حلفت إن تتعشين معنا ترا بتخليني أصوم >>من قايلتس تسذا

بسم الله الرحمن الرحيم..



السلام عليكم ورحمة الله وبركاته..



دائماً على لسانا إي والله , لا والله , هلا والله


هذي الكلمات اللي يقولها الشخص من غير قصد

هذي لا يؤاخذنا الله فيها

((لا يؤاخذكم الله باللغو في أيمانكم))المائده 89
لكن مشكلتنا على أدنى شئ نحلف

عاد أحياناً نحلف على كذب عاد هذا الشين

وأحياناً نحلف على صدق

فمثلاً يكون الشخص اللي قدامك ما صدقك,بكيفه عمره إن شاء الله مايصدق


أهم شئ الواحد مايكثر الحلف..

نجي للحلات اللي نلاحظ إنا نحلف فيها بقصد:

مثلاً أنا جايه عند وحده ولزمت علي وحلفت إلا إن تتعشين(طيب إفرضي إن عندي شغل وماأقدر أتأخر عليه)


ولا إلا إن تأكلين أو تسوين كذا مع الحلف(طيب أنا شبعانه أو ماأقدر أسوي هذا)

نجي لكفارة الحلف

كثير يغلط وأول شئ يسويه الصيام,ويقول بتخليني الله يهداك أصوم 3 أيام

الكفاره مذكوره في القران مو على كيفنا نألف

((لا يؤاخذكم الله باللغو في أيمانكم ولكن يؤاخذكم بما عقدتم الأيمـان فكفارته إطعام عشرة مساكين من أوسط ماتطعمون أهليكم أو كسوتهم أو تحرير رقبه فمن لم يجد فصيـام ثلاثة أيام ذلك كفارة أيمانكم إذا حلفتم))

الـ أو هنا تجدي بمعنى الترتيب وليس التخيير

فذكر أنه آخر شئ الصيام..

معنى أوسط ماتطعمون أهليكم أقصده وأغلبه لاأعلاه ولا أدناه

والزين إن الواحد يحاول يمسك لسانه مو في كل وقت يحلّف
لإنه إذا تعود عليه يمكن يحلف كذب وهو مايدري


تحياتي إلكن

درة المودة

يسلموو الغلا ع الموضوع الصح الصح مره


اااااااه الحلافااان صاير شرا شربت الماااي ...

الله يهديهم ^^


تسلمين^^

الله يسلمك وحياك الله