كبيرة: صج صج قمووور.. شنو تتوقعين زوجج يكوون؟
قمر بابتسااام جاذب طفولي:.. اممممممم.. اهم شي.. يكون قلبه طيب مثل السكر.. ههههههه وانتي؟
لولوة: ااااااااااه.. ياريت اعرف.. لاني مو قادرة افكر فيه.. من افكر احس اني دايخة وماقدر اتخيل شكله شلون راح يكون..
قمر: ولا فكرة بسيطة
لولوة بتفكير: لا.. بس تدرين.. زواجي كله مدبر في راسي.. وكانه مشهد اشوفه.. انا ويا حبيبي.. في الزواج.. هادئين.. مبتسمين.. ولا كاننا في زواج.. نخلي الناس تنبهر في هدوئنا.. مو مربووشين نصب العصير ولا ادوس على فستان زواجي
قمر:هههههههههههههههههههههه قصدج ملجه شهلا
لولوة واهي تسكت قمر: اوووووووش لا تسمعنا هذي عليها اذااين ما شائ الله من هني لهناك..
قمر واهي متفدعه: ههههههههههههههههههههههههههههههههههههههههه
لولوة: ههههههههههههههههههه وانتي قمور.. شلون عرسج
قمر: أنا مابي عرس.. ما فكر في عرس ولا شي.. انا بس ابي اكون وياه.. نمشي ويا بعض.. لابسه فستاني وايده في يدي.. يمسكني ويلمني (تلم يدينها بين ظلوعها) جذيييييييي.. ولا يخلي نسمه الهوا تلمسني الا باستئذانه..
لولولة: ويليييييييييييييييي شعندها هههههههههههههههههههههههه
قمر: قووووووووومر عيل شلووووووووووووووووون..
لولوة وقمر: هههههههههههههههههههههههههههههههههههههههههههههههههه ههه
مع العودة للواقع لكزت دمعة عيون قمر.. الله.. كانت احلامنا حلوة.. واخيرا تحققت هالاحلام.. الحمد لله..
ومع المدابج بين مروة وشيخة ونورة وقمر ومريم ونووفة ...... حتى العنودة خذوها معاهم عشان يزهبونها..
ومر الوقت.. وجهز الحرماااااااااااااااااات..
ولكن شنوووووووو..
اوصفهن..
مروة: كانت لابسه فستان وردي ويا حواف حليبيه مذهبه من تحت قصير عند الركبه ولكن تمتد قطعته لي ذيل وراها.. السير محفوفه للرقبه والظهر ظاهر ولكن يغطيه شال من الحرير الوردي ..شعرها كان مرفوووع ولكن بنفس الوقت مفتوح نص شنيوون.. مكياجها كان غامج عند العين ومورد عن الخدود مع اللمعه الحلوة..
نوفة: تحب اللون الاخضر وكانت لابسته فستان حلوو طويل بلا فتحات ولكن بلا اكمام في وحريري وفيه لمعه خضرة عند الصدر والبطن.. والقطع تتمايل على سيقانها كل ما تحركت.. شعرها كان مفتوج على شكل خصلات ملتويه ..وغرة على جبينها.. مكياجها بعد كان هادئي.. عند العيون حففووها باللامع الاخضر الاستوائي وبينو لون عيونها العسلي بكحله غامجه حوالي الاهداب..
شيخة: كانت لابسه لونها المفضل.. الاحمر او (دم الغزال) لون مكياجها كان مثل فستانها اسود مع الاحمر وكانت رعبووووووب.. شعرها كان مسدول ولكن مقطع تقطيعه رهيبه تخليه يتماوج مع كل حركة..
نورة: اللي ما كملت كانت بتلبس فستان مثل فستان المغنيه (دينا حايك) في اغنيتها الجديده ويوم سالت الصالون عنها عرفو لتسريحتها وسووها لها مع ورده على طرف.. نفس الشي مكياجها كان هادئ ورومانتيكي لاخر درجه خلاها تصير اثيريه مو من هالزمن..
مريم: بطبيعتها الحامل لبست جلابيه وسيعه ولكن فضيعه فيروزية او تركواااز ولابسه طقم فضي انتيك وشعرها كان مرفوع شنيووون مع خصلات ناعمة تحيط بوييهها..
قمر: كانت متألقة اكثر من الكل بسعادتها وابتسامتها الواسعة اللي تشمل الكل.. كانت اكثر وحده فرحانة بهالزواج اللي بصراحة جمع بين عمها وحبيبته او بالاحرة عمها وصديقتها المفضلة من بين الناس كلهم.. محد يعرف بغلااا لولوة على قلب قمر الا نفسها.. تحبها حب كبير وتعزها معزة غالية.. تذكر مواقفها معاها في كل محنة وشدة.. حتى يوم قالت لها قمر خبر خطبتها لخالد.. لولوة ما حزنت ولا شي بالعكس..شجعتها على هالشي.. وهي اللي خلتها توافق مبدئيا على هالشي.. وورتها صورة لزواجها بعد فترة مثل ما اهي قاعدة تعيش.. وكانت صادقه.. دايما تقول لها رب ضارتن نافعة..
فديت عمرج يا لولوة..
كانت لبسه فستان ذهبي حريري بسيط جدا واكتافها ظاهرة بلا شال ولا شي.. يحقلها عمها.. ورافعه شعرها وخلته مهدول وهو ملتوي (مثل تسريحه نانسي عجرم في اغنيه لون عيونك) ومكياجها انيق ويخليها بابهه

غريبة عن البنات الباقيات..
مريم تطالع الصاعه واهي متنرفزة عالاخر: يالله الحين خلونا نرووح الصالة الساعه تسعه يا قمر.. ما يصير جذي لا احنا ولا العروس
قمر: اصبري شوي يا مريم احنا لنا عذرنا العروس للحين ماجهزت
مريم: من الصبح وحنا قاعدين اهني حرام والله تعبانه وهلكانة وميتة يوووووووع
مروة: قولي جذي ليش تعبانه وهلكانه قولي انج يوعانه ومن جذي تبين ترووحين لكن ترى اخبرج البوفيه ما بيتوزع الا لمى المعاريس يوصلوون
مريم باعصار: شنهوووووووو وانا اللي ميته يوع يعني شاكل الكراسي ولا الطاولات؟؟ وينه سعودووو وينه؟
وتربع عند تلفونها تتصل في المسكين سعود اللي من حملت مرته اضطر انه يتحمل منها كل الكلام الجارح.. من زود ما مريم تحب سعود تنسيها ووحامها صار عليه.. مسكين يا سعود.. الله لا يجيب احد لموقفك..

جاسم كان قاعد في الغرفة المحجوزة للرياييل.. قاعد على الكرسي ويبتسم للي يبتسم له وايلسم على اللي يسلم عليه والا اذا.. يظل ساكت مكانه ولا جنه معرس.. مالت علي.. الحين انا معرس ومادري شنو وولد اكبر عيلة.. واخرتها جذي عرسي.. الناس قاعدة في صوب وانا في صوب.. حتى هالخرفان اللي قاعدين جنبي ما يسولفوون.. ووينه خالد بعد هذا وين رابع عني.. لكن اوريه مسود الوجه يوم بعرسه انا قاعد جنبه وما فارقته.. هين يا خلووود ان ما خليتك تاكلها بالحامية ماكون جاسم..



الا مطلق وسعود يقربون صوبه..
مطلق: مبروووووك جاسم الف الف مبروك
جاسم: الله يبارك فيكم.. هلاا.. اسفرت وانورت.. ما جني عمكم عمعم الله راسكم بقدف.. ما تجون تقعدون جنبي تونسوني مخليني مثل العروس جالسه بالكوشه والناس اتمنظر فيها.. هذا شكل احد يتمنظر فيه.. ماقول الا مالت عليكم بالخمس..
سعود: ههههههه منو قدك اليوم عاد انت بالناس ولا من دونهم.. انا يوم عرسي ماكنت ابي اقعد واسلم على الناس.. على طول اخذ الريم وارووح وياها تايلند.. عشان هناك نحتفل بزواجنا ونكلله بالحب والغرام..
مطلق وجاسم عارفين ان سعود مسكين ظايق الويل من مريم:.. والحين يا سعود


سعود استغرب منهم.. لكن اكيد يقصدون مزاج ووحام مريم: سعود الحين احلى واحلى.. الحين الجوو يسوى ويسوى الف والف من هالعمر كله..
جاسم ومطلق يضحكوووون وسعود انقهر
سعود: قصدكم الوحام.. ترى لاتضحكوون انا هالوحام علي مثل العسل.. وبعدين منو قال لكم اني مخليها على كيفها.. لا يباا.. انا ماعطنها العين الحمرة اللي من تشوفها خلاص تتسنع.. وتنسى انها مرتي الا تصير عبدتي
جاسم بمزاح: الله الله
سيعود: أي نعم.. الا خاتم في صبعي..
ويرن تلفون سعود على رنه ما يسوى.. رنه الريم.. وانتفض الرجال..
مطلق وهو يضحك: يالله ورنا العين الحمرة.. ورنا شلوووون انت توقفها عند حدها..
سعود: انت ما عندك قلب.. انتوو ما تستحوون.. تاخذوني غشمرة لكم.. والله لا تتغشمرون تراه بيجيكم عيال ان شالله وبتشوفون.. بتكرهون العرس وطاري العرس..
راح سعود عنهم وجاسم يصوت عليه: الله الله بالخاتم.. لفه زين هاا..
سعود بنظرة كررررررررره وراح عنهم وجاسم ومطلق ميتين من الضحك على سعود.. خانت حيلي ما يستاهل..
رفع السماعه: ه.. هلا حياتي
مريم: لا ... لا ترفعه.. ممكن اعرف انت ليش ما ترفع التلفون بسرعه.. ها.. رد علي؟
سعود: شوي شوي عمري .. ماله داعي العصبيه.. ماسمعته كنت ويا الرياييل.. امريني الغلا فيج شي؟
مريم: ابيك اتيني الحين.. خذني انا وبنات عمي عشان نروح الصالة
سعود:.. بس انا مقدر اييلج.. اتصلي في خليل يمكن يقدر ايي ياخذج
مريم: وانت شكووو.. هذا اللي انت ريلي الحين .. وخليل اللي ياخذني
سعود بحزن: مريم.. ترى جاسم محد قاعد وياه الا انا ومطلق.. مو حلوة نخليه وهو معرس لحاله..
مريم صخت.. كلام سعود صح.. بس هي مشتاقه تشوفه.. بس من تشوفه تلوع جبدها.. يا ربي من هالحمال والله انه هلك روحي: زين انا بتصل في خليل.. يالله مع السلامة
سعود: في حفظ الله الغالية.
مريم في قلبها.. فديته والله.. حبيب حياتي.. تكلم اللي في بطنها.. لكن انت اطلع.. والله لا صفعك تصفع معافني ابوووك.. سود الله ويهك..
قمر: بنات اللي جهزن يروحن..
مريم: لكن ماكو احد ياخذنا
قمر: شلووون.. وينهم ؟؟
مريم: انا اتصلت في سعود.. وقال لي ان ماكو احد واهو مايقدر ايي ياخذني مايقدر يخلي جاسم لحاله..
قمر: اوكي انا بتصل في خالد اشوفه..
وتتصل قمر في خالد
خالد كان قاعد ويا طلال وناصر وضاري وخليل عند الفرقه اللي تعزف بره ومرتبشين.. ويرن تلفونه
كان مكتوب قمر ليلي
بصوت آسر يرد على التلفون: .. يا هلا
قمر وقلبها يدق: هلا بك الغالي.. شلونك .. شخبارك؟
خالد: بخير والحمد لله.. شمسيتي؟
قمر: بخير ونعمة.. اقول الشيخ
خالد: سمي..
قمر آآآآآآه سم الله فواد من بغضك: سم الله عدوك.. بس لو تتكرم انت والشبيبة اللي وياك تجون تاخذون حريمكم وخواتكم.. متورطات ما عندنا حد ياخذنا..
خالد: بس جذيه.. على هالخشم الشيخة جم ام الوليد عندنا
قمر بصوت منخفض:.. وحده..
خالد: فديتها هالوحده.. انزين شرط؟
قمر: ايش؟
خالد بصوت منخفض: .. حواواة
قمر بحرج كبير وحيا خلى مروة اختها تلتف لها وتبتسم بمكر: مو الحين.. مو حزتك.. يالله تعال وخل اللي وياك اييووون
خالد: معليه يا قمر ليلي.. ايصير خير.. فامان الله
قمر: في داعت الرحمن وحفظه
سكر خالد عن قمر
خالد: شباب البنات يبن حد ياخذهن من الصالوون
ناصر قام على حيله: يالله اتوكل..
طلال: وين؟
ناصر: اييب مرتي وخواتي.. ليش ان شالله حرام؟
طلال: قول تبي مرتك خواتك ليش تفتري عليهن..
ناصر: حلالي وكيفي.. موت غيض.. يالله بررررب.
طلال: تيت..
خليل يسكر التلفون: يلعن جدااااهن الحرمات ما منهن خير..
طلال: ليش؟
خليل: هذي مريم الله يهداها كلتني.. نعنبوو الحمال فيها امصخه من حمل.. يالله انا اروح اخذها.. وانت خالد بتاخذ من؟
خالد يناظر القمر اللي كان مكتمل ذيج الليلة..: اخذ قمري..

