سيتم إلغاء كافة المشاركات في مواضيع الألعاب

طبعا العنوان يشد
والمكتوب مبين من عنوانه , والموضوع يشد مثل العنوان
المهم..
إذا كنت تحب المنتدى كمل قراية الموضوع !!!!!


ليش كل ما جات النشرة الشهرية حق مواضيع المنتدى الأكثر زيارة ما نلقى غير الألعاب


وليش كل ما حط أحد موضوع عبارة عن لعبة تلقى الردود في اليوم الثاني وصلت لـ 107 مشاركة

واليوم الثالث توصل المشاركات 212.................. أما بعد اسبوع تلقى الردود وصلت لـ 1211 رد



وإذا حطينا موضوع مهم في قضايا المجتمع او غيرها وكان يحتاج للنقاش نلقى اليوم الاول رد واحد بس وهو مشكور وماقصرت , وفي اليوم الثاني النت يعلق وأصر على فتح الموقع وأسوي إعادة تشغيل مرة ومرتين وثلاث وفي الأخير ما ألقى ولا رد

وبعد كم يوم ألقى ردود دوبلوماسية مو على الموضوع بل على مشاركتي الي تلي الموضوع ونصها ) ما عجبكم الموضوع ولا أيش ليش مافي ردود )

ليييييييييييييييش ها؟
ليش كذا ؟

لهالدرجة صار النكوص النفسي متفشي فينا مثل الزكام ؟
تدرون وشهو النكوص ؟
هو مرض يصيب صميم الشخصية ويؤخرها ويعود بها إلى الخلف حتى تصل إلى مرحلة عمرية مبكرة >>>>> اختكم في الله طالبة علم نفس وفرحانة بنفسها أحم أحم :www.almakan.net15: :www.almakan.net15:




المهم ..
صرنا ندور على الألعاب ونشارك فيها في اليوم الواحد من ست إلى سبع مرات في كل لعبة

تصدقون غبت عن المنتدى اسبوع >> أو كم يوم مدري بالضبط

وقعدت أطالع عدد مشاركات بعض الأعضاء ولقيتها وصلت لـ 600 مع ان قبل اسبوع كانت عدد مشاركاتهم مثلي

مع العلم اني مو قاعدة أسفــّه المشاركات في الألعاب بل على العكس هي ضرورية مثل باقي المواضيع لكن عتبي كله على الاهتمام الزائد بها دون الاكتراث بباقي المواضيع


والحين كل واحد قرا الموضوع يجاوبني بصراحة
1- ايش السبب اللي يخلي معظم الاعضاء يلتموا على الالعاب دون غيرها ؟
2- إذ حذفت كل مشاركاتك في قسم الالعاب كم راح يصير عدد مشاركاتك ؟ أي كم النسبة التقريبية لمشاركاتك في الالعاب وكم النسبة لمشاركاتك في مواضيع اخرى ( مع حذف كل المشاركات التي تحوي كلمة مشكور وما قصرت )


وابيكم تعذروني على اللهجة العامية لأني من زماااااااااااااااااااااااااااااااان ما اكتب بالفصحى.

انا اتفق معاك تماما فيما طرحت

انا هنا سوف اضرب مثل ..... اختي احب الدنيا ان جلست ارد على موضوع في منتدى السياسه حول سؤال لكاتب الموضوع واخذت وقت طويل في الكتابة بعد قراءة استمرت ايام في الموضوع واستنادا الى خبرتي ودراستي وكتبت الموضوع بكل حيادية وطلبت من بعض الاعضاء التعقيب والرد

جلست اسبوعين ولا واحد رد وحتى صاحب الموضوع يدخل ويخرج ولاكنه كاتب شي هناك او سأل احد او حتى يقول شكرا وتكتشفين ان الموضوع او السؤال الذي كتبه اكبر من عقليته .... وقيسي بقية المواضيع على هذا المنوال ....... باستثناء بعضها وبعض الكتاب



بعضهم يكتب موضوع ويأتي ويرد عليه بعض الاعضاء وهو اي كاتب الموضوع حتى ما يكلف نفسه ويعقب على ردودهم ؟؟؟؟؟؟

الصراحه انا ماكنت اشارك في الالعاب ابدا ..... لكن دخلت مره ووجدت نفسي منسجم معها ولكن هذا ماينسيني ان اشارك واكتب واعقب في كل المنتديات والموضوعات الاخرى ...

