 |
 |
 |
|
|
|
|
 |
 |
|
|||||||
| شعر و أدب واحة من الخيال والحقيقة ونشر المشاعر النبيلة الهـادفة من شعر وخواطر وروايات |
 |
 |
 |
|
|
خيارات الموضوع | ابحث بهذا الموضوع | طريقة العرض |
|
#1
21/05/2008, 11:14 AM
|
||||
|
||||
|
قصيده روعه ((ما دريت إلا عيونـي أربـع أربـع يذرفـون))
قصة بنت كانت تطالع واحد بعين قويه المهم الرجال طلع شاعر وما قصر فيها كم بيت عشان تتأدب لكن المفاجأه هي ؟؟؟؟ المغزى من الموضوع لا تستعجل يا بني آدم بالحكم كل شبر بهالوسعيـه ملـك ربـي تعلميـن وأعلم إن اللي خلقني هو خلق لـك هالعيـون لكن انتي من جلستي وانتـي فينـي تحدقيـن كن ما به ناس غيري بهالكراسـي يجلسـون لو سمحتي عاد أسمعي وحتى لو ما تسمحيـن المهـم اللـي بقولـه تسمعينـه و يسمعـون ع الأقل ليا نظرتك سـوي روحـك تستحيـن غضي طرفك مثل غيرك خوف ربعي يلمحون الركادة عاد زينة والحياء فـي البنـت زيـن وفيـك جآزم لا ركـادة ولا حيـاءٍ يـذكـرون تعرفينـي ؟! أعرفـك ؟! ماأذكـر إنــا ملتقـيـن لا أعرفك من تكوني و لا تعرفي مـن أكـون وإطمأني إن كان قصدك بس فينـي تشبهيـن ما هـو أنـا إلي تعرفيـه والبشـر يتشابهـون مـا دريتـي من التشابـه يخلـق الله أربعيـن وأعرف أربع يشبهنك بـس والله يستحـون وإن كان قصدك شي ثاني عاد قولي وش تبين خايف إنا نصير فرجة وإللي ماشتروا يتفرجـون وإذا ببالك عاجبتنـي لا يحوشـك تحلميـن صح ربعي من جمالك فيـك صـار يمدحـون بس وش لي في حلاتك دام فيهـا ترخصيـن حشمة البنـت وحياهـا والكرامـة يلفتـون ولو توفر فيك هـذا مـع حلاتـك تبشريـن ما هو أنا ألف غيري بـاب بيتـك يطرقـون وش علامك رغم كل اللي أقولـه وتسكتيـن مو طبيعي هالسكوت وهالبـرود وهالسكـون إنتـي خرسـا أسألـك ولا منتي تسمعيـن؟؟ قالوا ربعي ذي كفيفـة قلـت لا لا تمزحـون لين شفتك يوم رحتـي يمسكونـك باليديـن ما دريت إلا عيونـي أربـع أربـع يذرفـون آه ياني منه مشهـد يـوم شفتـك ترحليـن جيت اشوف عيون ربعي لقيت الكـل يدمعـون قلت سنّـة هالحيـاة وحـن ترانـا مؤمنيـن الله اللـي مسيّرنّـا بيـن كافـ وبيـن نــون وكل أبونا نختلف مع إننا مـن أصـل طيـن سبحان يلي مصورنا ولله في خلقـه شـؤون يعني حنا كل أبونـا عـاد إسمنـا بنادميـن وليا قضى ربك أمر وقـال لـه كـن فيكـون فينـا يلـي رازقه خيـر رب العالمـيـن وفينا يلي هو لعطفه بحاجة القلـب الحنـون وفينا يلي مـا شكـى مـن علـةٍ كالآخريـن صـمٌ و بكـمٌ وعمـيٌ فـهـم لا يفقـهـون بس قليل عـاد فينـا للنعـم هـم شاكريـن والله يرزق هالخلايق من حيث هم لا يعلمون وتدري عاد يالكفيفة حنا تراى متشابهيـن وإن ماانعمت أبصارنا قلوبنا هـم إللي يعتمـون يالكفيفة يالعفيفـة إن قلـت آسـف تقبليـن؟؟ يغفر الله ذنوب عبده ليا خطا وهـل تغفـرون؟؟؟؟ شو رأيكم ؟ 
|
|
#2
21/05/2008, 11:28 AM
|
|||
|
|||
|
: قصيده روعه ((ما دريت إلا عيونـي أربـع أربـع يذرفـون))
يسعدني اكون اول واحد يرد عليج
سبحان الله!!!!!!! قد ما يعطيك الرب بنفس الوقت ياخذ منك وهذا ابتلاء واختبار للمؤمنين تسلمي عالقصيده الأكثر من رائعه
|
|
#3
21/05/2008, 11:50 AM
|
||||
|
||||
|
: قصيده روعه ((ما دريت إلا عيونـي أربـع أربـع يذرفـون))
يسلموا احساس صادج
ونفس الشي مانحكم ع الشخص بهالطريق .. لا نظلمه .. ونظلم روحنا.. يسعدني ان تكون اول الماريين على القصيده^__^ اختك ..
