ربتني الدنيا ... للشاعر حامد زيد

قصيده جميله وهي من اجمل قصائد الشاعر الكبير حامد زيد

اعجبتني كثيراً لكلماتها الرنانه التي تنبثق عن شهامه واصاله..



..::ربتني الدنيا::..



أنا ربتني الدنيا على جـزل العطـا والجـود

ونفسي للوفا والطيب وفعـل الخيـر جزامـه

وأعارض منهج الهابط وأوافق للصعود صعود

وأسيّر نفسـي بعقلـي مـدام النفـس هدامـه

ولا تثّر بي البسمة ولا كحـل العيـون السـود

ولا يقوى على قلبي صغير الحسـد وأجسامـه

أردّ الجود بأمثالـه وأقابـل بالجحـود جحـود

وترى لا خير في رجلٍ يوطّي للـردى هامـه

وعندي مع أهل العِليا مواثيق وثـلاث عهـود

أوفـي لـه مطاليبـه وأودّه وأرفـع أعلامـه

أعايش مركب الدنيا على متن القـدر مولـود

أبعرف هو صحيح إنّ القدر بالنـاس دوّامـه ؟

ومن وين الزمن مقبل وإلى وين الليـال تقـود

ومن في هالزمن يقدر يوجّـه خطـوة أقدامـه

ومن له بالزمن غاية ومن عنده هدف منشود

ومن منّا قدر يعـرف خفايـا مقبـل أيامـه ؟

عرفت إنّ الشقا باقي ، عرفت إنّ الحسد موجود

عرفت إنّ القدر يفرض علينا بأسـوأ أحكامـه

لقينا العرب حاسد وشفنـا بالعـرب محسـود

وبه ناسٍ لنا ضامت ، وبـه بالنـاس منظامـه

وينقص بعضنا خوّه وينقصنـا وفـاء وعـود

مدام الحسـد باقـي وبعـض النـاس نمامـه

ولا ترجى بها الدنيا من ربوعك يجيك اسنـود

ولا تشره على رجلٍ عيونـه خانـت أقدامـه

وقابل خطوة بخطوة وجازي بالصدود صـدود

تناسى غلطة الصاحب عليك بلحظة اخصامـه

ولا تخطي ترى لصبر الحليم اليا سلاك حـدود

تروّى واعرف بضرب الحديـد تفكـك لحامـه

تجنب كسرة الخاطر ولو حبل الزعل مشـدود

تراك بكسرة الخاطر حكمـت القلـب بعدامـه

ولا تزعل على رجلٍ بذل لك ولرضـاك جهـود

ولا تامن من الحاسد رضـاه ورفعـة ابهامـه

نبي نصبر على الدنيا قلـوبٍ بالحيـاة زهـود



مدام إنّ البخت عيّـت توّفـق رمعـة سهامـه

وأنا ما قلتها راجي ولا أطلب بعدهـا مـردود

ولكـن الفتـى ودّه يحقـق جملـة أحـلامـه

وبمشي لآخر الدنيا ولـو كـلّ الأنـام اقعـود

وعن وجه الزمن بكشف حقيقه وأرفـع الثامـه

صحيح إني صغير السن ولكن قدهـا وقـدود

وأنا عندي مع الدنيـا مواقـف ترفـع الهامـه

طموحي يملي العالـم ولابـه للطمـوح قيـود

مدام إن الأمل طبعي عرين وصرت ضرغامـه

خلقنا الله من ترابه ولأحضان التـراب نعـود

تحت رمل الثرى نبقى تغطـي جسمنـا خامـه

سلفنا ما لحقناهم تحـت قـاع التـراب رقـود

ولا يبقي من الميت سـوى ذكـراه وعظامـه

ولو طال العمر فاني وترى عمر الفتى محـدود

وكلٍ يطلـب المولـى يبيحـه يحسـن ختامـه

وأنا بلّغـت بلسانـي وربـي والأنـام شهـود

وصحف البيّنة جفّت وعنهـا رفعـت أقلامـه


اتمنى ان اكون وفقت في الاختيار..
مع خالص الود..

رهيبه

القصيده

واايد



رووووعه



وفقت في الاختيار اخوي الفارس الاخير..

اساسا كل من يقرأ لحامد زين يكون قد وفق لان قصايده في قمة الروعه ..


وانا احس معظم قصايده يغلفها بعزة نفس حلوه وااايد..



شكرآ على القصيده أخوي..





لكـــ كل الشكر...

جميل مانقلت أخي الفارس الاخير ..

وقصائد حامد زيد كلها رائعة ..

كل التقدير .

إقتباس   اقتباس من مشاركة أحزان البنفسج رهيبه القصيده واايد رووووعه وفقت في الاختيار اخوي الفارس الاخير.. اساسا كل من يقرأ لحامد زين يكون قد وفق لان قصايده في قمة الروعه .. وانا احس معظم قصايده يغلفها بعزة نفس حلوه وااايد.. شكرآ على القصيده أخوي.. لكـــ كل الشكر...

احساسك وفهمك للقصيده هو الاجمل

وهذا شاعر متمكن وله اشعار يتغنى فيها للعروبه وعزتها

من احب الشعراء الى قلبي حامد زيد

بارك الله فيك مشرفنا..