قمر راحت لوين ما لولوة قاعده.. بتتطمن عليها.. لانها جهزت من خمس دقايق تقريبا.. دقت قمر الباب بهدوء.. ولولوة جاوبتها.. دخلت قمر الغرفة واهي تبتسم.. كانت لولوة واقفه مجابل المنظرة الكبيرة اللي جدامها.. واقفة مثل الملاك بفستانها الابيض الفخم.. فستانها وجهازها كان كله من ايطاليا طلبوه من محل في الكويت.. وكان فخم بدرجه كبيرة توازي فستان قمر بزواجها ويمكن اكثر.. لان هذا كان وعد جاسم للولوة ان يكون زواجها كبير وفخم ما صار مثله ولا استوى.. وبالفعل تحقق هالشي وتحققت الاحلام كلها بهذيج لليلة
قمر واهي مبتسمه ورى لولوة: مبروك لولوة
لولوة بهدوء وبصوت ناعم: الله يبارك فيج قمر.. الله يبارك فيج
قمر: علامج.. هادئة وجدا جدا متواضعة؟ يحق لج الغرور اليوم.. انتي عروس
لولوة: تدري قمر (واهي تلتفت لها) الله عالم.. وشاهد.. اني ماكنت ابي هذا كله.. انا يوم ملج على جاسم هذاك اليوم.. ماكنت ابي شي في هالدنيا الا اني اعيش وياه في بيت واحد.. وخلاص.. عرس وحفلات وغيرو ماكان يهمني..
قمر: بس هذا حقج يا لولوة.. حتى لو مابغيتي.. جاسم يبي.. ليش هو ماخذج ببلاش.. بفلوس يا بنت الناس شاريج عمي..
لولوة راحت وقعدت على كرسي في الغرفة: قمر.. تذكرين ليلة عرسج.. انا اذكرها.. انتي كنتي حزينة وباكية وماكان قلبج مطاوعج على هالخطوة.. لكن.. انتي الحين عكس ليلة عرسج.. واللي يشوفج بفرحتج هذي يقول انتي العروس مو انا.. لكن.. تهقين انا سعادتي بتستمر مع جاسم؟
قمرقعدت يم لولوة واهي تبتسم باندهاش: ما توقعت انج تفكرين بهالطريقة يا لولوة.. انا ماكنت فرحانة بزواجي بخالد اول الشدة لاني.. ما كنت احبه.. اصلا انا شلون احبه وانا ماعرفه الا بالاسم.. لكن مع الايام انا عرفته وعشقته وزواجي به كان زواج ولا بعد مليون سنه اتمنى غيره.. لكن انتي خذاج جاسم حبا بج.. وانتي بعد

على ماظن كنتي تحبينه قبل لا تتزوجينه.. فليش ما تخلين هالزواج اكليل حياه زواجكم اللي راح يعطرها وينشر فوح الحب فيها لمن تموتووون...
لولوة ابتسمت لقمر واهي ممتنة لها:.. بدونج يا قمر.. ما ادري شكنت اسوي..
قمر والدمعة بعيونها: لا تسوين شي.. بس الحمد لله اللي ردنا لبعض صاحبات وارفيجات.. الله يخلينا لبعض
لولوة: آميــــن
قمر: زهبي حالج خالد في الدرب عشان ياخذنا..
لولوة: ان شاء الله
قمر: عن اذنج اروح اشوف نعمان شخبارها
لولوة: ههههههههههههههههههههههههههههههههههههههههه خانت حيلي مريم
قمر :هههههههههههههههههههههههههههههههههههههههههه
وقمر طالعة من الطابق الثاني للصالون.. كانت تمشي واهي تلفت الشال حول يدها.. بطنها كان متعبنها.. لكن احلى شي في حياتها اهو الحمال.. وخصوصا اذا كان من خالد.. فديت عمره حبيبي
صوت من جانب في الصالون: .. لو سمحتي الشيخة..
التفتت قمر بوجه باحث.. يصوتون علي؟؟
تقربت بنت من قمر..
قمر: .. تنشديني الشيخة
... البنت بصوت متردد:... انتي قمر. بن ظاحي صح؟
قمر باستغراب:.. أي نعم.. السموحة ما عرفتج.. منوو؟
شيماء.. كانت صامتة.. يا ربي.. هذي هي قمر.. هذي هي قمر.. و.. ماعرف شلون اقوللها..
شيماء:.. انا اسمي... شيماء..
قمر كانت عاقده حياتها.. للحين مب متاكدة بمعرفتها..
شيماء : انا اعرف زوجج.. خالد.. كنا اصحاب في الجامعة بلندن... ولكن..
توقفت شيماء.. ما تقدر تكمل لان قمر بدت ملامحها تستقطب الاهتمام اكثر بكلامها.
شيماء:... ندى... اهي صاحبتي..
هني قمرملامحها تفاجأت.. حست شيماء انها يمكن تتابع للغضب.. ويمكن بعد التعصيب.. لكن قمر قربت اكثر لشيماء وبصوت دافيء وجذاب
قمر: انتي صاحبة ندى؟؟
شيماء:.. أي نعم..
يا ترى.. شراح يصير بين قمر وشيماء؟؟ وشلي جاب شيماء بهالوقت.. يا ترى.. ظل حساب ندى مو مصفى.. وجايه شيماء تصفيه عنها؟؟
ولا... هذذي هي بدايه النهاية.... لصراع قمر وندى... الي يمكن ما نتهى بوفاتها..
يا رب. استر ..


الجزء ال 28 (2)
--------------------------------------
تقربت منها قمر وشيماء اللي كانت في موقف دفاعي مستعده لاي شي صادر من قمر.. فجاه لانت ملامح قمر وتغضنت حواجبها.. علامه المواساه..
قمر : ... عظم الله اجرج... السموحة منج بس انا ما عرفتج من جذي .. ما قدرت افهمج زين..
شيماء تعجبت.. تعظم اجري؟؟ تعرف ان ندى توفت...؟؟ لكن لحظه.. تعظم اجري؟؟ على ندى؟
شيماء: ولا انا اعرفج.. بس.. شكلج ما شاء الله.. ينحفظ.. انا كنت متواجده في .. زواجج.. ويا ندى.. وملامحج لا يمكن نسيانها..
قمر: اشكر شعورج الغالية.. واكرر اعتذاري منج..
شيماء: لا عادي قمر.. بس حبيت اقول لج شي.. كنت ابي ازورج في بيتج لكن.. ترددت.. ومبين ان ارادة الله اقوى من ارادة أي احد في هالدنيا..
قمر: خير الشيخة..
شيماء: الخير بويهج.. لو بس تقعدين الله يخليج..
اشرت لها شيماء على كراسي الانتظار.. وقمر بكل طووع راحت وقعدت معاها..
شيماء:... قمر... انا اعرف.. وعايشت.. اخر ايام صاحبتي ندى.. واعرف.. اللي سوته معاج .. ومع زوجج خالد..
قمر بدت ترجع للماضي لكن هزت ملامحها عشان تنسى.. لانها لازم تنسى..
شيماء: قمر.. انا حاسة.. انج ..بتكونين متفهمه لوضع ندى.. الله يرحمها.. اهي باخر الايام.. ماكانت على صواب.. ما كانت تفكر بعقل ولا كانت تحس بالصح ولا الغلط.. قمر.. ندى ينت باخر الايام.. وبدى لها الشر اهو الخير.. وتخالطت الويووه في عيونها.. بسبب.. حبها اللي غمرها لخالد.. لكن
بدت شيماء تسكب دمعاتها.. لانه مهما كان.. ندى صاحبتها وعزيزة على قلبها
شيماء: قمر.. ندى ردت للصواب قبل لا تموت.. وبكت على عملتها فيج.. ليمن الله خذ روحها.. تمت تناشدج.. وتنادي باسمج.. وتعتذر لج.. قمر انتي ما تتصورين شكثر ندى عانت بفقد خالد.. لانها ما عندها شي في هالدنيا سوى خالد.. واهي ما رضت بواقع انها خلاص.. فقدته.. عذريها ياقمر.. ارجوج..
قمر دمعت عيونها.. وغصبن عنها طفرت العبرة من عيونها .. تداركتها بصبوعها لكن مسرع مالحقتها دمعات ثانيه..
شيماء مسكت يد قمر الدافية.. : قمر.. انتي.. انتي ويهج تنبع منه ملامح الصفا والطيبة والملائكية.. واحس.. الا اعرف.. انج مسامحه ندى..
قمر: يا اخت شيماء.. احب اخبرج.. ان ندى.. تظل.. محبوبه خالد الاولى.. وانا.. لو شنو سويت لزم اتقبل هالحقيقة.. لكن.. اهي كانت.. وانا الحين.. بظل للابد لخالد.. لو ندى ظلت او راحت.. لان هذا النصيب ياختي.. وبعدين.. انا منو عشان اسامح ولا ماسامح ندى.. انا اصلا.. مالي حق اني ازعل عليها.. كل من يحب حب صادق.. او يجن في حبه..يسوي اللي سوته ندى واكثر.. بعضهم ما يتدارك خطااااه ولا يعرفه.. لكن ندى.. والله يرحمها ان شالله بواسع رحمته.. تداركت خطاها في حقي وحق خالد.. وحتى حق نفسها بالسعادة.. انا في قلبي شكر لها.. لانها لولا اقناعها لخالد بالرجعه للديرة وانه يتزوجني ويسمع كلام هله.. انا ما بكون عايشة هالحلم الجميل اللي محد يقدر يصحيني منه.. انا ابشكرها.. وبشكرها طووووول حياتي هذي.. وان كان على السماح.. اهي ما سوت شي في حياتي الا انها راكمت اساس الحب في زواجي مع خالد..
شيماء ماقدرت تسمع كثر كلام قمر.. ياللللله.. كيف هالبشر.. كيف هذي انسانة.. مستحيل هذي انسااانة.. وندى للي كانت في قلبها خايفة انه قمر ما راح تسامححها في حياتها.. ااااه ياقمر.. والله انج ريحتي رفيجتي واهي في قبرها.. الله يريحج طول حياتج
قمر: هههههه.. لزم ما نصيح بالعكس.. لزم نبتسم.. اهي ارتاحت من هالدنيا ومن بلاويها.. راحت لمصير الله اختاره لها.. واحنا كل ما نقدر ندعي لها بالراحة والرحمة.. لانها كل ما عندنا لها وكل ما تحتاجه منه لها..
شيماء: الله يخليج..
قمر: وبعدين.. انتي تعتبرين من الاهل..حتى ندى.. لذا.. دليلا على صدقي بهالكلام.. هاج..
كان بيد قمر دعوتين لحضور حفل زواج جاسم في الصالة .. للضرورة
قمر: تصدقين.. انا توني ماخذتهن الحين.. حسيتها.. حسيت ان ضرورة ما راح تظهر.. والحمد لله الله جابج لعندي.. عشان اعزمج على زواج عمي جاسم.. حياج الله
شيماء: لاماعبل عليج
قمر: افااااااا... تعبلين علينا.. الا حضورج يكمل حضور الناس كلها.. يسد الف والف يالشيخة
شيماء وقفت واهي تاخذ البطاقه من قمر.. تتمنظر فيها وتمسك الخيط اللي يتدلى منها .. ورفعت راسها لقمر
شيماء:... قمر.. ممكن المج..
قمر: اكيد ممكن
فتحت قمر ذراعينها واستقبلتها شيماء بكل حفاوة..يالله.. كيف انك تجمع بين الناس.. وكيف انك.. تطيب خواطر الناس على بعضها.. طيب الله خاطر كل من زعلان مني .. وطيب الله خاطري من كل من زعلت عليه..
قمر واهي تمسح دموعها: يالله الشيخة.. انا اخليج.. ولازم لازم اشوفج..
شيماء: اوعدج.. اني راح اكون عندج... مستحيل شي يخليني افوت هالفرصة الحلوة اللي بتجمعني بعايلتكم..
قمرر بابتسامة واسعه: حياج الله باي وقت..
ودعت قمر شيماء على وعد انهن يشوفن بعض في الزواج.. مشت قمر لوين ما البنات قاعدات واهي في قلبها انفطار.. تحس بالحزن الغامر.. تحس بالفقد.. تصدقون.. انها تفتقد ندى.. كان من الممكن انها تكون صديقة رائعة.. تبكي عيوني عليج يا ندى.. يا للي رحتي وانتي فاقدة من اصل.. الله يرحمج.. الله يرحمج..
راحت قمر للبنات للي كانن جاهزات .. واهي تمسح عيونها
مريم شافت ان قمر كانت تبجي:.. علامج قمور تبجين..
قمر:.. لا مافيني شي.. بس تفاعلت ويا لولوة
مريم: يا حبج للتفاعل مكياجج لا يطير.
قمر: ههههههههههههههههههه لا تخافين سيفتي ما يطير..
قمر: يالله عيل بنيات قررن من بتروح ويا من؟
نورة: انتي بتاخذين لولوة ويا خالد؟


