كيف تتعلم الانجليزي بسهوله..بثواني مايب لكــــم شي..

#1 13/09/2007, 12:57 AM

صبــــــــاح / مسـاء

الخيـــــــــــــــــــر..

/
\

ازعجونا في اللغه وهي سهله بس المشكله في المعلم, فقع روسنا بالقواعد والفاعل والمنصوب والناصب والحرامي

لكن انا جيتكم وبعلمكم بدون وجع راس يالله نبدأ:

افرض واحد ضربك على اصبعك بقوه وش بتقول : اي اي اي ,,,,, لاتسوي نفسك ذكي وتقول اح ,,لأن الضربه قويه لازم اي اي اي ,,,,
i = معنها = انا

هل تحب جبنة بوك= لاحظ بوك بس نوع فاخر +بوك= book = كتاب
هل تحب الكت كات= لاحظ كات بس نوع بناتي فاخر+كات=cat =قط >>> جعله يمشخكم
هل تحب شاي= لاحظ شاي = shy = خجول <<<<<< يعني تقدار تقول : i'm shy <<<<<<<<< انا خجول

وانتي واقفه تطالعين المرايه ,,,, فار مر ,,, تحت رجولك ماذا يحدث,,,, بتصير مشاكل كبيره ,,, ليش كذا ؟
الجواب: فار مر
فار مر ,,,, معنها مزارع ,,,,, ككك; farmer <<<< مزارع

من مايعرف الرئيس الأرهابي ( بوش ) بوش -بوش = push = يدفع _يعني = يدف = وتلاحضونها على الأبواب

يعني تقدر تقول= ادفع الباب او دف الباب = push the door = بوش ذا دور

كلمه ثانيه:واحد يقولك: كيل تفاح تصير قوي_ كيل برتقال _كيل موز
لاحظ ( كيل ) كيل -كيل = تعني = يقتل او اقتل = kill
مثال = اقتلني = كيل مي = kill meاو= اقتله = كيل هيم= kill him

كلمه ثانيه:
واحد يطق الباب وش تقوله: اكيد تقول ( مين) مين مين مين
mean = مين = تعني = معنى = او قصد = كأنك تسئل وش معنى كلامك او وش قصدك
مثال: تسئل واحد وش قصدك ؟ what do you mean = وات دو يو مين

كلمه ثانيه:
وعلى فكره كلمة = com الي تشفونها في الرابط = تعني = شركه = وهي اختصار كلمة = company

تسمعون البزر يقول الى امه : ماما يالله قوه البيت = قوه قوه = ياقليب قليبوه
المهم واضح معنها لكم :
go = كوه = قوه
يالله نروح= let is go = ليتس قوه

كف = فيه احد ما جاه كف على وجه ؟ انا بصراحه تصفقت لين دخت ...لاتصدقوون
كف= معنها = كحه . كف = cough تقدار تقول= i have cough = اي هاف كف = انا عندي كحه او سعال

مذركير = من مافيه من البنات مايعرف مذر كير = طبعا نوضحها للشباب = هذي ماركه تهتم بملابس الأطفال او اسم
محلات تهتم بملابس الأطفال تشفونها دائما بلأسواق ( دعايه مجانيه ) يالله بسيطه ,المهم
مذر كير= عباره عن كلمتين دائما النساء ينطقونها ومايدرون انهم يتحدثون الأنجليزيه بطلاقه , نقسم الكلمتين
مذر = ام +ماما +امي= الي تبون تسمونها= مثال / هذه امي = this is my mother = ذس از ماي مذر
كير= عنايه= او اهتمام او يهتم او يحرص= care = كير = مثال/ انا اهتم فيك = i care about you = اي كير اباوت يو
انا اهتم = i care = اي كير

باوار هورس = مشروب الطاقه المعروف موجود في السوبرماركت = لو تلاحظون عليه رسمة حصان
هورس = حصان = horse باوار= قوه =power
ركزوا معي في تركيب الجمله = انا عندي حصان = i have horse =
لاحظوا = i have = متكرره , i have = انا عندي
يعني حطها في بداية الجمله وحط اي شي عندك = مثال / سياره + كتاب + اي شي = i have a car = انا عندي سياره

الرئيس الأمريكي السابق ( بيل كلينتون )
بيل + bill = فاتورة = يعني وانت في المطعم تبي الفاتوره تقول= عطني الفاتوره = give me the bill = قيف مي ذا بيل
او تقول = بيل بليز = فاتوره لو سمحت = اهم شي تدبر عمرك