اولا
جات فتره واغلق احتساب عدد المشاركات داخل قسم ترويح القلوب
وما ادري ليش الاداره فتحته مره ثانيه

لانه قسم مثل ماسمي ترويح القلوب
للدردشه والتسليه والترويح عن النفس

.....
ثانيا
لايملك الجميع الوقت للرد على كافة المواضيع المطروحه ومناقشتها
...
ثالثا
عندي سؤال للجميع
هل عدد المشاركات مهم كثير بالنسبالكم
يعني زيادة الرقم


اكثر من تفاعلكم واستفادتكم من المواضيع المطروحه
....
رابعا
اختي احب الدنيا
لوكل واحد منا عمل جاهد لمناقشة المواضيع والرد عليها
لرقي المنتدى اكثر واكثر
......

واجابتي لاسئلتك
ج1...لان مواضيع الالعاب تسليه ومامحتاجه للجهد للرد عليها
كلها يا تزيد رقم او تكتب (خخخخخخخخخخخخخخخ)
يعني مايحتاج تصير عبقري فيها او انك تشغل عقلك

ج2....ماعندي مانع تحذف لانها ماتهمني اصلا
مايهمني الرقم لو اعيد الى الصفر
لاني آخذ الجوهر والمضمون
واتيت لافيد واستفيد

تريدوا الصرحه

في مواضيع ماتحصل لها رد يناسبها او مانستوعبها بالشكل المطلوب

ثانيا اصحاب المواضيع لازم يكونوا متابعين لمواضيعهم

واشار المشرف الفارس الاخير في اجابته للاسئله

ولك الشكر على الطرح الجميل

ساعات مانملك الوقت للقرائه فمابالكم بالرد

إقتباس   اقتباس من مشاركة ابن الصحراء انا اتفق معاك تماما فيما طرحت الصراحه انا ماكنت اشارك في الالعاب ابدا ..... لكن دخلت مره ووجدت نفسي منسجم معها ولكن هذا ماينسيني ان اشارك واكتب واعقب في كل المنتديات والموضوعات الاخرى ...

صادق

ويا كثر ما يحط الواحد تعقيبات متعوب عليها وتروح سدى

وبالنسبة للالعاب عادي ما فيها شي لو لعبنا بس المفروض انها ما تاخذ وقتنا كله على حساب الموضوعات المهمة الاخرى

وبالنسبة للي يحطون مواضيع اكبر من عقليتهم فيا كثرهم
ولا وش وظيفة القص واللصق ؟؟؟؟


حلو لما تكن المواضيع المطروحة للنقاش من كتابات الكاتب نفسه
والنقل ما يكون إلا للأخبار السريعة او المواضيع المهممممة جدا جدا او الدراسات الحديثة اللي نتايجها تحتاج للنظر والنقاش المستمر

اخوي ابن الصحراء احب ابدي اهتمامي بطريقتك وطريقة البعض في التعقيب

يعني احس انكم تفصفصوا الموضوع وتردوا على كل كلمة فيه وهذا شيء جميل وراقي ويحسس الكاتب ان كلامه مهم وفيه فايدة

إقتباس   اقتباس من مشاركة الفارس الاخير اولا جات فتره واغلق احتساب عدد المشاركات داخل قسم ترويح القلوب وما ادري ليش الاداره فتحته مره ثانيه []ج1...[/COLOR]لان مواضيع الالعاب تسليه ومامحتاجه للجهد للرد عليها[/SIZE][/FONT][/COLOR] كلها يا تزيد رقم او تكتب (خخخخخخخخخخخخخخخ) يعني مايحتاج تصير عبقري فيها او انك تشغل عقلك ج2....ماعندي مانع تحذف لانها ماتهمني اصلا مايهمني الرقم لو اعيد الى الصفر لاني آخذ الجوهر والمضمون واتيت لافيد واستفيد

بالنسبة لاجابة السؤال الاول فجزاك الله كل خير لأنك وفرت علي جهد موضوع كنت ابي اكتبه

والاجابة الثانية : أحييك على هالجرأة والثقة الكبيرة منك

وبالنسبة لحكاية انكم كنتوا ما تحتسبوا عدد مشاركات ترويح القلوب فيا ليت ترجعوا وتسووا كذا مرة ثانية لأ، في كثير من الاعضاء يهتموا بعدد المشاركات وبذلك راح يصبوا اهتمامهم على الاقسام الاخرى

ومشكورة على الرد والمرور الجميل

إقتباس   اقتباس من مشاركة بحر الغضب تريدوا الصرحه في مواضيع ماتحصل لها رد يناسبها او مانستوعبها بالشكل المطلوب ثانيا اصحاب المواضيع لازم يكونوا متابعين لمواضيعهم واشار المشرف الفارس الاخير في اجابته للاسئله ولك الشكر على الطرح الجميل