قمر: أي
مروة: بتزفونها بسيارة خالد؟
قمر: ليش شفيها سيارة خالد.. يديده واخر موديل
مروة: انا ما يزفوني الا بليموزيييييييين مستحيل انزف في سيارة عادية نوو واي
نوفة: عدال عاااد انتي ان ما زفووج بكرين ما عليه ههههههههههههههههههههههههههههههه
شيخه: هههههههههههههههههههههاي فديتها مرت اخوي تنكت..
مروة: هي هي هي انتي ومرت اخوج.. بس انا هذا شرط من شرووطي (واهي تمشي (اهو ما بياخذني

ببلاش.. لازم عليه انه يفهم اني غالية
وهي تفتر انمسك فستانها بالكرسي وتعلق.. سحبته مروة وانشق الفستان
مروة: لاااااااااااااااااااااااااااااا
مريم: ههههههههههههههههههههههههههههه يالله .. وينه اللي شاريج اييب لج فستان
شيخه: حرام مريم شوف يالفستان انشق كله؟
مروة شوي وتبجي: لا.. مو فستاني.. سهرت عليه طول الوقت وانا اخطط له.. شهر وانا انتظره .. حرااااااام
قمر: لاما عليج لحظه اشوف راعية الصالون
قعدت مروة يم نوفة واهي منقهرة: حراااااااااااام ليش فستاني ايصير فيه جذي
مريم: منج ومن لسانج.. خلي عنج الغرور ولو لمرة فيحياتج وبتفرحين..
نوفه: حرام عليج مريم والله مو وقتج.. لحظه
يرن تلفونها
نوفه: فديت عمرك..
ناصر: آآآآآه افدااااج يا حياتي .. شخبارج حبيبتي
نوفه: مشتاقه لج
شيخه تطقها بالخمس في ويه نوفه
نوفه: حياتي متى بتيني
ناصر: انا هني حياتي يالله ييبي نورو وشيوخ وياااج
نوفه: اوكي حياتي
نوفه: شيخه نورة وصل ناصر يالله نروح..
مريم: لا خلي نورة معاي ابيها اتيي وياي العنود ما تسكن الا وياها..
نوفه: من بييلج انتي
مريم: خليل اخوي من غيره؟ عيل سعود؟ هذاك بطه ما منه خير..
نورة من سمعت ان خليل اللي بياخذها هبطت دقات قلبها.. يا ويل قلبي.. من زمان ماشفته.. واليوم بشوفه.. اذكره من زواج نوفه.. ااااه والله اني اشتقت له..
شيخه شافت الفرحة بعيون نورة وحتى نوفة.. وفرحن لهاشي واستعجلن..
شيخه: يالله بنيات احنا بنروووح وانتن لحقنا.. مروة خطاج السوو
مروة: خطاااج اللاش.. يالله عااااد قمووور
قمر: اكا عندهم خياطه بتصلح لج الفستان بطريقه ما يبين فيها


ويت الخياطه وربعت عند مروة
مروة: fix it for me plz I don't want it to appear to me
الخياطه الفليبينيه: ok habibty don't worry
مريم: هههههههههههههههههههه يازعم ادميه هههههههههههههههههههه
قمر: اوووش مريم.. الله يبارك في الحمال اللي مخففنج.. زين مروة انتي تمي هني وانا راجعه لج .
نوفه: يالله شيخوو خلينا نروح
شيخه: زين شوي شوي علي نعنبوو بيطير ناصر.. الا مثل ما يه بيرد ويعود لنا عشان الحلوين كل شي يهون
نوفه: ياله عن الهذرة.. نشوفكن في الصالة..
قمر: على خير ا نشالله
وجذي راحت نوفة ويا شيخة لناصر
اول مادخلن ناصر تكلم: وينها نورة؟
شيخه: بتروح ويا مريم لان العنود ما تبي الا نورة
ناصر: اهاا.. ها حياتي.. وريني ويهج اشوف القمر
رفعت نوفة الغشوة عن ويهها
ناصر: يا ويل قلبي.. حرام مسكين القمر اليوم ماله أي قيمة في الدنيا
شيخه: ويلي انا
نوفة بحيا: فديت عمرك حبيبي..
******
خليل وصل لمريم واتصل فيها
خليل: مريم يالله شيلي دبتج وتعالي
مريم: زين عن الطنازة شنو شيلي دبتج.. هذا احمد ربك اني مخليتك تيني
خليل: غلطانة.. انا لو ما خايف انج تاخذين العنود رهينة عندج جان ما شفتي حتى غبرة ريلي .. يالله يالدرام المتحرك..
مريم: زفت اوريك لكن..
مريم: نوير يالله نروح خليل وصل..
مروة: ياربي وبتخلوني لحالي..
مريم: مرووو واصلتني لخشمي.. انا شكلي بولد اليوم خلاص ماقدر فوووح البخار والستيم فيني ماقدر اكثر..
قمر: ههههههههههه سمي بالرحمن وما راح ايصيبج شي لا بتولدين ولا شي تو الناس.. تحملي في روحج شوي شوي لا تثقلين على روحج
مريم: فديت هالويه والله تصدقين قمر.. متوحمه عليهم كلهم الا انتي.. امووت فيج
قمر:ههههههههههههههههه وانا اكثر..
نورة: يالله مريم خلينا نروح العنود تعبت والله
العنود كانت لابسه شال على راسها مثبت بشكل سكارف ولابسه فستان ابيض وعلى يدها سوار تتدللى منه دبله جاسم.. حركات نورة خطيرة..
مريم: وي فديت هالويه.. يا ترى برهومي شلوون طلع
العنود:... امووووه حواواة عمووووه
مريم: ويييييييييي دكان دكان فاتحة لي كله حواوا طاحن ظريساتج قبل لا يظهرن.. مالت اقول.. يالله نورة
مريم تمشي ونورة وراها.. خليل كان قاعد في سيارته الbmw 750 اليديده وكان متكور على جهه يسمع اغنيه عبد الرب ادريس الحفل.. الله اغنيه حلوة.. وخطفن الحرمات حذال السيارة..مرووو راحت وره وصايرة ادميه حتى ان العنود حابتنها.. شي غريب والله
مريم واهي تقعد: ماقدر ماقدر.. طول على المكيف عالاخر..
خليل: هي بابا بدايه الشتا أي ايشي.. انتي اللي مفوحه وين رايحة حمام مغربي ولا صالون
مريم: خليل بس عاد والله هلكتني.. بسك مضارب وياي انا مافيني
خليل: اقول سكتي عاد لا تحسبيني ريلج اللي يحبج وصابر عليج.. انا احوس ثمج هال**** ببكس ما تبين غيره.. وبعدين ليش لعنود ورى ويا مرووو انا ما بي بنتي تتعلم منها حركات نانسي عجرم.. هي سامعتني مرووو لا تعلمين بنتي حركات المصاخة تراها مؤدبة
مريم: وطي حسك اشششش فضحتنا.. هذي مو مروة.. مروو للحين في الصالون فستانها فصل باخر اللحظه..
خليل: عيل منو هذي؟
مريم: اوفيييييييييه هذي نورة المصباح يالله سوق خلنا نروووح سوووق
خليل من عرف ان اللي في السيارة اهي نورة تصنم.. يا ويل قلبي انا يا بعد هالناس كلها.
خليل: السموحة منج شيخه المصابيح.. ماكنا ندري
نورة ماتت منالمستحى.. لا تكلمني ترى اتبهدل:.. لا ..مسموووح .. غالي وعزيز
خليل.. لا ماقدر.. قلبي بيوقف غالي وزين مني اتحمل واعيش بعد عزيز..بموت ياربي.. كشفي هالويه يالغلا تراني ميتن عليج ولوعتي فاضت بي.. فجيه فجيها.. ياربي ما بتفجها بنت اياويد ما بتفجها.. فج الله عقدتي وحللها وافتك
ساق خليل طول المسافة من غير أي كلمة.. وعاد اغنيه الحفل. وكانه في قلبه يهديها لنورة..
((ياللي حضرتي.. وكل الناس يطرونج.. في كل لحظه عيون الناس بعيووونج..((
((يا اجمل الناس .. يا اجمل الناس.. من قلبي تمكنتي.. تمكنتي..((
وراح خليل الصالة ونزل مريم والعنود ونورة يوم بتطلع من السيارة شارت عباتها في الباب.. ماتدري وين دخلت وماقدرت تطلعها لانها كانت متغشيه والوقت ليل فما قدرت تشوف.. وتورطت.. تنادي على مريم اللي دخلت داخل وخلتها لحالها.. خليل حس ان احد للحين واقف عند السيارة.. طلع لها..
خليل: في شي الشيخه..
نورة بحرج: .. العباه.. مادري وين احتشرت.. مو راضيه تطلع.. (وشوي تبجي من زود الحيااا(
خليل:... عن اذنج بس.. اشوفها لج.. لو تسمحين؟
نورة ما شفت أي مخرج من هالخدمة او هالعرض ووافقت.. المضطر يركب الصعاب.. (صح ولا غلط مادري(
راح لها خليل وهو متوتر وكانه لاول مرة يكلم بنت.. مو جنه كان متزوج وعنده خوات.. نورة عنده مثل الملاك.. يستحي منها ويخجل بسرعه ليمن تكون اهي حواليه.. لها احترام خاص في قلبه مايدري شنو مصدره.. يمكن لانها بطريقة معينة تبين شخصيتها الفذه وتفرص حضورها.. ااه ياقلبي.. اموت فيها هالانساانة
خليل باصابعه الطويلة النحيلة..سحب العباه من الكبسة اللي فيها وتم يسحب بخفة عشان لا تنشق ولا يصير فيها شي.. كان ماعطي ظهره لنورة اللي من شمت ريحته داخت.. استغفر الله استغفر الله حرام عليج يا نورة واله حرام.. لكن شسوي.. غصبن عني تاثير وجاذبيه.. اعوذ بالله منك يا بليس اعوذ بالله
واخيرا فك خليل العباه وياريته مافكها.. قلبه تقطع يوم سلمها لنورة اللي شكرته بسرعة وغابت عن عيونه بطريقة سريعة.. وغابت بين زحمات الناس.. خليل ظل وقف مكانه وهو مكور يده بنفس الطريقة اللي كان ماسك بها العباه.. شم يده.. الخبل حسباله فيها ريحة العباءة..
((ما غبت عن خاطري لو لحظه يا غالي***طيفك رفيقي ترى فحلي وترحالي*** اترفق بحالي((
دخلت نورة داخل الصالة واهي تحس بوهج المصابيح مثل وهج قلبها اللي يدق دق الطبول.. الله.. يا ريتني ما خليتك ولا رحت عنك.. يا ريتني ما ابتعد عنك.. احس اني تيتمت بغيابك.. يا حبيبي.. اااه يا ربي ارحمني وارحم حالي واجمعني بحبيبي في اطار لا يفصله لا حيا ولا حرج..

