سؤال صريح : إذا زميلك فيه ريحة كريهه وش تسوي

فديتكم على هالتفاعل

اذا خطيبتي او زوجتي او صديق قديم او اخوي او اختي او اي حد قريب مني وعادي امزح معاه في كل شي طبعا بصارحه وبقوله مباشرة بدون اي حياء او خجل


بس اذا صديق جديد او زميل عادي في العمل او ضيف عندي او ما شابه .. فطبعا ما بقوله لانها بصراحه حاجة محرجة جدا ..


وبصراحه انا مبتلي بواحد مو صديقي بس صديق أخوي وساكن معاه بنفس الشقة كلما جيت أخاشمه طلعت نفس الريحة منه .. كأنه ما اكل من زمن الفراعنه تكرمو .. لا والمشكلة انه يصر على الخشوم .. وبطريقة مطولة بعد .. يعني ما أسلم من بلع الريحة في كل مرة .. طبعا ادري تقززتو بس والله انا اعاني .. وبنفس الوقت ما اقدر ما ازور اخوي الاصغر ..



انا فكرت بيوم من الايام بحيله .. مدري توافقوني عليها او لا : أتصل من تلفون شارع بهالشخص .. وأغير صوتي وأقوله ما يلي "يا أخي الله يخليك اغسل اسنانك وتسوك دايما تراك دبلت كبودنا بريحتك" وأسكر طوالي .. شو رايكم بهالتصرف

مشكورة لمياء

وعنئذنكم شباب بروح أفرك أسناني الحين

الموضوع يهبل
صراحة لو اموت ما اجولهم ريحتكم كريهه مهما كانوا قريبين مني حتى ريلي
بس بحاول اتكلم معاهم في هالموضوع دوم وشلون العلاج ومثل هالحركات


بس مو عاد سيدا في الويه شي فشيلة لو انا حد جالي شي
باعتزل الناس وبتعالج عند اخصائي روايح سيدة هاهاهاهاهاهاهاها

إقتباس   اقتباس من مشاركة دانة الدنيا الموضوع يهبل صراحة لو اموت ما اجولهم ريحتكم كريهه مهما كانوا قريبين مني حتى ريلي بس بحاول اتكلم معاهم في هالموضوع دوم وشلون العلاج ومثل هالحركات بس مو عاد سيدا في الويه شي فشيلة لو انا حد جالي شي باعتزل الناس وبتعالج عند اخصائي روايح سيدة هاهاهاهاهاهاهاها

المشكلة ان للحين ما انخلق حد يسمى أخصائي روايح

احنا نرشحك انتي يا دانة الدنيا تتخصصي في هالمجال وبندفع لك نفقة الدراسة

شو قلتي؟؟؟