قصيدة في حب جلالة السلطان (حفظه الله ورعاه)

سلطان القلوب




للوطن الأم .. والأب القائد .. جلالة السلطان قابوس بن سعيد ( حفظة الله ورعاه ) كل الخير


ما كل سلطان ٍللقلوب سلطان
وما كل من يأمر وينهى .. نجيبه


إلاّ أنت يا قابوس سلطان لعمان
وسلطان لقلوب ٍملكها .. بطيبه


شعبك يلّبي الأمر راضي وفرحان
ياللي لهمسه كل شعبه يجيبه


مدمن لحبّك هالشعب وأي إدمان
ومحبتك يا سيّدي مب عجيبه


ياللي ملكت قلوب شعبك بالإحسان
مشاعره هالشعب منّك .. قريبه


تلقى بإنّ الكل لا زعلت .. زعلان
وبفرحتك تغدي السعاده نصيبه


تاج الحكم ما يوم زهّاه إنسان
بس إنت زهّيته وما هي بغريبه


هالمسأله ياللي بك التاج مزدان
ومن هيبتك قابوس مزداد هيبه


ثوب الفرح غطّى على كل الألوان
والعيد كل ٍمننا يحتفي به


تفاخري .. تبختري دوم .. يا عمان
لك الفخر قابوسنا .. تفرحي به


قابوس سافر بك إلى المجد لا هان
ونور فكره بدربنا نستضى به


كل التهاني لك يا قابوس الأنسان
من شعبك اللي صرت أبوه وحبيبه


ويا علّ ربي يحفظك طول الأزمان
يا سعدنا .. دوم لعمان الحبيبه


مؤمن بقولي سيّدي إنت سلطان
لقلوب لو نادى بهمس ٍ.. تجيبه

ارجو الرد

ياااااااي حلووه


يسلموو والله^.^

قصيــدة حلــــوـوـوة حيــــل

إقتباس ما كل سلطان ٍللقلوب سلطان وما كل من يأمر وينهى .. نجيبه

ولــا أروع

دمــــت بـــود

قصيدة روعة تسلم يا الإمبراطووور العماني