وكان امنيه نورة طارت بالسما.. ولمعت .. وبرقت النجوم يوم تلقتها.. مرسال لابواب رحمة الله عز وجل.. من قلب صافي النية..

في الصالون..
مروة: ياوييييلي بتروحين عني يا قمر وانا لحالي هني يعني مو حرام عليكم؟
قمر متورطه: مروووي برد لج لا تخافين ولا تحاتين انتي هني ويا الصالون يعني ما بصير فيج شي.. بخلي خالد يقطني ويقط لولوة الصالة وانتي برد لج وياااه لا تخافين..
مروة: قمور اياني واياج تتاخرين لا ذبحج ذبح الشياه..
قمر: الله اكبر.. شوي شوي علي يا معودة اخاف الاصج..ههههههههههههههههههه
راحت قمر للولوة: لولوة..يالله حبيبتي خالد وصل وكانا رايحين الصالةالحين
لولوة بكل هدوء: ان شاء الله.. وينها الباقة
قمر راحت لها من على الطاوله: كاهي..يالله تغطي زين..
لولوة تمسك يد قمر: اياني واياج تخلين يدي.. لا ذبحج
لمست قمر يد لولوة اللي كانت ابرد من الثلج.. لولوة كانت شامخة لكن من داخلها ترتعش من الخووف والهيبة.. يالله حياة يديدة.. خلاص بتزوج.. خلاص انا مرة .. يارب عونك
ركبت للولوة سيارة خالد ..
خالد: مبروووك عروستنا.. يالله دقايق ونوصلج ..
قمر: ونرد لمرووو مسكينة لحالها هني ..
خالد: لا يهمج..
في قلبه خالد مووول مو مهتم لمروة ولا شي.. والله قلعتها ان جان ظلت في الصالون.. بس خوش سالفة والله جذي بتكمل خطته.. فديت مخك يالخلد.. دومك اعلى من مستوااااك..

واخيرا..
وصلت العروووس..
خبر وصولها وصل للمعرس اللي من عرف ارتبش.. يالله ندخل.. يالله ندخل.. بو خليل تورط ويا جاسم ما يدري شيقول له عشان يسكت ويقعد مكانه بلا حركة لان الناس للحين موجودة..
بو خليل: خليل يبا روح شوف عمك ركده الناس للحين هني
خليل: ان شالله يبا
سعد يكلم ابراهيم: هههههههههههههههههههههههههه فشلنا وفضحنا جاسم..
بو خليل: الا سود وجهنا.. وين نروح من لسان الناس.. اللي يقول مو مصدق انه بيعرس.. الا العرس شر لابد منه.. اويلي من الشباب..
سعد وبو فلاح: هههههههههههههههههههههههههه
جاسم يصوت على زايد: زايد.. زايد
زايد: سم
جاسم: سم الله فواد باغضك.. روح يالله لاختك.. ودخلها.. خلاص مالي قعدة هني.. صمنديقة بس جذي اتبسم جني مينن.. يالله روح لها..
زايد: ههههههههه اصبر يا جاسم مو جذي الناس تاخذ الامور بعقلانية والعقلانيه تقول ان الناس للحين موجوده عندك لازم تعشيهم بعدين تروح لمرتك..
خليل: والناس توها يا جاسم.. انا ابي اعرف منو اللي جابها الحين؟ اكيد خالد ما غيره هذا صاحب المواعيد المنوقتيه..
مطلق: طاع هذا بعد.. جاسم.. انتظر شويه..بس شوية.. شوف الساعه الحين 10 انتظر بس نص ساعة ولا ساعه بالكثير ماظن يدخلون حرمتك الحين يمكن قاعده في غرفة الانتظار..
جاسم: اووووووف هذا يقول لي ساعة.. وهذا يقول لي انتظر للعشا.. وهذا يخربط علي مادري شيقول.. ياناس ياعالم مرتي وابيها حلالي ومن حقي
زايد: ومحد قال العكس لكن الناس لها حق عليك بعد انك مثل ما عزمتها تضيفها احسن ضيفه..
جاسم: معليه.. معليه معليه.. اصبر انا بصبر.. ساعة لكن يازايد.. ان ما ييتو بروح لحالي.
زايد: هههههههههههههههههههههههههههههه ولا يهمك.. هذيج الساعة ارتاح محد بيوقفك..

خالد اللي ترك قمر ولولوة في الصالة ينتظر قمر بره عشان يازعم بياخذها لاختها مروة.. قمر رتبت فريضات لولوة في الغرفة واستاذنت عشانها بتروح لمروة ويا خالد.. اتصلت في مريم تيي للولوة وتيلس وياها..
يوم دخلت قمر السيارة: يالله حياتي ماكو وقت نروح لمروة الحين..
خالد بابتسامة كلها مكر: افا عليج حياتي.. مو بس نروح لها.. الا نطير لها طيران.. انتي صبري علي بس..

مروة كانت قاعدة في الصالوون واهي تنتظر.. زهب فستانها.. وتنتظر قمر لانها ما راح تتاخر عليها.. يالله بس ما زفوو العرووس ابي الحق عليهم.. اللاااااي.. يا رب يارب يا حبيبي لا تفوتلي شوفة مطلق واهو يمشي..ياني فديته ماشفته من زواج مريم.. حياتي والله.. قلبي وعمري كله..
تمت قاعده..
تنتظر..
تنتظر
تنتظر..
يااااااه.. قمر للحين ما وصلت.. وينها اختي. الله يهداها.. قموووور وينج
صار حوالي الساااااااعة الكاملة ومروة تنتظر.. لا خلاص.. نفذ صبرها وراحت لجوالها..
تتصل في قمر ولا احد يرد.. قمور علامج اختي ردي مو حرام عليج تخليني جذي... قمووووووووور...
قمر ليش ما ترد؟؟.. يا حسرة عمري بظل هني.. قمر ليش ما ترد يا جماعه؟؟.. كانت ويا خالد في السيارة؟؟.. لا يكون بس صادهم حادث.. لااااااااااااااااااااااااااااااااااااااااا
خفتوا..
تخيلو خالد طايح والدم ينزف من راسه.. وقمر محتشرة في السيارة ما تقدر تطلع.. غايبه عن الوعي.. والسياااارة معجونه من جدااااااااااام
يالله.. لالا .. لا تخافون ...ما صار شي
قمر كانت ما تقدر ترد على الجهاز لانها كانت واقفة عند البحر ويا خالد اللي غدر بها وخذاها عند الشاااطي.. مو راضي ياخذها لاختها مروة.. كانت معصببببببه على الاخر.. يقهر خالد يقهر.. اقول له اختي ويقول لي انا شكووو فيها عندها اخوان..
لكن هين.. اللي تعطيك ويه
خالد كان واقف عند باب السيارة يناظر قمر.. كانت واقفه والهوا يهب عباتها ويطير.. تبان سيقانها الحلوة.. ياويل عمري الا اخذ الحواواة الحين..
خالد:... ابي اسال.. نهايه .. قصتي وياك... ابي افهم.. نهايه.. قصتي وياااك..
قمر رافعة حاجب لخالد.. وترد بعيونها للبحر اللي قدامها.
خالد:...... قوليلي.. قوليلي.. كيف سانقذ نفسي.. من اشواقي واحزاني.. قوليلي.. قوليلي ماذا افعل فيكي (واهو حاط يدينه جنب راسه جنه عاااجز) انا في حاله ادمااااان
وقمر واقفه مكانها ولا جنها تسمعه
يلمها خالد من وراها:.... قوليلي.. قوللللللللليلي.. قولي ما الحل.. فاشواقي وصلت لحدود الهذياااااان
قمر تنتفض بين ايديه وتروح بعيد عنه
خالد: اويلاه .. ما تبيني.. يا بحر اشهد عليها.. انها لا تريدني.. بغرقج خلاص..
قمر: خالد.. تسمح اتقول لي انت صاحي ولا مينون
خالد واهو يعدل شماغه: اكيد اسمح.. مينون ليش.. عندج مانع؟
قمر: خالد مو وقتك والله مروة تنتظرنا في الصالون حرااام نخليها هناك اناواعدتها..
خالد: عندها جوال؟
قمر: أي عندها
خالد: خلاص.. ان شافتج تاخرتي بتتصل في طلال ولا خليفة ايوون ياخذونها فيري سمبل ماي دارلينغ..
يقرب صوبها واهو يغني بالانجليزي هالمرة
خالد: OVER AND OVER I DREAMED OF THIS NIGHT NOW YOU HERE BY MY SIDE YOU ARE NEXT TO ME


واهو يلم قمر اللي عودت تنتفض منه لكن قوته اهني ظهرت.. وسحقت مافيها بينه
قمر: خالد.. حياتي يا خالد.. انت علامك.. ليش صاير لي العن من العيال..
خالد: لاني احبج.. وانتي حمارة ما تفهمين
قمر: وتغلط بعد؟
خالد: أي اغلط كيفي يبا حرمتي.. يعني انتي يا سيدتي الجميلة شلووون صابرة عني 3 ايام والله انا استخفيت.. تدرين اني مارحت الدوام
قمر: انت ليش اناني.. انا ما رحت العب ولا اني رحت لاني مابيك.. انا كنت مشغوله في اغراض لولوة.. ليش انت ما تبي تفهم؟
خالد: لني مابي افهم.. مابي افهم ان في شي فيهالدنيا يقدر يشغلج ععني..لاني بصراحة اين.. واصير متوحش.. ابي اقطعج واقطع اللي يشغلج عني..
قمر قلبها كان يدق طبووول واهي بين ذراعيه..
قمر: تسمح يا روميو الخليج تفجني شوي حد لا يمر ويشوفنا..
خالد: ما يقدرووون اصلا خالد بن ظاحي لام حرمته الناس كلها تسكت وتسكر عيونها
قمر: هههههههههههههههههههههههه