قصيدة جميلة أخوي الفارس الأخير
و أنا من المتابعين لقصائد
حامد زيد

و اختيار جميل

وفقك الله

إقتباس   اقتباس من مشاركة بنت البادية جميل مانقلت أخي الفارس الاخير .. وقصائد حامد زيد كلها رائعة .. كل التقدير .

إقتباس   اقتباس من مشاركة بحر الغضب من احب الشعراء الى قلبي حامد زيد بارك الله فيك مشرفنا..

إقتباس   اقتباس من مشاركة دلوعة قصيدة جميلة أخوي الفارس الأخير و أنا من المتابعين لقصائد حامد زيد و اختيار جميل وفقك الله

شكرا لكم على الاطراء

بصراحه لي اعجاب كبير لهذا الشاعر

موفق في اختيارك وتشكر على ذوووووووووووووق الرائع جدا

تسلمــ الفاارس الاخير..انا من محبي الشااعر حامد زيد..يعجبني اسلووبه وااايد^^

يسلموو^^

مشكور اخوي على القصيدة اللي اكثر من رائعة
وعلى فكره انا من المعجبين بقصايد الشاعر حامد زيد والقائه وبصوته احلى بكثير من القراءه


واحلى قصيدة من قصايدة (طبعا راي)

من اول ما رجعت من السفر ما شفت لك بين
وانا اللي كنت احسب اني قبل ادوس ارض المطار تجين
تكونين انتي اول شخص عيني تحتضن عينه
وكنت اتخيلج من زود فرحة رجعتي تبكين
واشوف بدمعتج حكيج واعرفه قبل تحكين
واجيب احلى من اللي بتحكينه واتركج تحكين
تقولين الوطن نور واقول بنور مظوين
تقول لي غديت احلى واقول عيونج الحلوين
كلام نام بشفاهج وخفتي لا تصحينه
ذخرتيه لغرام اللي ينام ويتركج تصحين
تغانمتي غيابي لين رجحتي موازينه
تعلم من ايدج لمس الكفوف وعلمج تجفين
وليتج لاقية به شي فيني ما تلاقينه
ما هو بغرور لكن خابرج مالج امل تلقين
تغافلتي بغلا ولا الحلا ما هو بمنزينه
تزينه الصور بس الصحيح ان ابن الحلال ازوين
وانا ماني بناقص عنه يوم انج تبدينه
نصيبي هو نصيبي لو يسددها من الصوبين
قنوع بمظهري والسم ما يذبح ثعابينه
على قول المثل ماني حلو لكن ماني شين
اذا اهداج الزهر مرة فانا اهديتج بساتينه
واذا الهاج بفرح ليله فانا تهت لبكاج سنين
واذا استضعفتج املاكه وشتتج ملايينه
انا حتى فتات الخبزه اقسمها معج نصين
طموحي بس اظفر بشي تستحقينه
تدينته ... تسلفته ... سرقته
مو مهم من وين
كاني من كثر ما ارضى بكل اللي تتمنينه
لو انج تطلبين الله يعنيني بقول امين
انا ما اللعب على الحبلين وقت الطيش وسنينه
تبين الحين يوم اني كبرت العب على الحبلين
ترى عند البدو بالذات عيب اللي تسوينه
حلاتج لا عشقتيني تعشقيني ليوم الدين
غرام نسكن ظلوعه حشيمه من مجانينه
جفا يجمع معزتنا ولا عشق يذل ثنين
كثار اللي تحدوني وقالوا لي تحبينه
امانه لا تخليني صغير بعينهم تكفين
لاني كل ما قالوا تخون اقول مسكينه
عليج الله وامانة علميهم منهو المسكين
انا خايف لا طاح الجمل تكثر سكاكينه
وانا ما عادت ظلوعي تتحمل طعنه السكين
مثل ما قالوا المكتوب واضح من عناوينه
لو ارحل منج للغربة بسافر من ظلامج وين
كفاية كل حلم يمر في رقادي تزورينه
كفاية من تفارقنا وانا ما غمضت لي عين
قبل يومين شفتج بالمنام وقمت من حينه
ونمت امس ورجع نفس المنام اللي قبل يومين

وسلامتكم

تسلم أخي فارس الأخير وأختي العصا السحرية على القصائد الجميلة .

إقتباس   اقتباس من مشاركة الحرف العنيد موفق في اختيارك وتشكر على ذوووووووووووووق الرائع جدا

إقتباس   اقتباس من مشاركة سحر الخاطر تسلمــ الفاارس الاخير..انا من محبي الشااعر حامد زيد..يعجبني اسلووبه وااايد^^ يسلموو^^

إقتباس   اقتباس من مشاركة العصا السحرية مشكور اخوي على القصيدة اللي اكثر من رائعة وعلى فكره انا من المعجبين بقصايد الشاعر حامد زيد والقائه وبصوته احلى بكثير من القراءه واحلى قصيدة من قصايدة (طبعا راي) وسلامتكم شكرا اختي عالضافه والاهتمام

إقتباس   اقتباس من مشاركة همس القوافي تسلم أخي فارس الأخير وأختي العصا السحرية على القصائد الجميلة .

شكرا لكم على ارتياحكم للقصيده..

يسلمو اختيار موفق