قلبـي مـدينـه

[ قلبـي مـدينـه ]

/

/

ما تغيَّر شي .. لكن .. صار فاضي هالمكـان
يعني إنتَ شفت قلبي طحت مِنْ عيني وعينـه

[ كان]
لك قلبي
" مدينه "
ولاحظ إني قلت :
كان !
يعني إنتَ الحين واحد خارج حدود [ المدينه ]

ليه مستغرب كلامي وليـه أعطيـك الأمـان
وليه تَكْذِب في كلامك العـذر وينـك ووينـه

ما ألومك كان قلبـك ثـارت أمواجـه وخـان
الخطا منَّي لأني صرت فـي بحـرك سفينـه

والسؤال اللَّي كتمته وما نِطَـق فيـه اللسـان
كيف إيدك إطعنتني وآنا أحْسِبْهَـا أمينـه ..؟

جرحي ما يرضيه قلبك لو يجـي كلِّـه حنـان
لو تبوس الجرح فيني ولـو تقبلهـا إيدينـه

يُوم أحبك قلت كلمه : ( يكرَم المرء أو يُهان )
وإنتَ قلبي ما كرمته وما قدرت إنِّـك تهينـه !

[ عزِّتي ].. ما هي جديده آنا شامخ من زمان
إغسل إيدك من رجوعي وروح يا إبن اللذينه

طاب خاطر قلبي منِّك وهذي الفرقـى رهـان
وحتَّى لو قلبي يحبـك ربِّـي بفراقـك يعينـه

تدري لما قلت أحبك قلت وما عنـدي ضمـان
وإختياري كان خاطىء تجربه بالحيـل شينـه

كنت تخطي وكنت أسامح مرَّه مرتين وثمـان
أدمح الزله عشانك وأكتـم أنفـاس الغبينـه

كنت أحبك وكنت أعزك والغلا فينـي جبـان
خاف تزعل لو ألومك ضعت ما بينـك وبينـه

في عيون الناس عادي بس في عيني جنـان
وكان قلبي من يشوفك تفضحه نظـرة حنينـه

ماني أوَّل من يحب ومنتَ آخر شخص خـان


المحبه في زمانك [ بحرها ] من غيـر مينـه

[ الفشل ] .. كان النتيجه وأعتقـد آن الأوان
أبني مستقبل حياتي وأنسى قصتنـا الحزينـه

وخطوتي الأولى غيابك وراح أطبقها عشـان
يبكي قلبك لا فقدني والندم .. يملـي سنينـه

جاي تسأل عن مكانك !! هو بقى فيني مكان ؟
الله يرحمها المشاعر اللي كانت لـك رهينـه

قلت لك قلبي [ مدينه ] فيها لك حشمه وشـان
لكن إنتَ الحين أغرب شخص في هذي المدينه


..

مـا شاء الله

يحفظج ربي حبوبة

كلمات أكثر من راائعه

تناسق ..روعة في المعاني..وترابط في العبارات
تسلمين حبوبة ع الكلمات

والسؤال اللَّي كتمته وما نِطَـق فيـه اللسـان
كيف إيدك إطعنتني وآنا أحْسِبْهَـا أمينـه ..؟


جيتها ع الجرح وانته مادريت><


تسلمين غناااتي ع الكمات الكشخه

الكلمات فائقه من الروعه والجمال

يسلمووووووووووووووووو

يسلموووووو

أموره

سحوره

زهوره

عالمرور الرااااائع

نورتو القصيده

تسلمين عزيزتي على النقل ..

قصيدة ممتعة ..قرأتها في أكثر من منتدى ..

نقل موفق وجميل ..

قصيدة تثير القارئ وتغريك لقراءتها كاملة



أعذب الشعر أصدقه وأبسطه وأعذبه

وهذه قصيدة احتوت كل جوانب الجاذبية حيث جمال السرد وتسلسل الفكرة ودقة المفردة

لك التحية على النقل

فقط لا ننسى كتابة كلمة "منقول" بعد النص

وكل التحايا لك

أخى محم المحترم
نريد أن يكون شعرنا فى اللحم والأعصاب
ويطوف الكون فى موكبٍ خلّاب
ويشير اليه العالم بالإعجاب
وشكرا لأحسك المرهف0