خالد: اااااااااه ياني فديت هالضحكه.. قمووور.. عندي لج مفااجاه
قمر بنعومه: وش هي..
خالد: 3 تذاكر لايطاليا درجة اولى لمده 3 اسابيع..
قمر باندهاش: شنو؟؟
خالد: تزهبي حبيبتي يوم الاثنين وراااج سفر..
قمر: شنهوووووو
خالد :اينعم...
بابتسامة ابعدت كل الاندهاش عنها:.. حبيبي لازم تقول لي قبل..
خالد: ليش؟؟ عشان تبدينلي كلام الحريم (يقلد عل صوت حرمة) لا يا معود.. وراي قسال.. لا يا عيوني انا وراي عرس.. لا يعيوني من للبيت اذا رحنا..
قمر: هههههههههههههههههههههههههههههههههه
خالد: ادري انج مو جذي لكن.. انا من زمااااااااااااااااان ما سافرت وياج ..
قمر: يوم لاثنين؟
خالد : مانداي..
قمر: خله انزين يوم الثلاثاء.. بسفر جاسم ولولوة؟
خالد: لا.. انا ماثق بهاليوم يوم نحس.. والا ليش بيسمونه تيوس داي..
قمر: ههههههههههههههههههههههههههههههههههههههههههه يبراك عبد الحسين عبد الرضا
خالد: يتمناني هو اصلاأاا..
قمر:. هههههههههههههههههههههههه
خالد بحزم اللي خلاه يموت من جاذبيته: يالله حبي.. شقلتي..
قمر:... شورانا.. نسافر... نسافر يا حبيبي..
خالد: ااااااااه... اسافر عنك وتسافر معايا.. ترافقني في حلي وارتحالي
قمر: اسافر وانت ساكن بالحنايا.. وترجع وانت في عمري وحالي..
خالد: لا حياتي.. معاي.. ومعانا الوليد.. احبج قمر.. احبج..
باس خالد جبين القمر بكل نعومة وظمها لصدره.. تمنت قمر ان هاللحظه توقف.. لكن.. رجعت وفكرت.. لا تدوم هاللحظه.. لانها لحظه وحده بس.. انا وراي عمر بطووووله مع هالحبيب.. فكيف اصير متواضعة واقبل باللحظه.. لا ابد.. معاك يا حبيبي طول العمر.. جنب بجنب.. قلب بقلب.. روح وبرووووح..

مروة نرد له مسكينة..
متورطه ما تدري شتسوي.. لكن هين يا قمووور مالج الا تصفع بعمرج يالحمارة.. لكن اشكي لمنوو اكيد مينونها اللي حابسها.. اووووف انا اتصل في منو الحين؟؟ مريووم ما غيرها
لكن مريم كانت في زحمه.. والحمد لله حامله جوالها.. زفة جاسم بدت لان ماطااااع يبقى اكثر من ساعة وهو يدري ان لولوة قاعدة بصالة الانتظار..
اتصلت مروة في مريم واهي في عند باب الصالة واقفه مع مطلق اخو زوجها اللي صار صديقها من زواجها باخوه.. نظرا لطبيعتها الحبابه كل من يتقرب من قلبها الواسع الكبير..


مريم: الوووووووو
مروة: لحقيني مريوووووووم قمور الباهسه نستني هني الصالون
مريم بصوت عالي: مرووووووو انتي للحين هناك؟
ممروة: لا عيل هني وياااج.. قولي لطلال ولا خليفة ولا خليل ايوون ياخذوني.. بصيح والله بصيح
مريم: هااااا.. (ما تسمع من صوت الطق اللي على الباب.. جاسم وصل(
مروة: قولي لطلااااال او خليفة او أي حد اييياخذني..
مريم: لحظه
تكلم مطلق
مريم: مطلق روح خذ بنت عمك في الصالون محبوسه هناك..
مطلق: أي وحده..
مريم: مرووو الباهسه عفست فستانها وتاخرت عليها قمر للحين هناك روح خذها
مطلق وياته من السما حذفه خير.. ياااااني تمنيت هالشي.. اروح اخذها.. الا اطير طيرااان عشانها.. لكن هي حمارة وما بتخليني اروح لها لو عرفت اني انا ..
مطلق: بروح بس قوليلها اني طلال مو مطلق.. اخاف ما ترضى اخذها ولا شي
مريم: عليه الحجي..... يالله ياعاشق الغبرا مو قايله لها..
مطلق: اوكي..
راح مطلق بلمح البصر
مريم: مرووو.. كاهو طلال ياينج.. تزهبي زين..
مرووة: اوكي..
سكرت مريم عن مروة اللي بدت مرحلة يديده بالانتظااار.. يالله ان تاخر طلال لا يحوووس نعالي على راسه حوووس الخيول.. لكن قمووور ياويلج مني
ولحظاااات ومطلق عند مروة يدق لها هرن..
مروة حست ان هذا طلال اللي ياي ياخذها.. وتوها بتطلع الا تتصل فيها قمر..
قمر: مروووووووووووووووووو اسفه حبيبتي
مروة: مالت عليييييييييييج انتي ويه احد يطلب منج شي.. لكن الشره مو عليج على ريلج.. انا غبيه اطلب منج انتي ولا من نوفو شي انتن عبدات رياييلكن.
قمر: حرااااااااام عليج انا الحين جذي .. بس تورط مروة صدقيني تورطت
خالد يفرصها: الحين انا ورطه.. هين لج ساكتن عنج
مروة: اسمع ورطتج.. خلج ربي يهنيج بها.. انا ياني طلال الحين رايحتله.. يالله سرعي جاسم يزفونه الحين
قمر: اوكيه اشوفج هناااااك..
سكرت قمر عن مروة واهي تواجع خالد: لا تفرصني ماحب جم مرة اقوللك
خالد يهد السكان: تامريني؟؟ هاج زين؟
ويقرصها
قمر: آآآي حرام عليك والله انت شنو؟
خالد: بعد حرام علي.. هاتي يدج اليوم علي الحرام لا شوها لج..
قمر تتكور في زاويه المقعد: خالد يلله يوووووز حرام عليك.. شوي شوي علي تراني اتعب
خالد: وااااااي ماقدر على التعب.. تعالي اباريج.. هاي الحجي اللي تبينه حريمتج لكن.. انا مورطج ها.. لكن هين يا قمووووور هاااذي لحيتي (يمسك ذقنه) ان ما خليتج تتادبين
قمر تحول بعيونها وتطلع لسانها لخالد وهو يتوعد
خالد: معليه الكورة بقولج اليوم.. لكن باجر .. او الليله منو اللي بيحميييج مني..
قمر ماااااااااااتت من الحيا وتصمنت مكانها:.. صج ... باذبحك انا.. على هالكلام
خالد: ههههههههههههههههههههههههههههههههههههههه تستحي اويلي من المستحىىىىىىى

مروة وهي تركب السيارة.. ماشوف شي ياربي شنو هذا.. لادوس بس على الفستان واشقه مثل مساعة خلني اعديها على خير.. ولا لاحظت اللي يسوق يوم دخلت..
واهي ترفع الغشا: لكن قمووور البايخة بتشوف مني.. طلال يالله سوق لا.......
رفعت الغشوة وواحد مثل الاهبل قاعد يطالعها ومستانس بالتمنظر فيها..
منوووووووووووووووووووووو؟؟؟ بس اكيد عرفتوووووووووه.. ما يحتااااج بعد ..


الجزء ال 28 (3)
--------------------------------------
زوااااج جاسم...
-------------------------------
مروة:.. انت.... انت....انت..
مطلق: أي... انا .. انا .. انا...
مروة تغطي راسها زين عن لا يظهر شعرها:... منو يابك انت؟
مطلق:... السيارة..
مروة بارتباك:.. مريم قالت طلال.
مطلق: انا للي كنت مع مريم.. وانا اللي قلت لها تقول طلال... فرصة وياتني من رب العالمين... اني اشوفج.. وحشتيني يالغلا
مروة:... هي انت.. انا اعرف سوالفك زين ما زين..
مطلق واهو يشغل السيارة وساقها.. وبنظرة جانبيه لمروة اللي كانت مرتعده:.. شنو سوالفي؟
مروة:.. ايه.. مانسيت لك اخر مرة... وبعدين اوقف.. اوقف بقعد ورى... مايصير اقعد جدام
مطلق: ليش ان شالله.. خدامج ولا سواقج..
مروة:... مو شغلي..وقف السيارة بسرعة.
وقفها مطلق على جنب الطريج وهو ضايج.. هذي شنو فيها.. وانا للي كنت اظن انها بتفرح بشوفني..
توها مروة بتطلع من الباب عشان تروووح ورى..
مطلق: .. لحظه بس... دقيقه .. ابي اقوللج شي وانتي على كيفج.. تروحين ورى ولا تتمين هني.. يمي..
مروة ماقدرت تلف وتشوف ويهه.. لان الابتسامة شاقه حلجها من فرط الاناسة.. وظلت ماعطتنه ظهرها..
مطلق:... احبج...

مروة ما التفتت.. سكرت عيونها وقلبها يعدي عدوو الخيووول..
مطلق:.. مروة.. ردي علي
مروة تمت ساكتة..
مطلق: حرام عليج.. انا جم مرة قلت لج احبج وانتي مو طايعة تردين.. ردي وردي لي حياتي وياااج
مروة:.. مو..... مو رادة عليك...لان..(تلتفت له ) انت تعرف....


مطلق:... اعرف.. اعرف؟؟ (ييرجع راسه ورى) ماعرف شي..ما عرف شي يا مروة من عرفتج.. ماعرف الا اني ابيج.. ابيج يا مروة رحميني ووافقي
مروة: واللي يبي الوحده ويبيها يوافق.. يطلبها جذي؟؟ ماكو اصول.. ماكو عادات... ماكو تقاليد؟
مطلق:.... عطيني البشارة؟
مروة تبتسم له:.... مبشر بالخير.. يا ولد عمي..
مطلق:.. مالج رجعة.. ان طلبتج... خلاااااص.. مالج امااان مني .. لج وانتي لي..
مروة: .. ابشر..
ممطلق ابتسم لكن مروة ما خلته وراااحت تقعد ورى..
مطلق: شكوووو
مروة:... يالله سرع جاسم يزفونه الحين.. مابي افوت..
مطلق يبتسم واهوو ميت من هالغروووور اللي فيها... اااخ حتى غرورها صرت ميتن عليه.. احبها.. احبها
وشغل لها في السيارة اغنيه عبد الكريم عبد القادر.. (المكان الخالي(
مروة كانت طايرة من الفرحة.. بس كلام مطلق مو معناته ان الشي راح يتحقق.. اهي ما راح تعطيه ولا ادنى فرصة صوبها.. اهي تحبه.. لكن كرامتها وعزة نفسها ... اعلى من هذا كله..
وصلت مروة للصالة مع قمر.. عطتها نظرة وقمر لحقتها.. لكن خالد صوت عليها
قمر: لبيه حبيبي
خالد:... احبج..
قمر: هههههههههه فديت عمرك.. هم انا احبك..
خالد: لا تطولين بالعرس.. جاسم ما بيطول وانتي بعد اول ما تحسين ان الشي بيخلص تصلي فيني باخذج
قمر: ببات في بيت يدي
خالد:... أي بلى.. شفتي السما.. نجومها اقرب لج من بيت يدي.. يالله عطيني مقفاااج
قمر: ههههههههههههههههههههههههههههههههههههههههههههههههه
راحت قمر عن خالد ودخلت الصالة بسرعة .. راحت للغرفة اللي فيها لولووة
شافتها لولوة وتنهدت.. : ويييييييييينج قمر
قمر: كاني هني كاني.. مسامحه بس تورطت..
مريم: لو ما ييتي جان ما بتطلع.. جاسم كاهو على الباب بروح اشوفه
لولوة: وين بتروحين خلج وياي كله رياييل هناك
مريم: أي رياييل.. كلهم بن ظاحي فديت عمرررررررررررهم.. يالله اخليكن..
قمر توكت على الارضت مقابل لولوة اللي بدت تتوتر: هدي اعصابج ما صار شي..
لولوة: قمر وايد متوترة.. مادري شفيني.. احس اني بطيح ولا بتعرقل.. ماقدر صراحة ماقدر اطلع
قمر: هاو.. علامج انتي توج مستانسه ليش انج اجتمعتي ويا جاسم الحين ما تقدرين؟
لولوة تضحك: ههههههههههههههه احس اني هستيريه.. ياترى شكلي اوكي..
قمر بهباله: لا والله تصدقين.. احس مكياجج مو اوكي.. ياختي عرووووووووس شلون ما يطلع شكلج اوكية.. يالله بسرعة عن الكلام الزايد ويالله..
توها واقفه لولوة الا بدخله امها وام خليل وام خليفة.
ام زايد تلم بنتها: مبروووووووووك عليج يا بنتي
لولوة: الله يبارك فيج يمه.. يمه بموووت خايفة
ام خليل: كلنا خفنا بليله العرس.. لكن ماعليج.. ان سوالج شي هالمقرووود انا عندج اتصلي فيني أي وقت..
لولوة: الله لا يحرمني منكن خالتي
الا وتطلع مروة: يالله خلاص جاسم استصرع علينا طلعوها
جاسم: وينها .. يالله طلعوها لا بالعقال الحين؟
مطلق وسعود: ههههههههههههههههههههههههههههههههههه
خالد يوصل: مررررررررررررررررحبا..
جاسم: تف عليك لكن انت مو ريال اوريك يالخريش..
خالد: اوف اوف اوف.. وينه خليل عني خبري به هو الخريش.. يالله جب ويا خدودك يازعم معرس..
جاسم: قول لهم يطلعونها لا والله انا ارووح اطلعها
خليل: انا اول مرة بحياتي اشوف معرس مرتبش كثرك.. صل على النبي لا تجيسك عييييين
جاسم: اعوذ بالله من بليس.... خالد.. روح هاتها لا والله اصيييح الحين
خالد: ماقدر على الحب.. يالله اربع كاهي طلعت..
طلال ياشر على الفرقه باغنيه الزفه:: راشد الماجد.. البدر::

