:: نبض الوطن ـ إسلام علوى
استهل الإعلامى الساخر باسم يوسف فقرات حلقات برنامجه "البرنامج" للموسم الثالث بالسخرية من الانتقادات الحادة التى وجِهَت له خلال الفترة الماضية بقوله "اتعلمنا من الخطأ السابق وسنستمر فى العرض"وواصل ساخراً " وحشتكو.. وهتتلموا على البوكس كولكو".
وتابع "إحنا رجعنا تانى ومش بيهمنا حد ولا يهمنا قناة أو محطة ومش هنجامل حد".وعبر يوسف خلال تقديمه برنامج "البرنامج" على قناة "أم بى سى مصر"، عن سعادته بعودة بث حلقات البرنامج، وتابع ساخراً "جاء الوقت الذى سنكشف فيه عن سبب توقف البرنامج"، وبعد لحظات قال "يوسف" متهكماً "أنا مش عارف عن نفسى هو ليه وقف".
,عرض باسم يوسف أغنية تسخر من الهجوم الحاد على برنامجه "البرنامج" خلال تقديم أول حلقات البرنامج على شاشة قناة أم بى سى مصر، وكان نصها "برنامج ساخر.. ويقول للهم إتاخر.. سياسية بطعم كوميديا وأغانى ملهاش آخر.. أتاريها شغلانة منحوسة وكلها مواويل.. أولها أتكفر وأخرها خاين وعميل.. أتاريها شغلانة منحوسة وكلها مواويل.. موااااااااااااااااويييييل.. أولها أتكفر وأخرها خاين وعميل.. ياااعميل.. عنها وفى ليلة اللبة وبانت يقولولى زعلنا ورموزنا إتهانت.. قلتلهم أبداً.. قالولى ثوانى.. وطلعت أجرى من المسرح وإلخ إلخ.. أطلع من نقرة لدحديرة ومن فخ لفخ.. قنوات تشيلنى وتهبدنى طاخ طوخ طيخ طاخ.. طاخ طوخ طيخ طاخ.. طاخ طوخ طيخ طاخ.. مبسوطة يا وطنية.. شمتانة يا شرعية.. لو كانوا سألونا قبل ما يشغلونا.. عارفين كنا نقول إيه.. إييييية.. كنا نقول وقفونا.. قبل ما تـــــــــــــــــــــــــــــــــــــــــــــنا.. وتزعلوا من إفيه.. وتزعلوا من إفيه.. وتزعلوا من إفييييييييييه".
كما تهكم الإعلامى باسم يوسف على انتقاد القيادى الإخوانى حمزة زوبع له، بسبب توقف البرنامج، عارضاً مقطع فيديو لــ"زوبع" وهو ينتقد توقف برنامج "البرنامج" وورد فيه لفظ "ده حتى باسم بيضن علينا فى التوتات بتعتوا مش البرنامج وبس"، وتابع "يوسف" ساخراً ومتلاعبا بالألفاظ "يا راجل أنا عمرى ضنيت عليك بحاجة".
ووجه "يوسف" رسالة لــ"الإخوان" قال فيها ساخراً "عزيزى حمزة زوبع أنا أسف أنى ضنيت عليك، أوعدك أنى مش هضن عليك تانى، ويا ريت أنت وأصحابك بلاش تضنوا علينا كل شوية، والتانية مش طالبة منكوا ضنان".
وعرض باسم يوسف خلال تقديم "البرنامج" مقطع فيديو لسيدة توجه له اتهاماً بأخذ 5 مليارات مقابل انتقاده للمؤسسة العسكرية، وكان نص ما تضمنه الفيديو "يا مشخصاتى خدت خمسة مليارات يا باسم وحطتهم فى بنوك سويسرا ولا أمريكا" .
وعقب باسم على مقطع الفيديو، قائلاً "خمسة مليارات خمسة مليارات.. عارفة حضرتك أنا لو معايا خمسة مليارات أنا كان زمانى اشتريت القناة اللى كنت فيها، وعملت فيها برنامج وبعدين عملت حلقة وعزمت نفسى بصفتى صاحب القناة واحضرها واضحك وبعدين أقول" توأ" معجبتنيش فأقوم راقع نفسى بيان وامنعنى، وبعد كده أعمل قناة تانية أسميها باسم يوسف إكسترا، وكدا يبقا عندى قناتين محدش بيتفرج عليهم وكله بلفوسى".
وأضاف "يوسف" خلال تقديم الموسم الثالث لبرنامجه على شاشة "إم بى سى مصر"، قائلاً "أنا لو معايا 5 ملايين مكنتش بقيت فى الوجود أصلاً طيب بعد كدا يبقى لازم نتعود على حريات الرأى ونختار طريقة التعبير ولازم ندافع عنها قلم ميكرفون ده فى النهاية مناخ صحى".
08/02/2014, 02:58 PM
عناوين مشابهه
النمط التشعبي
