حبيبي... } .. مِنْ الـتَّعَبْ كافـي خـذيـتْ اللِّـي يـكـفـيني ..!

رآآآئعه بمآتحمله من معـــآني..~

رآقت لي..

أتمنــىآ تعجبكم..


تصدق ولآ ماتصدق أنا عَاجِـزْ عَنْ التـفكــير
تعَالْ وشُوفْ في عينِكْ غِيابكْ وشْ عَمَلْ فيني

حبيبي ما بُقى عِندي صَبرْ .. يتْحَمَّـلْ التأخير
رَحَلتْ .. وعِقبكْ الدنيا غلاها طاح مِنْ عيني

أجَاوبْ اللِّي يسْألني عَنْ أخْبَاري وأقولْ بخير
وأنا لا خِير بغيابكْ .. ولا حَاجَه .. تهنيني

على طاريكْ كِلْ لحظه .. ولا أحتاج للتذكير
حَريصْ القلب ما ينسَى عيونِكْ , لا توصيني

مَحَدْ يِقْدَر يعَوِّضْنِي لأنِّكْ .. في عيُوني غير
ومَهْمَا شِفتْ أنا الفرحَه .. بدونِكْ ما تسليني

وكيف الحَالْ وشلوني .. جَوابٍ ما يَبي تفسير
بدونِكْ إنتْ , ما تِضْحَكْ حَياتي وترْمِشْ سنيني

مِثلْ شَاعِرْ عِجَزْ يوصَفْ شعُوره وخانه التعبير
أنا ضايع .. ولا أدري مِنْ فراقِكْ .. أنا ويني

مِثلْ طيرٍ كِسَرْ بُعْدِكْ جَناحَه وما قِدَرتْ آطير
أحَاولْ أبْتِسِمْ وأنْسَى ولكنْ وشْ ينسيني..؟!



أشُوفِكْ في صباحي إنتْ مَعْنَى يا صباح الخير
وأشُوفِكْ في مَسَائي حِلْم وردي .. لا تصحيني

تِصَدِّق .. السَهَر يَرْسِمْ عيُوني ويتْقِنْ التصوير
ويشِقْ النُور في صفحة حياتي .. وما ألاقيني

أنامْ شلونْ ؟ ومشكلتي عِجزتْ ألقى لَهَا تدبير
طِلَبتْ النُومْ .. لحظاته وعيَّى النُوم يعطيني

تغيَّر وجْهَي .. مِنْ أوَّل غيابكْ وإبْتِدَى التأثير
حبيبي .. مِنْ التَّعَبْ كافي خذيتْ اللِّي يكفيني

يا أغلى مِنْ رَحَل عنِّي يا كِلْ الحُبْ والتقدير
تعَالْ: إنْ كان لِي عِندِكْ مَعَزَّه وكان تغليني

تعَالْ: إنْ كِنتْ تعشقني وإذا فِعلاً تبي لي خير
تعَالْ: ومِدْ لِي .. كَفْ الوَصِلْ .. وآمِدْ كَفيني

إذا كانْ الجِفا واجِبْ بدى مِنْ قلبي التقصير
أبيكْ الحِينْ .. تِرجَعْ لِي ولا تِرجَعْ تخليني

أنا ما أقولْ اللِّي صَار فِيني ما هقيته يصير
لأنِّي كِنتْ .. ( مِتأكِدْ ) .. بأنْ البُعد ينهيني

م.ق

يسلمواااا الفارس الاخير

عجبني هالمقطع

مَحَدْ يِقْدَر يعَوِّضْنِي لأنِّكْ .. في عيُوني غير
ومَهْمَا شِفتْ أنا الفرحَه .. بدونِكْ ما تسليني

إذا كانْ الجِفا واجِبْ بدى مِنْ قلبي التقصير
أبيكْ الحِينْ .. تِرجَعْ لِي ولا تِرجَعْ تخليني

شكرا لك يالفارس الاخير على هذه الكلمات والنقل الجميل

أنامْ شلونْ ؟ ومشكلتي عِجزتْ ألقى لَهَا تدبير
طِلَبتْ النُومْ .. لحظاته وعيَّى النُوم يعطيني

جميلة اخي تسلم على الكلمات الرائعة ننتظر القادم منك تحياتي

إقتباس   اقتباس من مشاركة الملتاعه يسلمواااا الفارس الاخير عجبني هالمقطع مَحَدْ يِقْدَر يعَوِّضْنِي لأنِّكْ .. في عيُوني غير ومَهْمَا شِفتْ أنا الفرحَه .. بدونِكْ ما تسليني

إقتباس   اقتباس من مشاركة بحر الغضب إذا كانْ الجِفا واجِبْ بدى مِنْ قلبي التقصير أبيكْ الحِينْ .. تِرجَعْ لِي ولا تِرجَعْ تخليني شكرا لك يالفارس الاخير على هذه الكلمات والنقل الجميل

إقتباس   اقتباس من مشاركة شذى الورد أنامْ شلونْ ؟ ومشكلتي عِجزتْ ألقى لَهَا تدبير طِلَبتْ النُومْ .. لحظاته وعيَّى النُوم يعطيني جميلة اخي تسلم على الكلمات الرائعة ننتظر القادم منك تحياتي

شكرا لكم ,, على المشاركه والمرور ,, مع خالص الود

روووووووووووووعه القصيدة .........

تسلم

إقتباس   اقتباس من مشاركة ghost girl روووووووووووووعه القصيدة ......... تسلم

ربنا يسلمك ,, شكرا لك على المشاركه ,, تسلمي

سلمت يداك كلمات في منتهى الروعة
احاسيس نابضة سلم ذوقك في النقل ودمت دائما متالقا
مع كل الاحترام والتقدير.

إقتباس   اقتباس من مشاركة ابو ارين سلمت يداك كلمات في منتهى الروعة احاسيس نابضة سلم ذوقك في النقل ودمت دائما متالقا مع كل الاحترام والتقدير.

واية روعة تتأرخ في تاريخ الردود .. بدون هطول اقلام متذوقبن من امثالك .. فقط بتوقيعك بحرف واحد يغنيني .. اثرت المكان اخي..