رساله الى كل الشباب والصبايا

السلام عليكم ورحمة الله وبركاته



قال تعالى في سورة البقره



بسم الله الرحمن الرحيم"وَلَا جُنَاحَ عَلَيْكُمْ فِيمَا عَرَّضْتُمْ بِهِ مِنْ خِطْبَةِ النِّسَاءِ أَوْ أَكْنَنْتُمْ فِي أَنْفُسِكُمْ ۚ عَلِمَ اللَّهُ أَنَّكُمْ سَتَذْكُرُونَهُنَّ وَلَٰكِنْ لَا تُوَاعِدُوهُنَّ سِرًّا إِلَّا أَنْ تَقُولُوا قَوْلًا مَعْرُوفًا ۚ وَلَا تَعْزِمُوا عُقْدَةَ النِّكَاحِ حَتَّىٰ يَبْلُغَ الْكِتَابُ أَجَلَهُ ۚ وَاعْلَمُوا أَنَّ اللَّهَ يَعْلَمُ مَا فِي أَنْفُسِكُمْ فَاحْذَرُوهُ ۚ وَاعْلَمُوا أَنَّ اللَّهَ غَفُورٌ حَلِيمٌ (235)" صدق الله العظيم






لما تتأملو الآيه الكريمه هاتلاقوا إنها بتنص نص صريح ان المخطوبين مش المفروض يتقابلوا في السر مابالكم بقى باللي مش مخطوبين أصلا.


انتشر في الايام دي خالص الموضوع ده ان كل واحد لازم يحب واحده ويكلمها لغاية مايتخرج ويكون نفسه وبعدين بقى يبقى يفتكر ويروح يخطبها من اهلها بعد مايكون ليهم كذا سنه بيكلمو بعض ويقابلوا بعض في السر متخيلين ان مدام هما إن شاء الله هايتجوزوا في المستقبل يبقى إيه المانع!!!





طيب انا عايزه أسأل سؤال:


ليه كل اللي بيحبوا بعض دول مش بيقولوا لأهاليهم؟؟؟؟؟؟


دي في رأيي أقل حاجه ممكن يعملوها لأن معظم اللي بيكلموا بعض او كلهم بيكونوا أهاليهم واثقين فيهم وإلا ماكانوش سابوهم يروحوا كليات ولا يتعلموا يبقى ليه يخونوا ثقتهم فيهم ؟؟؟؟؟؟؟؟؟؟؟؟؟؟؟





الاجابه في رأيي:لأنهم أصلا خايفين إن أهاليهم يرفضوا الموضوع


طب يعني انتو خايفين من أهاليكم ومش خايفين من ربنا اللي شايفكم وعالم بكل اللي بتعملوه!!!!!!!!!!!!!!








طيب لو إنتو مقتنعين إن اللي انتوا بتعملوه صح مابالكم بقى لو مره مثلا وانتوا بتكلموا بعض حد من أهاليكم سمعكوا أو لو انتوا إتقابلتوا حد شافكم من أهاليكم او حد من قرايبكم ايه هاتعملوا ساعتها؟؟؟؟؟؟؟؟





يمكن يكون الرد"احنا مبنكلمش بعض غير في الكليه يعني في بلد تانيه خالص وماحدش هايشوفنا واحنا في الكليه عادي المعظم بيكلم يعني ماحدش هايتكلم علينا عشان اللي بيته من قزاز مايحدفش الناس بالطوب وحتى لو حد اتكلم علينا وايه يعني احنا بنحب بعض وإن شاء الله هانتجوز"





وأنا هارد وأقول اتقوا الله يعني رب بلدكو غير رب الكليه إزاي تكون بتعبده وتصليله وبعدين تخونه .


وانا سمعت الداعيه مصطفى حسني بيقول ان لو في اتنين كانوا بيكلموا بعض وبعدين اتجوزوا المفروض يستغفروا ربنا لأن اللي هما كانوا بيعملوه ده ذنب كبير.








ممكن حد تاني يقول احنا حاولنا نبعد بس ماقدرناش نعيش من غير بعض


هاقولهم يعني انتو ماكنتوش عايشين قبل كده ولا ايه الموضوع يمكن يكون في الاول صعب بس بالإراده والدعاء الكثير وخصوصا في الايام المباركه دي والتوكل على الله ان شاء الله كل الأمور هاتتصلح











ممكن يكون حد تاني بيقرا الموضوع ده ويقول في نفسه دي بتتكلم من فراغ لأنها مجربتش الإحساس ده قبل كده وانا ردي ليه اني ميشرفنيش اني احب حد في الضلمه لو حد بيحبني يجي يتقدملي وساعتها بس انا ممكن اعرفه واشوف إذا كنت هاحبه ولا لأ وإذا كان لينا نصيب في بعض نتجوز أما إذا ماكانش في نصيب يبقى ننفصل وخلاص ونصيبي هاخده ماحدش هاياخده غيري طبعا





في الاخر بعد كل الكلام ده



دي رساله مني لكل شاب ارجوك لو في بنت بتحبها بلغها لو لقيت في قبول روح قابل اهلها ساعتها هي هاتحترمك وهاتحس انك قدرتها صح وأهلها كمان هايحترموك يمكن في الاول يقولوا عليكم لسه عيال ويرفضوا لكن لما تكبروا وتروح تتقدم تاني ساعتها طبعا هايوافقوا ان شاء الله يعني










والرساله التانيه لكل بنت ارجوكي حسي انك اغلى من انك تكلمي واحد في السر حسي انك لو أهلك عرفوا مش هايثقوا فيكي تاني حسي انك غاليه جدا أغلى من كل كلام الحب اللي نفسك تحسي بيه








ورساله اخيره مني لكل الشباب بنات وولاد كونوا واثقين دايما ان الله معاكم في كل عمل بتعملوه وانكم ممكن تموتوا في اي لحظه فبلاش تموتوا وانتوا على معصيه انتوا مش ضامنين عمركم ونصيبكم ان شاء الله هتاخدوه








يارب تكون الفكره وصلت وربنا يهدينا واياكم الي ما يحب ويرضى ويغفرلنا ذنوبنا بإذنه

وسامحونى اذا ما عجبكم الموضوع

لا ماشاء الله الموضوع وايد حلو تسلميييين وجزاج ربي الخير خيتي

إقتباس   اقتباس من مشاركة meme.s.m.a لا ماشاء الله الموضوع وايد حلو تسلميييين وجزاج ربي الخير خيتي

مرسي وشكرا علي الردود الحلوة