يوميات طفل

من دفتر الأسبوع



السبت:

فتحت عيوني.. أدور عن نور..

أمروني: <أغمض> وغمضت.. بعدها ما شفت لا أبيض ولا أسود!





الأحد:

كنت أسمعهم يقولون: ألعن أبوك! يا حمار, يا حيوان, يا ثور, يا بقرة, يا لوح, يا جدار. فتوقعت أني في حديقة حيوانات.. فتحت عيوني أبغى أشوف هالحيوانات..

قالوا لي: "ما يصلح تشوف قلة أدب".

سألتهم: طيب فيه عصفور؟

صرخوا في وجهي: <انطم وغمض>!



الاثنين:

سمحوا لي أشوف التلفزيون.. كنت لحالي منسجم مع أفلام كرتون.. دخلت أمي.. وكان أبو عائلة آدمز (يبوس) أمهم..

ركضت أمي وغيرت القناة وصرخت بأعلى صوتها: "عيب عليك.. قاعد تشوف قلة أدب!"

ناظرتها بكل براءة وأنا متعجب من اللي صار: "طيب وش صار؟ أبوهم يبوس أمهم؟!"

قالت لي وهي معصبه: (التبويس.. قلة حياء!)

بعدها بأسبوع.. شفت أمي تسلم على أم الجيران و(تبوسها).. قلت لها وأنا كلي أسى: "يا ماما.. التبويس قلة حياء!!"



الثلاثاء:

كانوا بنات خالتي عندنا.. وكنت الولد الوحيد اللي يلعب معهم.. وأبوي بس يبحلق عيونه فيني وين ما رحت ووين ما جيت..

بعد ما راحوا.. ناداني أبوي وقال:"عيب الواحد يجلس مع بنات..قلة أدب!"

بعدها بكم يوم.. كان أبوي جالس مع عماتي.. ناظرته بطرف عين (وتبون الصدق حقدت عليه).. وقلت له: "اللي يجلس مع بنات..قليل أدب!!"


:36_1_19[1
الأربعاء:

كنت اسمعهم يقولون: (صدام قوي).. وأعجبني..

بعد الأزمة.. قالوا: (حرامي ومجرم).

سألتهم: كيف؟!

قالوا: "حرامي ومجرم.. وبس.. واسكت..!"

وكنت أسمعهم بعد يقولون: (جيم كاري.. فاسد).. فكرهته على طول.. وكانوا يشوفون أفلامه.. ويضحكون..

كنت أسألهم: "ليه تضحكون؟! ما تقولون أنه فاسد؟!"

قالوا: ورا ما تنطم بس!؟



الخميس:

أبوي يقول التدخين حرام.. واللي يدخن يدخل النار.. وفي يوم شفت أبوي جالس مع صديقه أبو حمد.. وأبو حمد ماسك السيجارة بيده..

وقفت وسألت أبوي: "طيب اللي يجلس مع اللي يدخنون.. يدخل النار بعد؟!"



الجمعة:

أسمعهم يقولون.. أن اللي يطول في مكالمته يغازل.. واللي يروح للسوق يغازل.. واللي يعرف انترنت يغازل..

وأمي تطول على التلفون, وتروح للسوق, وتطقطق على الكمبيوتر..

رحت لأبوي وأنا مصدوم: "أبوي الحق.. أمي تغازل!!:36_1_20[1

منقووووووووووول
عجبنى وقلت الا تشاركونى فيه...............

************************************************** **************************