بلوتوث = واواواواو
bluetooth = معروفه مايبي لها طقة عصاة , بس اللي كثيرين مايعرفونه انه وش معنها ؟
بلوتوث تعني = الناب الأزرق = او لو حبيتوا نقول الضرس الأزرق ماشي,

بلو= blue = ازرق
توث= tooth =الناب او الضرس

هذا الحرف وشلون تنطقونه ( T ) = تي صح = تي ,تي , تي= معنها = شاهي = t ea = تي

سيف = سيف معروف اذا بغيت ترقص في العرضه مع الشيوخ لازم تجيب معك سيف وتنتبه لاتخبط الي جمبك
سيف= save = يحفظ او يحمي او ينقذ = يعني تقدار تقول: احمني او انقذني = save me او احفظ المعلومات = save it او احفظ الصوره =save the picture = سيف ذا بيكتشر

فار = مخلوق نذل يصعب مسكه الى اذا جبت له قطوو
فار= far = معنها = بعيد = تقدار تقول = انت بعيد مره = u are so far = يو ار سو ( فار) = so = تعني جدا ,مثل very
يعني تقدار تقول= u are very far =يو ار فيري فار = على كيفكم

ني = اللحم ني او الدجاج مو مستوي ني
ني= knee = معنها = ركبه
بس ماعليكم من حرف الكاف في بداية الكلمه ماينطق =k nee = تنطق = ني

كان = ( كان) ياما( كان) في قديم الزمان تركي وا م كشه , بس ( كان ) فيه ام القنازع وخربت عليهم
كان = CAN = يستطيع او يقدر = انا استطيع = I CAN
ممكن يكون معنها اسم بمعنى = علبه او صفيحه = يعني علبة البيبسي تسمى كان لأن فيه فرق بين العلبه والقزازه

يلا ابي آآرآآئكم في النقشة..

#2 13/09/2007, 01:36 AM

طـــــــــــــريقه ذكيه رولا..

الله يعين اذا طلعتي معلمة لغه انجليزيه..
راحوا فيها الطلبه..

#3 13/09/2007, 12:43 PM

طريقة جديد وسهلة كثير للمبتدئين

لتعلم اللغة الانجليزية بسرعة وبساطة

اشكرك أختي رولا على الموضوع الطيب منك

وبارك الله فيك

#4 13/09/2007, 03:01 PM

مشكورة عالموضوع

#5 13/09/2007, 03:05 PM

تسلمين يا رولا على الدروس .....

#6 16/09/2007, 01:30 AM

thanks Rolaa so much
it is good ways to learn english and i hope everyone use it
all the best my sister

#7 09/10/2007, 12:00 AM

تسلمين رولا عالموضوع

طريقة جدا سهلة وحلوة

^^

#8 25/10/2007, 10:43 PM

thanks to all 4 ur comming
and hav agood look to all
bstweshis

#9 30/05/2009, 07:04 PM

thank you a lot

= )

#10 02/12/2009, 10:07 PM

NICE METHOD

#11 05/12/2009, 01:10 AM

tw83t ena fe ashya2 thanya bs kla mal owla ebtda2e

thx

#12 15/12/2009, 08:09 PM

إقتباس

اقتباس من مشاركة Miss.Micky


	tw83t ena fe ashya2 thanya bs kla mal owla ebtda2e thx

Don't spoil our musement
plez

#13 19/12/2009, 10:53 PM

so nice
ways to learn english

\
reagrds with rose

#14 22/12/2009, 05:41 PM

هــــــــــــــــــــــــــــــــو فيه أحسن من العربـــــى يا رولا

#15 14/01/2010, 10:35 PM

ok
ok
ok?

what

عناوين مشابهه
الموضوع	الكاتب	القسم	ردود	آخر مشاركة
كيف تتعلم انجليزي بسهولة How To Learn English	غدفاني	English Forum	5	11/07/2012 04:20 PM
تعلم السب بالإنجليزي بثواني	نور الليل	ترويح القلوب	9	31/08/2010 03:34 AM
أمة تتعلم من التلفزيون وهو من الشر بري منها	hassanalshami	قضايا المجتمع وحقوق الإنسان	6	09/11/2007 02:27 PM
الصورة التي شل الله يد مصممها بعد تصميها بثواني	baloch	موضوعات عامة	22	04/08/2005 12:57 AM