بحر الغضب حلو لما الواحد يطور قدراته
والكلام اللي انتي قلتيه صحيح بخصوص ان بعض الاعضاء ما يستوعبوا المواضيع او ما يلاقوا رد يناسبها >>>> هذا يسمى فروق فردية وهذا شيء طبيعي
لكن الواحد ينمي قدراته اللغوية والحوارية في المنتديات عن طريق الرد على المواضيع بالشكل اللي انتي تحبيه في البداية وبدون ما تقلدي طريقة احد من الاعضاء وبعد فترة عودي نفسك انك تقرأي عدد من الردود على هذه المواضيع وتكوّني رأي حول الموضوع وبعدها تكتبين رايك

وبعد فترة تبدأي تطلعي على الجديد او تناقشي بعض المواضيع مع صديقاتك وتكوني آراء وتحسي نفسك شوي شوي صار عندك اسلوب خاص بالكتابة والرد

مو مهم الرد يكون شكله حلو ولا كلماته رنانة المهم يعبر عن رايك
ولو رايك ما عجب احد فالمهم انه يعجبك وبس

بليز ردي علي وقولي إذا اقتنعتي ولا لا

إقتباس   اقتباس من مشاركة شتات ساعات مانملك الوقت للقرائه فمابالكم بالرد

اختي شتات
إذا كانت هذه هي المشكلة فالحل سهل

خصصي وقت في الاسبوع لزيارة المنتدى والإطلاع على كافة المستجدات
وبالتالي تقدري تردي عليها واحد واحد

وفي الايام الثانية تقدري تخلصي باقي اشغالك

اما اذا كنتي تدخلي النت كل يوم وما تقدري تردي على المواضيع وكمان ما تلقي وقت تخلصي اشغالك
فهذا امر المفروض انك تتركيه وانصحك بقراءة كتاب اسمه العادات السبع للناس الاكثر فاعلية
للكاتب ستيفن ر. كوفي

كتاب جدا رائع

وشكرا

اختي العزيزه احب الدنيا

إقتباس صادق ويا كثر ما يحط الواحد تعقيبات متعوب عليها وتروح سدى وبالنسبة للالعاب عادي ما فيها شي لو لعبنا بس المفروض انها ما تاخذ وقتنا كله على حساب الموضوعات المهمة الاخرى وبالنسبة للي يحطون مواضيع اكبر من عقليتهم فيا كثرهم ولا وش وظيفة القص واللصق ؟؟؟؟ حلو لما تكن المواضيع المطروحة للنقاش من كتابات الكاتب نفسه والنقل ما يكون إلا للأخبار السريعة او المواضيع المهممممة جدا جدا او الدراسات الحديثة اللي نتايجها تحتاج للنظر والنقاش المستمر اخوي ابن الصحراء احب ابدي اهتمامي بطريقتك وطريقة البعض في التعقيب يعني احس انكم تفصفصوا الموضوع وتردوا على كل كلمة فيه وهذا شيء جميل وراقي ويحسس الكاتب ان كلامه مهم وفيه فايدة

شهادتك بحقي وسام افتخر به
اشكرك على الموضوع وعلى ردك الجميل على ردي
وماقلته نا وماقلتيه انتي وقاله بقية الاخوة الاعضاء هو كلام صحيح
نتمنى من الاعضاء المشاركة بفاعلية اكبر في المواضيع وان تكون مواضيعهم من ابداعاتهم وحتى ان قاموا بالنقل والقص اتمنى منهم التعقيب والاضافة تحت شي من ابداعهم على الموضوع قبل الطلب من الاخرين التعقيب وبعد كلمة منقول
وياريت من الاخوة متابعة مواضيعهم والرد على كل من شارك ......

رغم اني ماحاولت أشارك في قسم الالعاب بس احس ان الاعضاء الموجودين بقسم الالعاب دمهم خفيف واجد... ولايمنع ان الانسان يستقطع لنفسه وقت للتسلية والضحك بس طبعا مو على حساب الاولويات الاخرى .

اخوي ابن الصحراء صحيح ان مثل ما قلت ان ما سبق الحديث عنه صحيح ولكن الكلام سهل والنصح أيضا سهل والصعب هو تنفيذه ولذلك أنا لا ألوم من لا يشارك كثيرا بالتعقيب والرد ويكتفي بالقراءة لأن التغيير صعب ويحتاج لوقت كافي ليتم التدرب على طرق الرد


والإلمام بما يحتويه الموضوع


اختي بنت البادية كلامك صحيح وهو تلخيص مختصر جدا لموضوعي المسهب وجزاك الله ألف خير على هالمرور والطلة الحلوة