كانت لولوة تمشي وعليها هااااااااالة من البياض والنوووور.. تمشي بكل هدوء وجميلات عايله البن ظاااحي يحايطنها مثل الفراشات كل وحده بجمالها الخااص ورونقها المتفرد..
اما جاسم فعيونه كانت معلقه بعيونها.. عيون الظبي.. عيون الغزلان.. اللي تولد الحياه في قلب أي كائن حي.. كانت تمشي بخطوات محسوبة في قلب جاسم.. عيونها بعيونه. وقلبها يكلمة
قلب لولوة:.. حبيبي.. فرحان؟
جاسم: الا مو مصدق
لولوة: انا بعد.. يا ترى.. حلم ولا علم؟
جاسم بعيونه: اققربي اكثر.. خليني المسج.. عشان اعرف.. ان كان حلم ولا علم..
لولوة:.. احبك جاسم
جاسم:. . اموت فيج..
واخيرررررررررررا..
وصلت لولوة لجاسم وقلبها يدق مليون دقه في الساعة.. عيونها تبرق والابتسامة تشعشع من تحت الطرحه الشيفون.. كانت تبان ملااااك بعيون جاسم وهو الثاني عيونه تبرق بريق الفرحة لكن الابتسامة ماكانت من ملامحه.. كان شبه الغير مصدق.. اللي يشوفه يقول.. هذا مو معرس..
الدق والطبول كانت على الاخر.. لكن لا جاسم ولا لولوة يسمعون شي غير دقه قلبوهم..
يوم جاسم مسك يد لولوة.. مسك صبع من صوابعها.. وكان العررررج ناط فيها.. ونبضات القلب داااااايخة من زود سرعتهن..
قرب ثمه من اذنها:.. هدي قلبج... ترى قلبي يسده ويزيد ..
لولوة : .. ماقدر.. ماقدر..
جاسم ابتسم لها بعيونها وخلاها مجنونته.. طارت دمعه من عيونها .. والقوم كللللله وراهم..
الضحكات منتشرة.. والابتسامات.. اليدين تنمسك.. وتنفك.. الوقت كان يمر بهدوووء رغم العفسة اللي صايرة.. اشبه بالحلم.. اشبه بالوهم والخيال.. كان الدرب للكوشة قصير.. لكن .. مر عليهم مثل السنة..
واخيرا وصلوو الكوشه على مصلي على النبي من الفرقة والطق على الاخر.. ركب جاسم الكوشه ويده بيد لولوة واهي مادتنها لها بطريقة خلت الكل يمسك روحه من هالموقف.. ما احتاجت احد يمسكها ولا شي.. كانت يد جاسم تكفيها وتسدها عن الكل.. جاسم اللي احتر فصخ البشت وخلاه على يده اليسار واليمين ماسك لولوة منها..
وقفوووا على الكوشه جدام المعازيم كلهم اللي دااااااخ المكان من صوت يبابهم.. طلال ويا ناصر وخليل وخالد مرتبشين .. والامهات فرحانات ولا عاد ام خليل اللي كانت دموعها سيلان جارف.. اكثر من عيون ام لولوة.. قمر كانت تبجي لكن تمسح دموعها.. كانت هالمناسبة اكبر من الاحتمااال.. ليش جذي فرحانين.. هل عشان جاسم.. ولا هذا كله لغلااااه وغلا للولوة..
تموا واقفين شوي يصوروون ويا العايلة والكل يبوس جاسم وخالد يوم شافه جاسم اهو اللي راح له وحظنه بقووووة خلت خالد ينهد حيله لكن فرحااااااااااااااااااااان.. لمه جاسم وسوس له باذنه
خالد:... تستااااااااهل ياخوي.. تستاااااهل
جاسم:.. الله يخليك يا خالد.. الله يخليك..
خليل جاهم وهو حامل العنود.. اللي كانت الدبل في يدها ..سحب جاسم الشريط اللي في يدها اليمين عشان دبله لولوة.. فك الرباط بسهوله وسحب الدبله.. وبحضور كبير ممتلي لبسها الدبلة.. مسك صبعها اللي حط فيه الدبلة وهو يناظره.. يالله يا رقه قلب جاسم بكى في هذي اللحظه ولمعت عيونه بدموعه.. لكن حبسهن عشان لا ينسكبن.. رفع يد لولوة وباس صبعها ببوسه حانيه.. جه وقت لولوة للي سحب رباط اللي في يد العنووووود اليسار وسحبت الدبله منه.. ومسكت صبع جاسم بحنان ولبسته الدبله.. واهي الثانيه بعد باست صبعه.. واليباب على الاخر والصووووت ما ينسمع الا بالصريخ.. العنود ازعجها الجو وبدت تبجي.. خليل اشر على مريم الي كانت واقفه يم سعووود وراحت خذت العنود منه بس ظلت العنود تبجي.. قلب نورة كان مع العنود ومن غير أي اهتمام راحت لمريم وخذت العنوود اللي من حملتها نورة حطت راسها على جتفها بدلع وسكتت بس ظلت مبرطمه.. وتمت تسمي عليها وكل هذا صار قدام خليل اللي احتااااااس .. يبي هالبنت.. يبيها يا ناس انقذووووه من هالشعور..
جاسم لبس لولوة الدبل والحين تاشر له المصورة ان لازم يرفع الشنيووول عن ويهها ويكشف الوجه الصبوحي
وكانت اللحظه اللي ينتظرها جاسم.. ومسك طرف الشنيوووول وقلبه يدق.. وكانه اول مرة يشوووف لولوة.. قلبه يضرب بعدو الخيووول على الارض.. وشوي شوي رفع الشنيول.. ويوم شافها.. غمض عيونه.. غمضها بغير تصديق.. وقربها منه وباسها بشفايفه الناعمة على جبينها بوسه خلت قلب كل عذرا ينتفض.. لولوة تقربت منه وهي ضامه يدها ليده اللي فيها الدبلة.. وكانت صورة حلوة مسكتها المصورة واهي تبتسم.. ياني فديت المعرس. (في قلب المصورة(

والحين جه وقت التصوير.. طبعا لولوى كانت لابسة نوع من الساتان اللي مايكشف ومغطيه تسريحتها به.. عشان بس عايله جاسم اللي تعرف انهم ما يقدرون ما يحظرون هاللحظات معاه لغلاه واهي ما اعترضت ولا قالت أي شي..
صور الكل معاهم.. ويوم جت لحظه قمر تصور معاهم ويا خالد.. جابو الوليد من اخر الصالة من عند ارفيجه قمر ناديه (بنت الشهيد تذكرونها) ووقف خالد معاه ولده وحرمته يم جاسم ولولوة.. بعد ما خلصت الوضعيه خذت قمر الوليد من عند خالد ولكن بس شالته حست بهبووووط في راسها.. داخت قمر وخالد من اللويه ما انتبه لها الا لما مسكت كم دشداشته بقووو.. التفت لها وهو يضحك كان يسولف ويا جاسم.. وشافها دايخه وشوي تطيح.. طب قلبه في بطنه عليها؟؟ علامها قمر.. ليش دايخه.. خالد حاول انه محد يشوفها وما ينتبه لها.. مسكها بقوته وطلعها معاه بعيد عن الزحمه لكن وين عن مريم.. هذي اللي عيونها تحرس كل من موجود.. وراحت ورى خالد واهي حامله الوليد يوم تركته قمر على الارض من الدوخه اللي حاست في راسها..
بعد ما طلع خالد عن الصاله قوت مسكته لقمر اكثر... وقلبه ميتن عليها من الخوف..
خذها خالد للغرفة اللي كانت فيها لولوة.. يا ربي.. علامها قمر.. علاامها
خالد: صبري حبيبتي .. قوي نفسج..
قمر ما ردت وكانت متشبثه بخالد ولا هي حاسه بالدنيا للي تمووج بعيونها ..
مريم الي لحقت على خالد تناديه: خالد.. خالد؟؟
التفتت لها واشر لها بس براسه .. ودخلت وراه داخل الغرفة..


خالد قعد قمر على الكرسي الطويل .. او بالاحرى بطحها نص بطحه عشان ترتاح..
خالد بخوف يمسح علىوجه قمر: حبيبي.. علامج.. شفيج دايخة جذي
قمر: .... ماقر.. ماقدر.. افتح عيوني.... احس بدوخه
مريم اللي كانت تصب الماي لقمر..: هاااج شربها الماي خالد.. سلامتج يا عيوني سلامتج يا قمر ما تشوفين شر
خالد قعد على الكرسي وسند قمر على صدره وقرب لها الماي: .. سمي بالرحمن
سمت قمر في قلبها وشربت الماي من يد حبيبها.. ما شربت شي وحاست بثمها بعيد عن القلاص.. اشارة انها ما تبي اكثر.. وتمت في حظن خالد وهو يهدي فيها ويهدي من روعها.. اللي انتبه لغياب قمر راح لهالغرفة.. خواتها طبعا..
نوفه ومروة وهن متغطيات:.. علامها قمر؟؟؟
مريم : مافيها الا العافية بس داخت شوي.. تعرفن حوسة اليوم وفوضى ويمين بشمال..
نوفه تقربت من قمر.. نوفه الوحيدة اللي كانت تعرف بحمل قمر..
وبكل عفويه: الطبيبه مانعتج من الحركة وقلت لج بيطلع لج رادي
قمر تاشر بعيونها عشان تسكت.. وما تقول.. هذي مفاجاه..
خالد من سمع الطبيبة مات:.. طبيبه؟؟؟؟ طبيبه شنو؟؟؟
نوفة فهمت ان خالد ما يعرف ان قمر حامل.. ياويلي الحين بيعرف؟
نوفه: ها.. طبيبه... طبيبه (تطالع قمر اللي كانت تبتسم لاختها مسكينة.. ما تستاهل والله.. عيون خالد تخوف الواحد ليمن يستجوبه
على صوت خالد شوي: نوفه طبيبة شنوو؟
نوفه انتفضت: .. ها.. مادري مادري. اسال مرتك.. عن اذنكم..
نوفه تجر مريم وياها.. والثانيه تسالها:.. طبيبه شنووو نوفه؟
نوفه بصوت واطي: تعالي بره اقولج..

