بعد ايه جيت تصالحني( قصيدة سودانية لاسماعيل حسن/متوكل طه

بعد ايه جيت تصالحني
بعد ما ودرت قلبي الكنت فيه
جيت تشكي
جيت تحكي
جيت تبكي لية ليه
اعتذارك مابيفيدك
ودموعك مابتعيدك
العملتو كان بإيدك
انا ما لي ذنب فيه
ليه جيت تشكي
ليه جيت تحكي
ليه جيت تبكي لية ليه
انا خلدتك بشعري في زمانك
وياما غنيت وكان كلو عشانك
وكان جزاي منك صدودك وهوانك
انا استاهل ..
انا استاهل وضعتك في مكانا ما مكانك
روح ..
القدر بي نفسو ما بقسو عليك
جيت تايب ياحليلك
والفؤاد ملكوه غيرك
ربي يعدل ليك سبيلك
كل مناي في الكون عديلك
ونهاية الخير نصيبك
ليه ...
ضيعوك
ودروك
انت مابتعرف صليحك من عدوك


استغلو الطيبة في قلبك
وبي اسم العواطف خدعوك
حتى من كلمة حنانم وودادم حرموك
الله ياخد ليك حقوقك ويجازي الظلموك

الله الله على الكلام الذي يفتح النفس

















الله يعطيك العافية على الموضوع

متوكل طة محمد ..
دائما تتكرر مشاهد الظلم .. ومشاهد الخيانه


ودائما نكتشف الصدق في الوقت الضائع
حيث لا ينفع .. فما الجزاء الا الندم ..
ولا نرى الا مواصلة القهر والغشم ..

شكرا على كلماتك التي تنبع من
وجدانك المتالم ..
تحياتي الصادقه
اختك
سماء بلادي