..تفضلوا في مطبخ قمر هالكون..

--------------------------------------------------------------------------------

السلام عليكم ورحمة الله ...

اليوم يايبتلكم فكره شفتها في منتدى من المنتديات وحبيت أسويها...

هالفكره هي ...
بين كل فتره وفتره بسوي أكله ...

سواء حلويات او معجنات أو أي شي ...

وان شاءالله احط المقادير مع الصور ....

الله يعينكم على السويط اللي بسويه ...


نبدأ بسم الله مع أول وصفه ...











تشيز كيك بالسنيكرز ...





المقادير ....



الطبقه الاولى ...

بسكويت اوريو 20 حبه ...

1 قالب زبده (113) جم سائحه ...



الطبقه الثانيه ...

قشطه ..(170)جم...

2 كيس دريم ويب ..

1/2 كوب حليب بارد ...

علبة جبنة فيلادلفيا ...

ربع كوب سكر ...

الطبقه الثالثه ...

6 شوكلاته سنيكرز ...
1/3 قالب زبده ...
1 كوب حليب سائل ...

للوجه ...
كيس دريم ويب معمول حسب التعليمات ..
2 ملعقه شوكلاته سائحه ... مثل (نوتيلا )

ملاحظه .. للحصول على كيكه أفضل استخدمي الصينيه الي تتبطل من الاطراف المدوره ...


الطريقه ...

*يطحن البسكوت ثم يخلط مع الزبده ويلبس به قالب الكيك ... (يعني تكون الخلطه في قاعة الصينيه )

* نخلط مقادير الطبققه الثانيه بالخلاط ثم تسكب على طبقة البسكوت ثم توضع في الفريزر حتى تجمد...

*تسيح شوكلاتة السنيكرز في حمام مائي مع الزبده والحليب ثم تخلط جيداً وتترك حتى تبرد تماماً ثم يسكب الخليط على الطبقه الثانيه ثم توضع في الثلاجه لحين التقديم ...

*تزين الكيكه بالشكولاته السائحه والدريم ويب ثم تقدم ...



والحينه براويكم السويط الي سوطته في المطبخ ..
على قولة امي مب كيكه غوزي ...

هالصوره هي الطبقه الثانيه ..

ا

وهالصوره صورة السنيكرز أول ماذوبته ...


مارمت أحطه في الماي الحار لأنه يباله وقت وطلعلي عيوني ..
قمت وحطيته في المايكرويف ...((ذكيه صح ))


النتيجه النهائيه واضحة فالصورة الاولى و ها عقب ماسويت الحرب العالميه الرابعه في المطبخ




وطلعت الكيكه حلوه ...

أدريبكم عقب هالصور مابتفكرون تجربونها ...
بس صدقوني الطعم حلو