|
|
#4
23/05/2008, 09:39 AM
|
||||
|
||||
|
: قصيده روعه ((ما دريت إلا عيونـي أربـع أربـع يذرفـون))
رااائعة انتي أخيتي
كلمات رائعه للقصيدة ومؤثرة نعم هي مؤثرة لما تحكيه من عبارات سلمت يمناااك
|
|
#5
23/05/2008, 10:00 AM
|
||||
|
||||
|
: قصيده روعه ((ما دريت إلا عيونـي أربـع أربـع يذرفـون))
إنتـي خرسـا أسألـك ولا منتي تسمعيـن؟؟
قالوا ربعي ذي كفيفـة قلـت لا لا تمزحـون اقوووول اتعرفين امنو كااتب هالقصيد؟؟ خاطري اعرفه اول مره سمعتها لما كنت اسمع الراديو ف الـ iPod تخيلي بعد هالمقطع قالوا ربعي ذي كفيفـة قلـت لا لا تمزحـون حطوا تأثيرات موسيقية قووية لحتى ما قال لين شفتك يوم رحتـي يمسكونـك باليديـن ما دريت إلا عيونـي أربـع أربـع يذرفـون تخيلي تأثيرات حزينه مع القصيدة صدق اتطيح  يعني تأثرت فيه وسجلته وكتبته الصراااحه فنتكــ ويزاج الله خير لانج حطيتيها^^ طانكيووووو ألوت
|
|
#6
24/05/2008, 07:40 PM
|
|||
|
|||
|
: قصيده روعه ((ما دريت إلا عيونـي أربـع أربـع يذرفـون))
مساء الخير ...
العزيزة احزان البنفسج ... كثيرا مانحكم على الكتاب من عنوانه وغلافه الخارجي دون التعمق فيه وبعدها نكتشف كم اخطأنا وكم نحن موهومين .... مسكين صديقي الذي ارا ان يخطب فتاة مثقفة وجامعيه وجميلة وبعدها يجد انها سطحية الشخصية وقد تعرفت على العشرات قبلة ... يعود بقلب كسير ويشكو ... فقلت له استخر الله .. الطيبون للطيبات وكفى ... لا تترك الغلاف يعميك عن الحقيقة . تحياتي لقلمك عميق المشاعر .. ساكن الظلام
|
|
#7
25/05/2008, 09:36 AM
|
||||
|
||||
|
: قصيده روعه ((ما دريت إلا عيونـي أربـع أربـع يذرفـون))
أميرة الورد
يسلموا الغلا على المرور.. فعلا القصيده مؤثره وايد .. شكرا عل المرور..
|
|
#8
25/05/2008, 09:38 AM
|
||||
|
||||
|
: قصيده روعه ((ما دريت إلا عيونـي أربـع أربـع يذرفـون))
مرحبا / سحر الخاطر
ابصراحه لا مدري من كاتب القصيده .. انا بعد خاطري اعرف؟؟!! اكيد راح اتكون القصيده مؤثره وايد وتحرك المشاعر ويا المؤثرات الموسيقيه .. أكيد بكيتي وايد سحوره ولا شو ؟اعترفي يالله اعرفج صياااحه .. اونه عاد حساسه ههههههه يسلموا على المرور واذا عرفتي من صاحب القصيده خبرينا..تمامو ^__^
|
|
#9
25/05/2008, 09:43 AM
|
||||
|
||||
|
: قصيده روعه ((ما دريت إلا عيونـي أربـع أربـع يذرفـون))
أخي/ ساكن الظلام
مساء الورد.. انا من الصف الرابع الابتدائي اتذكر اني تعلمت شي ومانسيته للحين : ((المظاهر خدااااااعه)) والمدرسه كان مثالها واضح وبسيط كانت اتقول انتوا تشترون قلم رصاص شكله من الخارج وايد حلو والوانه حلوه .. بس لما تستخدموه .. وتبرونه .. راح اتشوفوه يتكسر بسرعه .. شفتوا كيف المظاهر خداااااعه ^__^ عادا انا من يومها ماانسى هالمثال ^__^ وهنا نفس الشي ..كيف صاحبكم حكم على البنت المسكينه ..سبحـــــان الله..!! ونفس الشي صدقت فيما قلت : ((... لا تترك الغلاف يعميك عن الحقيقة )) أشكر لك مرورك العذب ..كعذوبة روحك.. دمت بود..
|
|
| مشاركة الموضوع: |
|
عناوين مشابهه
|
||||
| الموضوع | الكاتب | القسم | ردود | آخر مشاركة |
| كـوني له أربـع .. حتى لا يتزوج عليك | زهرة الخزامى | حواء و أسرتها | 14 | 29/12/2006 01:28 AM |
|
النمط المتتابع
