 |
 |
 |
|
|
|
|
 |
 |
|
|||||||
| موضوعات عامة المواضيع التي لاتشملها أقسام المنتدى |
 |
|
|
خيارات الموضوع | ابحث بهذا الموضوع | طريقة العرض |
|
#1
28/05/2005, 10:31 AM
|
||||
|
||||
|
الفنان الصغير ( محمد الكثيري) مع قناة الفجوور
بسم الله الرحمن الرحيم
السلام عليكم ورحمة الله وبركاته،، موضوع اليوم رااح نتكلم عن الفنااان الصغير محمد الكثيري طبعا تعرفوونه وحليله اللي يظهر على قنااة النجووم يوم يغني النااس كلهم يشوفون برائة طفوولته ومن كثر ما يكسر بخواطرهم يرشحونه وكل يووم محمد الكثيري يتقدم الى الصدارة وطبعا هذا يرفع الراس ولا شو رايكم ؟؟ واحد من الامارات طلع عليهم كلهم وصغير تغلب على الكباار وهذي شهاده نفتخر فيها بس في شي واحد ما ذكرنها شو مصيير هالولد لو انتقل الى عالم الفن وما يعرف من الصح والغلط اهله طرشووه عشاان يربح المليوون السالفه فيهاا فلووس يستغلوون هذا الطفل على طريق الذنووب والفسااد وقناة النجووم ما قصرت ويااه بشي وعن هالقنااة انا ما اسميها قناة النجووم اسميها قناة الفجوور الفجوور اللي تخرج كل واحد الى طريق الفجور والمعصيه شو ذنب هالطفل من اولها دخل هالعالم الضايع طبعا الذنب كله يرجع الى اهله اللي استغلوو طفولته عشان يربحهم المليون ويحتكر في هذي القناة الفجور والنااس ما راح يقصرون وياه من الشعراء والملحنين ..... والخ كل ماحد طرش مسج لكي يرشح هذا الطفل يتقدم خطوات سريعه الى الضيااع والله المستعاان اخوااااااااااني الاعضااااااااااء ابي رايكم بكل جديه على هذا الموضووووووع |
|
#2
28/05/2005, 10:39 AM
|
|||
|
|||
|
بصررراحة....ماعندي شئ أقوله غير الله يعينا على الي يصير قدامنا من مسخرة...من سوبر ستار الى الاكاديمية...انتهاء بنجوم الخليج...والبقية تأتي...لالالابعد تذكرت برنامج البيج براذر الي وقفوه....صح أنه مسخرة
|
|
#3
28/05/2005, 10:39 AM
|
||||
|
||||
|
بسم الله الرحمن الرحيم
والله ياختيه سبقتني ... كنت امفكره أطرح هالموضوع اللي شيب راسي!! ياجماعه الولد صغير ... وصوته ماشاالله حلو وطفولي ... اش بيضر أهله لو استغلوا قدرته عالحفظ في إنهم يحفظونه قرآن ويدخلونه مسابقة القرآن ؟؟؟ ماكنا بنستفيد من وجود مقرئ صغنون صوته رهيب حق القرآن مثل الشيخ محمد البراك ؟؟؟؟؟ انا تعجبت يوم شفته الصراحه!!! أحس أهله مالهم قلب امخلين بزر في هالعمر الصغير البريء يدخل عالم الفساد والفجور من أوسع أبوابه!! وقناة نجوم المنحلة، (آسفه على هالتعبير بس هاي الصج)، لو كانت تسعى للخير ولإفادة الأمة، ما كانت تبنت طفل عمره 11 سنه عشان اتخرج مطرب ينضم لقافلة لانهاية لها من المطربين اللي صاروا كغثاء السيل!! وين حقوق الطفل ؟؟ وين الانسانية في القائمين على القناة انهم ياخذون ولد عمره 11 سنه ويشغلونه مطرب ويستغلونه في أغراض لا أخلاقية؟؟؟!!! كيف الأهل يرضون على ولدهم يقعد في مكان منحط مثل هذا ؟؟ واحنا اللي قاعدين انربي عيالنا عالأدب والأخلاق والشرف والعفة وغض البصر عن هالخياس، تجي الفضائيات بمنتهى البساطة تهدم كـــل القيم والأخلاقيات اللي نبنيها ونحاول بقوة نزرعها في عيالنا .. والله يا جماعة ذنب هالولد في رقاب أهله .. اللي فتحوا عيونه من طفولته على أشياء هو في كامل الغنى عنها ... حـــــــــــــــــرام ... قتلتوا براءة الياهل وطفولته ... حــــــــــــــــرام دمرتوا بذرة الخير والفطرة اللي انولد عليها، انه يكون ريال يستحي من هالتفاهات ويترفع عن هالانحطاط ... هذا بكره كيف بيربي عياله ... ؟؟؟ اش بيقول لهم ؟؟؟ وشلون بتكون الأجيال اللي من نسله ؟؟؟ ماقول إلا الله يخلف على هالأمة ... ويساعدها .. ويثبت إيمانها .. ويهدي أبنائها وبناتها وآبائها وأمهاتها ... * واسمحوووووا لي عالاطالة .. بس والله مقهوره |
|
#4
28/05/2005, 10:47 AM
|
||||
|
||||
|
أخت القمر..>> اللهم امين
ماقصرتى على هالرد وصدقتى بكل كلمه قلتيها اختى فعلا ذنبه في ارقبة اهله الله يهديهم روزري >>> واشكرج جزيل الشكر على هالاهتمام ياغاليه ================ أحب أضيف أن : المشكله بالدرحة الاولى مب من الولد .. المشكله في القناه الهابطة (( قناه نجوم )) .. اللي اتحاول اتخرب عقول الناس .. و خاصة الاطفال و المراهقين و المشكله انه القناه قناه اماراتيه .. و صاحبها اماراتي .. و بصراحة انا ما اتشرف فيها كقناه .. و حافتنها من التلفزيون من زمااااااااان و بالدرجة الثانية المشكله تقع على الأهل .. سبحان الله !!! كيف هان عليهم ولدهم يخلونه يغني و هو توه ياهل .. خربوه قبل لا يميز الصح من الغلط .. هذا بدال لا يودونه مراكز تحفيظ قرآن .. و لا يعلمونه الحلال من الحرام .. و الله ناس غريبة شو بنقول بس .. الله يهديهم (( اللهم لا تؤاخذنا بما فعل السفهاء منا )) |
|
#5
29/05/2005, 09:09 AM
|
||||
|
||||
|
مشكور أختي ( قمر هالكون) على الموضوع
يكسر خاطري هالولد ماله ذنب الذنب ذنب أهله إلي ما وجهوه للصح عقوه في هالبلاوي من الحين يحليله اصغير ما يعرف شي ، أنا أتفق وياكم إنه أهله هم السبب ليش ما يعلمونه التلاوه وحفظ القرآن والله ما أدري هييله كيف يفكرون وهالقناة مثل ما قلتي قناة فجور وفسق وفساد الصراحة اقع اللوم ع الاهل اول شيء .... لانهم هم اللي شجعوا ولده في دخول هالبرنامج .... و مثل ما قالوا الاعضاء ... كان أخير و احسن لهم اذا استغلوا ولدهم في حفظ القران الكريم .... شان حصلوه مب بس بيزات من وراه ... حصلو على كنوز الجنه .... بس نسأل الله ان يهدي الجميع ... ثانيا اقع اللوم ع هالبرنامج .... الحين نحن ومن الصبح ونحط ع ستار اكاديمي و سوبر ستار و ثانية ... و اخر شيء طلعوا لنا برنامج نفسه ... الي هو ( نجوم الخليج ) ... اي خليج هاي ..اللي البنات فيها كلهم لابسين قصير و حالتهم حالة .... استغفر الله .... الله يهدي الضالين من أمتنا يارب |
|
| مشاركة الموضوع: |
| خيارات الموضوع | ابحث بهذا الموضوع |
| طريقة العرض | |
|
عناوين مشابهه
|
||||
| الموضوع | الكاتب | القسم | ردود | آخر مشاركة |
| [ جديد الفنان الإماراتي محمد المازم :: الكل بالكل | semo | ألحان التقوى | 2 | 22/03/2011 09:26 PM |
| محمد الصغير قصة واقعية مؤثرة جداً | remas rozan | قصص حقيقية | 2 | 10/09/2009 08:09 PM |
| انشودة لا تحـــزن روعة..للمنشد اليمني الصغير محمد الجوجي | الفارس الاخير | ألحان التقوى | 9 | 15/02/2008 02:03 AM |
| مـقـتـل الفنان الكويتي (خالد البريكي) بالصور | sweet angel | موضوعات عامة | 15 | 23/05/2005 07:31 AM |
|
النمط المتتابع
