قصيده ... اتمنى تنال اعجابكم

إقتباس   اقتباس من مشاركة بنت البادية يسلمو على النقل الجميل ... قصيدة فعلا جميلة .. مرت علي في منتديات التداوي الشعبية ...كانت لعضو شاعر اسمه جميل ابن زريع ماعرف اذا اسمه الحقيقي والا مجرد نك نيم .. واذا ممكن وتسمحوا لي أحب أنزلها كاملة . .................................................. ......................................... ]غريبه يامعاندني , تجي واتقول جاك امناك = تجي يومين ثم تبعد , وقصدك بس تذبحني غريبه كل هالعالم , تلـفّـه لف في يمناك = ولا لك بين كل الناس , غيري وانت خابرني تعوّذ من بليس وهاك , دام القلب , راضي هاك = ( عراق ) القلب واسكن ( دجلته ) , واحتل واشربني أنا والله لولا الله , وخوفه قلت لجل ارضاك = وحبّـك جيت في الدنيا , ومِنك الله خالقني أنا ( قارون ) برموووشك , وانا ( فرعونها ) لولاك = انا المذنب , وانا المؤمن , بشوقك وانت تكفُرني أنا يجتاحني رجفه , لو اسمع بس , وقع اخطاك = اجل وش عاد لو شفتك ؟؟ , حشا , والله تموتني أنا لو سلهمت عينك , بعيني , قلت لك ( نفداك ) = أنا داخل بوجه الله , ووجهك لا تضيّعني انا من وين ماوجهت وجهي , في الوجيه ألقاك = أحس انك تبعثرني , ولا ادري كيف تجمعني أجي لك شرق يسرقني , جنوبك , وانسحب منّــاك = وأجي لك غرب يسرقني , غروبك وانت تشرقني أحس انّـك معي دايم , واتوه بعالمك واحياك = وافوق احيان واتسائل , لك الله كيف سخّـرني ؟؟ تفاخر ( لعنبوا غيرك ) , ترى غيرك , يموت اهناك = وربي ينتظر كلمه , وأصد وهو يكلمني ومادام الله عطا لك شي , فاشكر واغتنم ماجاك = ومادام اتشوفني ساكن , نصيحه لاتحرّكني أنا لو قلت لك بانسى , ورب البيت , صدق انساك = لذا : , لو شفتني بانسى , فانا طالبك تمنعني واذا قررت تمنعني , وشفت ان القرار أعياك = ما بيك اتقول وش تبغى , ترى والله تضايقني انـَــ أبغى ؟؟ , قول وش ما ابغى !!, على بعضك كذا أبغاك = ولعيونك , باخرّبها , واذا مجنون قيّدني أنا ابغى كل مايطري , عليك اسمي يهز اقصاك = وابيك ان شفتني مذنب , بحبك توب واغفرني أبيه ايصير في عيني , منامك والرموش اغطاك = وأبيه ايصير في عينك , منامي وانت تسهرني أبي حبّـك , وأبي قربك , وأبي ( لبـّيـــــــــــــــه ) يالبّـاك = أبي ضمّـك , وأبي شمّـك , وأبي لو طلت تجرحني أبيك ان قالوا الشاعر , تقوم اتفز دون ادراك = أبيك اتحس بي دايم , أنا اقصد وانت تسمعني وانا شاعر مادام انّـك , من الغاوين بس أهواك = تقول آقول مالا افعل ؟؟ , بسيطه , بس جرّبني وقل مجنون لا يسمع , ولا يفقه , وانا اتحدّاك = ايلا منّي نويت انسى , باشوف اشلون تمنعني !![/size]

بارك الله في يا روحــmـي على الموضوع
بس اريد اعرف هذا الشعر لك ام منقل
ولكن مهما كان اشكرك

السموحه على الغياب واشكر الجميع على مروركم الحلو بصراحه القصيده هذي سمعتها من لسان شخص كثير اعزه وكتبتها للمنتدى عشان تكون لي اول مشاركه وما اعرف من صاحب هالقصيده بس كلماتها شدتني كثير