بره الغرفة
مريم: اووووووووووووووووف تحجي لا نتفج الحين
نوفه: قمر حامل
مروة: كنت ااااااااااااااااااااااادري قلبي قال لي
مريم: شنو.. حلففففففففففففففففففففففي نويف..
نوفه بابتسامة: أي حامل .. كنت متصله فيها واهي عند الطبيبة وقالت لي ..
مريم: يالله بيينا عيييييييييييييييل صغيرووووون
مروة كانت فرحانه بعد: يمكن بنيه حبوبه صغيرونه طالعه على خالتها
مريم: مالت عليج ما نبيج.. تطلع على عمتها..
نوفه بحزن: انا متى بحمل ؟
مريم: ههههههههههههههههه دام نصور العاشق.. مشي بوزج خيتي..

فضت الغرفة من الكل الا خالد وقمر..
عدلت قمر قعدتها..
خالد: قمر طبيبة شنو؟؟ وانتي من متى تطلعين من البيت من غير ما تقوليلي..
قمر:.. هد اعصابك.. ما صار شي.. انت بس اسمعني
خالد تنرفز ووقف:... شسمعج.. انتي ليش تخبين علي؟؟ احنا ما تنفقنا ان كل شي يصير بينا ينقال للثاني..
قمر لفت بويهها عن خالد.. شاقول لك.. انت مو ماعطني فرصة
خالد تقرب منها .. : شفيج ما تردين؟؟ مو عاجبج كلامي..
قمر: خالد.. علامك انت الحين.. انت خليتني اقول لك شي عشان تتهجم علي جذي..
خالد كانت متوكل على ركبه وحده.. ووقف بسرعة.. : قمر شتهجم عليج.. انتي اللي تقهريني صراحة.. انتي متى رحتي للطبيبة؟
قمر: قبل يومين..
خالد: وليش ما قلتي لي
قمر: بغيتها مفاجاه
خالد مافهم: مفاجاه؟؟ تشكين من عله ومفاجاه.. شهالمفاجاه ؟
قمر وقفت وراحت لخالد بسرعه لدرجه انها خلته يتراجع ويتراجع ليمن قعد على الكرسي المنفرد..
وبنظرة تحذير وصبعها في ويه خالد: شوف عاد.. انت مصختها وعطيك ويه زياده عن اللزوم.. انثبر مكانك واسكت.. ان تكلمت لا فلعك بهالمزهرية..
خالد فاج عيونه من الدهشه وتو ه بيتكلم:.. ان
قمر: اوش
خالد: يابنت
قمر: اوش اوش
خالد: طيب خلي
قمر: اوووووووووووووووووووووووش.. مابي اسمع صوتك
خالد: زي
قمر: اوووو
خالد تكتف وعقد حياته وسكت عنها.. احتر زود وفصخ الشماغ ورماه بعيد.. قمر انتظرت ليمن يهدى المكان.. وكانت عاقدة ذراعينها .. وتناظر خالد من طرف عيونها..
قمر:.. هديت..
خالد رافع حاجب.. من تظنين نفسج انتي:.. أي
قمر:.. اقوللك ؟
خالد:.. أي قولي..
هدلت يدينها على جنبها.. وراحت عنده.. مشت ليمن وصلت مقابلته.. بهمس:.. هات يدك..
خالد مد يده لقمر.. اليد اللي كان محتشر فيها الخاتم اللي عطته اياه بيوم.. مرت عيونها عليه وابتسمت ابتسامة خفيفه لكن ملامح خالد كانت مثل ما اهي عليها.. مدت يده عندها.. وحطتها على بطنها .. خالد يناظر بطنها وفهمها ولد الاذكياء واهي طايرة..
خالد وهو فاج عيونه وشوي شوي يوقف:.... حامل
قمر تهز راسها واهي تبتسم..
خالد:... كم لج؟
قمر تاشر بصبوعها... 2
خالد: شهرين؟
قمر تهز راسها..
خالد: من شهرين وانتي تدرين
قمر تهز راسها نفي.. : من يومين..
خالد كان واقف قبالها... ويناظر عيونها .. وشوي شوي بينت صفااات ظروسه بابتسامه عريضة خبيثه وماكرة
قمر: شبلاااااااااااك؟
خالد:... الهنوف جاية
قمر: ههههههههههههههههه وانت عرفت انها بنت؟
خالد:... اكيد... الهنوف جايه..
قمر: هههههههههههه يمكن ولد
خالد: لا... الهنوف يعني الهنوووف..
قمر: مابي اسم الهنوف..
خالد: عيل شتبين؟
قمر: ابيها.. الجازي..
خالد يفكر واهو ينطق الاسم: الجازي... الجازي.. (يناظر قمر) احلى اسم... الجازي عيل.. مبروووك
قمر بحيا: الله يبارك فيك..

خالد تم يناظر قمر واهو يبتسم لها بابتسامة خبيثه خلتها تموووووووت من الحياه واهي تدفره: يووووووووووووز عني..
خالد : هههههههههههههههههههههههههههههههههههههههههههههههههه ههههههههههههههههههه
حد يطق الباب
وتظهر مريم راسها: دخلوني مت حر وانا واقفه برة انتظركم..
خالد: دخلي دخلي يالسوسه لازم موجودة بكل حفل... واكيد خبرتج السوسة الثانية اللي وراج
وفجت مريم الباب ودخلن البنيات..
كلهن: مبرووووووووووووووووك
قمر تضحك : هههههههههههههههههههه الله يبارك بعماركن...
مريم تدز جتف خالد: امداااااااك.. ما كمل السنة الوليد خانت حيلي..
قمر انحرجت.. مريم دومها تحرج قمر وتتمتع بهالشي.. سادية مجرمة..
خالد: مالج دخل انتي عيب عليج تخربين البنات اللي يقرون القصه
مريم: ويدييييه ماحد يخرب الدنيا بكبرها خاربه.. صح يا قارئات؟؟؟ هههههههههههههه
قمر: سكتن عنهن.. الحين يبن يقرن القصه بهدوووء..
مريم: يالله عيل خلونا نروح لجاسم ان وايق وما شاف احد ياويلكم..
خالد: يالله عيل انا سابقكم..
مريم: وين وين ..طلعو الرياييل..
خالد: يالله عيل قمر نروح البيت
مروة: شعندك انت هاب لنا مو كفاية مساعة ورطتني في الصالون
خالد: مالج دخل انتي.. قمر..
قمر: هاا
خالد: تيين معاي..
قمر بابتسامة عذبه: صبر بس شوي وانا يايتك..
مريم: طاع هذي.. هي انتي تخلين لولوة لحالها
قمر واهي ولا تسمع شي.. : بروح اخذ الوليد
خالد: زين


نوفه: لااااااااا خليه وياي.. ابيه ينام عندي الليلة
قمر: لا مايصير..
مروة: ياله قمور تعرفينه زين متعود علينا.. خليه عاد
قمر: خالد؟
خالد بهمس: يكون احسن بعد..
مروة : هههههههههههههههههههههههههههههههههههههههههههههههههه ههه
قمر انحرجت وقبل لا تطلع ضربت خالد على يده
نوفه اللي وايد مستانسه على الجو وماخذه على خالد: تصدق عاد.. كلام عمي صار منطقي بالنسبة لي.. انت لايق لقمر وقمر لايقتن لك.. الله يسعدكم
خالد: لا يا شيخة.. عيدي بس..
نوفة انحرجت: .. شنو؟
مروة: ههههههههههههههههههههه
مريم: فديتها والله الطيبه ههههههههههههههههههههههههههههههههههههههههه
خالد ضحك علىنوفة اللي انحرجت من قلب وطلع عنهن .. راح للسيارة وقبل لا يطلع .. سمع حد يناديه
: خالد.. خالد..
التفتت خالد وشاف حرمه متغشيه.. يت عنده وهو مبتعد عنها شوي وصااخ
رفعت شيماء غشوتها وفج خالد عيونه: شيماء؟؟؟
شيماء بابتسام: غريبة اني اكون هنا موو؟؟؟ بس قمر اللي عزمتني..؟؟
خالد زادت دهشته: قمر؟؟؟؟
شيماء:.. انا اليوم شفتها في الصالون.. كلمتها.. كان لازم اقول لها اللي كان في خاطر ندى.. قبل لا تموت... كان لازم اريح ندى.. وقمر تفهمت هالشي.. خالد.. انا اهنيك على قمر.. واتمنى من كل قلبي انك تحافظ عليها لانها جوهرة ما راح تلقى مثلها..
خالد: ما يحتاج تقولين يا شيماء.. انا عارف قيمتها .. وحافظها..
شيماء:.. خالد.. انا اسفة
خالد: ماله داعي للاسف.. اللي فات.. مات.. ويالله عسى هاللقاء ايكووون عهد صداقه جديد بيننا..
شيماء: ولو اني ماحبيتك ابد
خالد: عيني عينج ههههههههههههههههههههههههههه معليه حلو بارد منج
شيماء: يالله اخليك.. وبارك لعمك عني..
خالد: يبلغ...
راحت شيماء عن خالد وهو يفكر.. شيماء وصلت لقمر.. ومادري شنو صار بينهن.. لكن قمر ليش ما خبرتني.. يمكن لنها ما تبيني اتحسس من الموضوع.. ثره مو هينه مرتي عليها حركات؟؟ اسالها؟؟ لا خلها .. دامها حلت المشكلة والا شيمائوو من متى تمدح احد غير.. غيرج يا ندى..
وقف خالد يناظر السما والنجوم كيف تلمع فيها.. كانت ندى دايما تقوله معتقد .. هو شوي خيالي ومو حقيقي لكن شاعري.. ان كل روح تغادر هالدنيا تصير نجمه.. تبرق بالليل.. ويوم خالد وايق النجوم.. شاف نجمه لمعت بس ناظرها.. حس انها ندى. ابتسم وترحم عليها.. الا وصوت وراه
قمر:.. تناظر النجوم ولا شيختهم القمر؟
التفتت لها خالد بابتسامة كلها كبرياء:.. انا عندي قمر الدنيا كله وش لي بقمر السما
قمر بدلع تمشي واهي حامله الوليد: .. يمكن.. حاست عينك للطرف؟؟؟
خالد: .. قمر؟
قمر: امممم
خالد:.. جبي لو سمحتي..
قمر: ههههههههههههههههههههههههههههههههه



الجزء الاخيــــــــــر
الدفعة الأولى
-

بعد ما راح خالد ويا مرته وين ما راح جاسم ظل ويا لولوة في العرس.. لكن مسرع ماطلع هذا لثاني ويا حرمته.. محد منعه ولا وقفه بالعكس مشووو وياه لبره وركبت لولوة معاه السيارة اللي ساقها طلال.. (شوفير المعاريس) لكن طلال كان مختفي وينتظرونه يجيهم.. وينه طلال؟؟
طلال:.. حياتي وحشتيني حرام عليج عاد فجي الغشوة
شيخه: حريييييييييييمتك يالله روح كاهو جاسم مشعلل عليك
طلال: كيفه عاد لاني بشوفير ابوه
عظ على لسانه طلال
شيخه: قليل ادب تدري لسانك هذا بقصه
طلال: وبعدين شلون اناديج بالاشارة ..( وياشر بابهه يازعم شيخه(
شيخه: ههههههههههههههههههههه ويلي على خبالك ماقدر..
طلال: عطيني اموااااااااااه
شيخه بعصبيه: قوم اذلف انت وايد تطالع مسلسلات
طلال: والله لا تزوجج يا شيووووخ واخليج عبده
شيخه: ارجوك خرعتني ما قدر على التهديد..
طلال: هههههههههههههههههههههههههههه
شيخه: والله فاضحنه بين الناس انت.. الحين لو يشوفونه شيقولون؟؟ مو عيب عليك لا اقرب لك ولا تقرب لي وهاتي امواه مالت عليك؟
طلال: عاد كيفه اللي بيتكلم ما له الا لبكس السنافي يعدل حوس براطمه.. يالله شيخه.. انا بروح الحين.. تامريني الغلا؟
شيخه: اسم الله على روحك سلامه راسك يالغالي..
طلال: اااخ .. واقول انا وش مصبرني مصبرتني هالكم رميه اللي مثل العسل..
شيخه: هههههههههههههههههههههههههههههههه فديت عمري انا اموت موو؟
طلال: الا ذباحة.. ياله عمري بخاطرج
شيخه: الله يطيب خاطرك..
راح طلال لجاسم اللي كان واقف وشكلهم كان ينكت لان جاسم تهاوش ويا طلال وياشر وطلال يركض بعيد عنه لمكان السايق.. وقبل لا يدخل طير بوسه في الهوا لشيخه اللي ضحكت يوم شافته وتلقفت البوسه وفرتها على راسها.. وراح طلال عنها واهي واقفه مكانها..
نورة: فديت الحب واللي يحبون
شيخه لتفتت لها واهي تبتسم وبدلع: علامج اتفدين فيه مايتفدونه هذا بس لي انا
نورة: ههههههههههههههه يا شيخه بس اركدي.. اقول شيوخ
شيخه: هاا
نورة: شكلج مرة يضحك
شيخه بخوف: ليش؟
نورة: هههههههههههههههههههههههههههههههههههههه جنج محاح بيض ****
شيخه: اقول قلبي ويهج لا اييج طراق سنوعي يعدل يبهتج هههههههههه يازعم دينا حايك..
نورة: احسن عن ويهج يالنحسه..يالله خلينا نروح ننام تعبانه موووووت
شيخة: ااااااااااه انا وين اييني نووم لليلة. خلينا نروح بيت سبع بن ظاحي
نورة: حراام لا نخرب على جاسم اكيد يبي يقعد ويا لولوة على راحته..
شيخة: شنو على راحته؟؟ انتي مينونه جدامه العمر كله شيبي فيها عاد عاد عاد قولي لمريم عشان نروووح وياها
نورة: يمكن بتروح ويا ريلها؟
شيخه : اووووووووووووووووف اخوووج العاشق الولهان وينه؟؟ اكيد ويا الدبه مرت اخوووج
نورة: اوووص كاهي سيارته خلينا نطل عليها؟
شيخه: اوكيييي
نورة بحركات هي ويا شيخه اون يمشن من غير ما يظهر صوت لكن الكعب وين طراق طراق ويا كل نقزة.. راحن السيارة ونزلت نورة وشيخه وكل وحده راحت جهه شيخه جهت ناصر ونورة جهه نوفه.. تضحك نورة على هالخبال لكن ما تدري حست انها من زماااان ما استهبلت واشتاقت لهالحركات ويا شيخوووو..
ناصر ونوفه كانو في السيارة وجووو عجيب بينهم..
ومرة وحده تظهر شيخه واهي تضرب على الجامه خلت ناصر يفزع مكانه وبعدها نورة ضوب نوفة اللي انتفضت هي الثانيه.. ويوم انتبه ناصر شافها شيخوووو..
ناصر طلع لها من السيارة واهني طافت من السيارة: ههههههههههههه
ناصر: تعالي يالزفته انتي واختج
نورة : هههههههههههههههه شيخووووو روحي روحي لمريم
ناصر: تعالن يالجلبات لاوريكن سنع الله الحين.. شيووووخ
وكانت مريم هناااك واقفه
وربعت شيخه عندها.. واهي تضحك..
مريم: ويلي شفيييييييج منفدعه من الضحك؟؟
ونورة تربع عندها هي الثانيه وبعد تضحك
مريم: علاااااااامكن..
نورة: ياويلي..هههههههههههه ماقدر اتنفس... ههههههههههههههههههههههههههههههه اما خرعنااااااه
شيخه: هههههههههههههههههههههه شفتي ويه نوفووو..
نوورة اهي يمي هههههههههههههههه البطه
وصل لهن ناصر ويوم شافهن عند نورة وقف مكانه..
ناصر: سخيفات
شيخه تطلع له لسانه: اممممممممممممممممممممممم
ناصر بعصبيه: هذي حركات بالله عليج انتي واختج الهبله الرقله الدفششششة
نورة : هههههههههههههههههههههههه نتغشمر وياك علامك ما تتحمل غشمرة


ناصر: غشمرة تطيحن قلبي في بطني ومو بس انا حتى نوفة
مريم: ليش شمسويات سودات الويه؟
ناصر: واقفات عند دريشه السيارة ومرة وحده البقرة شيخه تنط والثانيه الزراقه تنط..
مريم: ماشاء الله ميمع لك حديقه حيوان.. وانتن ما تستحن يعني؟
نورة واهي ما تقدر تتنفس منا لضحك. هههههههههههههههههه ماقدر.. ايود روحي هههههههههههههه أي بطني
شيخه تلوي على مريم اكثر: هههههههههههههههههه سوري ناصر بس والله ربشه والله اسفيييييييييييييين
وتييييهم نوفه: تف عليكن لكن روعتووووووني يعلكن
نورة: هههههههههههههههههههههههههههههههههههه ماي ورد ماي ورد
شيخه راحت تحظن نوفه: فديت مرررررررررت اخوي والله سوري نوفه
نوفه : قومي عني لا بارك الله في هنديتج تاذيج وتعور راسج..
شيخه: هههههههههههه خلصووو مالقيتي الا الخدامه
نوفه: حمارات لكن انتي نورووووووووووووووووووووووو معليه اوريييج
نورة اللي سانده روحها على السيارة .. : هههههههههههههه ماقدر بس خلاص لاحد يكلمني
مريم: الحمد لله والشكر ناس فاضيه ياللله نرووووح ورى سيارة جاسم
ناصر: يالله نوفه لا نتاخر..
راحت نوفه ويا ناصر وشيخه تناديها: ساااااااااااامحيني يا الحووووولة نوفه
التفتت لها نوفه وسوت لها مالت عليج وراحت.. وشيخه تضحك مكانها
مريم: اوهوووووووو شيوووخ ياله انتي ونووورة دخلن السيارة
نورة: ويا من بتروحين
مريم: كاهو خليل واقف ما تشوفينه نعنبووووووو جنه طوووف
التفتت نورة لان خليل كان واقف ينتظرها تقوم عشان يبطل باب السيارة.. وانتفضت مكانها وراحت ورى مريم.. ياااااااااااي منظرها كان يفضح.. قاعده فوووق السيارة من قدام واهي رافعه ريلها جنها مو صاحيه.. ما كانت تدري ان خليل هناك... وراحت مباشرة وتخبت ورى مريم..
مريم: ويلي .. الحين استحيتي.. من مساعه رابعة فووووق البانه والحين استحيتي.. ماقدر على بنات المصباح حركااااااات..
نورة: بس عاد مادري..
شيخه : ههههههههههههههههههههههههههههههههههههههه هههههههههههههههه واهي تسد حلجها عشان لا يسمعون ضحكتهم
طبعا خليل من قامت نورة راح داخل السيارة وهووو مو قادر يضبط نفسه.. منظرها كان يضحك بشكل ويوم شافتني انصدمت واطفرت مكانها .. ههههههههههه فديتها والله.. فيها حركات خبله بعد .. وانا اللي عبالي دومها عاجل.. فديت عمرها والله..
مريم: يالله ادخلن ولا كلمة ثانية ونامن وياي في البيت بعد
شيخه: لالا مافينا بنروح ويا مرييييييييوي الا وينها مروة؟
مريم: من زمان راحت ويا امي وخالتي.. يالله بسرعة نروح من زمان وصول البيت
نورة: شعبالج درب دقيقه..
الا ويضرب خليل ديم فول( مادري شسمونه بالعامي يعني يضوي الليت بطريقه قويه(
مريم: يالله خليل بيصفعنا يالله دخلن
وركبن البنات السيارة وبهدوء مشى خليل بعيد عن الصالة.. وايق في المنظرة الي قدام عشان يشوف نورة ما ميزها عن شيخه لانهن متغشيات.. بس مادري حس انها وايد قريبه منه.. اكيد اهي اللي قاعدة ورااي... وابتسم بينه وبين نفسه وكمل دربه
مسيرة المعاريس كان متعزمنها خالد ووراها سيارة جاسم يسوقها خالد .. مطلق وياه اخته صبحه وامه وسعووووود
وبعدها سيارة ناصر ونوفه وام ناصر ومن بعدهم خليل اللي لحقهم وكروزر ابراهيم بن ظاحي يسوقه سعد.. ومعاهم ام خليل وام خليفة ومروة..
كانت المسيرة شيوخيه سيايير اخر موديل وكلهنننننن كشيخات خلت كل من يمر بالشارع يلتفت يشوف هالسيارات.. كلها مخفي وسووود وما فيها الا الليتات منورة الشارع..
طلال الخبل كل ساعة يسوي حركه لخالد يانه بيتجاوزه وخالد يضحك.. طبعا ما شافه لكن ضحك على حركاته
قمر: حاسب عاد عن الخبال انت وياه
خالد يطالعها بنظرة تحرق الواحد من الحيا وما تكمل
قمر بعد فترة: شوي شوي.. وتعال قصر على المكيف بردانه ومابي الوليد يمرض..
خالد سكت.. طوفه هبيطه هني مو رجال..
قمر : خالد خفف شفيك (عاد انها عصبيه الحين) اقوللك خفف تزيد السرعة يالله خفف
خالد يطالعها بنظرة كلش عادية: .. لا افا عليج الشيخه.. نعالج طربقيه على راسي.. يالله مافي حيا يالله السموحه منج الشيخه ما كان قصدنا.. فدوة حنا لراسج..
قمر بحيا: ماكان قصدي.. بس.. تعرف اني ماحب السرعة
خالد: وانا مو مسرع بس الوقت ليل واخوووج الرقيل اهو اللي مينني يعني تكلمي له مو لي
قمر: انت ششفيك الحين؟؟ انا شقلت لك
خالد بملل: جااااااب لا الحين احذفج بره الطريج.. ولا شرايك وليد.. تبي حريم بالسيارة
الدب الابيض كان نااااااايم وخالد يوم شافه مسك قلبه: شوفي شوفي نايم.. وااااااااي ماقدر على ولدي.. حرام عليج شوفي رقبته شلون مدلوعه
قمر بحاجب مرفووع: مادري من ابووه
خالد: انا مانام جذي
قمر: لاااا.. ياما تمد ايدينك على عرض السرير وانت فاتح ثمك ورقبتك مندلعه.. جنك الا منصلب
خالد: انا انام جذي؟؟؟؟
قمر تمت تتذكر بهذاك اليوم شكله.. وطفست من الضحك
خالد فرصها: قموووووووووووووووووور خلج زينه وياي لا ذبحج اليووووووووووم..
قمر: اااااااااااااااي خالد والله ماااااااااااااحب..
ووصلت الزفة لببيت سبع بن ظاحي في وقت الفجر.. ولكن شنووو كان الوقت عندهم توه بادي.. ودخلت العوايل كلها في البيت.. واحتفلووو ببساطه والبنات راحن ويا لولوة دارها اللي بدلت ثيابها هناك ومسحت الميك اب والرياييل كانو قاعدين تحت وجاسم متحقرص
بو خليل :جاااسم عيب عليك ما كفاك اللي سويته من اول ما خطبت البنت للحين؟